Haataꞌinge 14:10 - Tataroha Diana10 Mo iini urine kire kei meni hiingeꞌinie saewasunge a God oto toꞌohuu aana e saꞌa pwaidoraa ike saewasunge ingeie peꞌie nga kele mei ola ni aamasinge hunire, taꞌe kei haꞌa-aahesie mola apude. A God kei aasire mola i laona dunge ni haꞌamotaahinge aana mo heu eeso-eeso i naꞌona mo ensel maaꞌi ingeie na a Kalei Sipu. အခန်းကိုကြည့်ပါ။ |
Haataꞌinge 14:10
45 ပူးပေါင်းရင်းမြစ်များ
Oto a Jisas e kele lae taꞌau mwaaniraelu, ko si pouruuru i aano haahie maana na ko aarea God, ko unue uuri, “Mamaꞌa, iiola o niie mai hunie ne ke hotelaꞌinie ko aasaieu oto. Mala ko mwadaꞌu, saeku o ke oolisie aana nga iini mwa-mwate. Taꞌe neꞌewau oto, o ke dau mola i sulie nga taa o saetoꞌo aana, na o ke suꞌuri deu i sulie nga taa nou saetoꞌo aana.”
Mwala aana maholo ienini kire ko talei deu taꞌe wau oto mola, aana kire kaꞌa kinetaꞌinire ike loꞌu mala mo iinoni a God. Oto mala uri nga iini ko masa huni unu tahangaꞌinieu na mo haꞌa-uusulinge ineu i matolana mwala ni oorahaꞌaa ienini, nge ineu noꞌone ne kei masa huni unu tahangaꞌinie aana maholo ne kei lae mai peꞌie mo ensel maaꞌi aana manikuluhaꞌana a Mamaꞌa.”
Oto ngaeta iini aadaelu ko teꞌuri hunie, “A Konilias nge e uusungeꞌiniꞌemeelu mei ie, ingeie poro paine haahie mae. Na ingeie mwane e oodotaꞌi, na ko palo-paloa noꞌone a God, na ahutana mwala ni Jiu kire tohungei haꞌamaꞌu aana. Na ngaeta ensel a God e unue hunie ke unue huniꞌo uri o ke lae kaꞌu weu i nume ingeie hunie ke rongoa nga taa o kei unue hunie.”
Na a God kei haꞌamangoa taane mo weonga mo iini nge taungeꞌinilada ko lae i tehulaꞌana. Oto maꞌalana kolu ko meni sapesalu oto ie, taꞌe aana nga maholo ue mai, kolu saꞌa heꞌi sapesalu loꞌu. Na leune ke si reu taane aana maholo nge Aalaha ikie a Jisas kei uure taꞌau i Lengi na kei siho mai peꞌie mo ensel ingeie nge kire toꞌo aana nanamanga paine.
Omu ke aama-aamasitoꞌo noꞌone aana e ro huilume i Sodom na i Komora na mo huilume loꞌu kali-kelirerue. Mala uri mo ensel ngeena kire lae aaopa mwaanie neꞌisaenga a God hunire, nge mwala aana mo henuena kire lae aaopa noꞌone aana kire toliꞌaasire oto mola hunie aeni-olanga, na hule aana aeni-olanga tataꞌala peꞌie mo mwane mala ikire. Oto kire sapesalu aana haꞌaloilada e lae aana dunge mala nga tolimaa hunie ahutaka kie ke mani lee-leesie.
A God e haꞌaloie oto aena aana e da uri ahutana mwala aana walumalau kire inu mehiri aana wai ni pweunge ingeie, oto kire ko heimaanie mola ahutana mo aaelanga na mo oorahaꞌaanga ingeie. E palo-paloa oto toꞌo-toꞌonga liutaa, na mo inemauri kire mani lae takalo i sulie. Mo mwane tei-teri ola aana haꞌaholinge kire mani teri ola paine aena aana saehanalinge aaela ingeie.”
Taꞌe kire tapolie ola loo-looꞌa ngeena peꞌie propet eero-eero ingeie. Propet eero-eero ngeena e dau huꞌi-huꞌite kaꞌu i naꞌo huni pweloa mwala huni haꞌapainaꞌaa nunune ola loo-looꞌa ngeena na huni neꞌi haꞌa-ara aana i darada. Taꞌe kire aa mauri aadarue mola i laona dunge ni haꞌamotaahinge aana mo heu eeso-eeso.
Na mala uri nga iini uusulana satana e kaꞌa lae oto i lalona uusu-uusu ni meurihe ngeena, nge iini urine aasilana kei lae oto i laona dunge ni haꞌamotaahinge. Na ruana nga maenga oto ngeena. Na kire aasie loꞌu maenga na leu ni maenga i laona dunge ngeena, aana a God e haꞌamangoa oto maenga mwaanie nga iini e heꞌi mae loꞌu.
Taꞌe mwala kire ko meꞌuteꞌinie mola sapesalunge i tehulaꞌana Jisas, na mo iini kire ko eeliꞌu mola mwaanie a Jisas, na mo iini kire ko talei deu tataꞌala, na mo iini kire ko talei horo, na mo iini kire ko mei-mesi, na mo iini kire ko siꞌo-siꞌo, na mo iini kire ko palo-paloa mo god eero-eero, na mo iini kire ko eero-eero, kire kei meni iiꞌo mola i laona dunge ni haꞌamotaahinge aana mo heu eeso-eeso, na ruana nga maenga otona.”
ကြော်ငြာတွေ