Haataꞌinge 13:6 - Tataroha Diana

⁶ Ko ere waelie oto a God, na satana, na hanue ingeie, na ahutana mo iini nge kire iiꞌo peꞌie taꞌau i Lengi.

Haataꞌinge 13:6 ပူးပေါင်းရင်းမြစ်များ

Matiu 12:34

!Iꞌomu oto mo mwaa! ?Omu kei roroꞌa unue mo ola diana uri taa, na hule aana iꞌomu maraamiu na omu kaꞌa diana? Aana wawana iinoni oto ko unu-unue nga taa saena e honu aana.

Matiu 15:19

Aena aana mo ola nge ko iisi-iisitaa mai mwaanie saena iinoni, kire sai esuie iinoni ke loꞌongaꞌi aaela hunie ke horo, ke masi, na ke aeni ola, ke peli, ke sihoai ola eero-eero, na ke ere aaelasie ngaeta mwala.

Tataroha Diana I Sulie A Jisas Kraes Nge A Jon E Uusue 1:14

A mei Wala ngeena e lae oto mai na e neꞌi iinoni. E oꞌoꞌo oto i matolameelu na melu leesie oto manikuluhaꞌana, mei menikuluꞌanga oto paine aena aana ingeie oto taꞌa-taꞌa mwela mouteꞌi a God. Ingeie oto ko niie ahutana hahuꞌana manata-diananga a God hunikie, na ko unu-unue ahutana walaimolinge a God hunikie.

Uusu-uusu A Pol Hurula'aa Hunie Mo Rom 3:13

Luada e taha mola mala kilipweꞌu e taha, na taꞌena nga eeronga oto mola ko iisi-iisitaa mai mwaanie meada. Sam 5:9 Mo wala mala pulune mwaa ala-ala ko maa-maau mwaanie ngidude, Sam 140:3

Kolosi 1:19

Iau, e urine oto aana a God e neꞌisae huni iiꞌo taꞌingelu i lalo aana Kalena, hunie kire ke sada na nga mei aapa ingeie ke suꞌuri eiꞌaa mwaanie a Kalena.

Kolosi 2:9

Na kie saie uri a Kraes e diana liutaa aana taꞌena nga ola ni welumalau, aana ahutana mau-meuringe a God e iiꞌo i lalo aana a Kraes maholo e lae mai neꞌi iinoni mala ikie.

Hibru 9:2

Oto kire asuie nume maaꞌi susulu ngeena, na eetana nga duru aana kire haaraꞌinie aana “Duru Maaꞌi.” Na i laona duru maaꞌi ngeena kire neꞌie nga laite i leune i lengine nga ola talana, na hoorana laite ngeena kire neꞌie nga taetahe, na kire sai neꞌie mo ngeulaa maaꞌi i lengine taetahe ngeena.

Hibru 9:24

Aana a Kraes e hahuꞌei lai sili oto taꞌau i Lengi peꞌie apune maraana mala tohungei uunu-olanga e diana liutaa ngeena, na e iiꞌo oto i saana God huni peꞌikie aana maholo ienini. A Kraes e kaꞌa lae ike i sili i laona leu maaꞌi nge ninimei iinoni mola e asuie, aana leune nunune mola tohungana leu maaꞌi taꞌau i Lengi. Na e kaꞌa sili ike taꞌau i Lengi aana mo maholo hunge huni ooni aana niilana maurihaꞌana mala nga uunu-olanga i saana a God. !Haꞌike! Taꞌe a Kraes e asuie tohungei uunu-olanga ngeena mola hautaꞌai, na e kaꞌa asuie ike mala Naꞌohana Mo Naꞌohai Pris ko euꞌesuie i suli helisi, aana e sai lae sili i laona Hahuꞌana Leu Maaꞌi huni uuraa-uuraaꞌinie apune mo ola mauri nge uunu-olanga e lae aani ngeena.

Haataꞌinge 11:12

Oto e ro mwane maaꞌi ngeena kirerue ko rongoa mei wala paine uure taꞌau i Lengi ko unue hunirerue uuri, “More ke lae poi leu.” Oto kirerue ko lae oto taꞌau i Lengi i laona mei uuru, na mo maelonga ikirerue kire ko toꞌo-toꞌomaairerue mola.

Haataꞌinge 12:12

Aena urinena, omu ke ile-ilenimwaꞌe haahie leune, iꞌomu mo iini taꞌau i Lengi. Taꞌe kei tohungei aaela oto liutaa hunie mwakano na aasi, na ahutemiu mo iini omu iiꞌo mai aano i lalona walumalau, aena aana a Pwelu Eero-eero e siho oto mai aano i seemiu. Saena e honu mola aani saewasunge, aena aana e saie oto uri e saꞌa iiꞌo tewa ike loꞌu.”

Haataꞌinge 15:5

Oto i puri nou heꞌi lio loꞌu taꞌau i Lengi na nou leesie uri leu e tohungei maaꞌi i laona Aapa-aapa aani Heiholotaꞌinge a God e taha oto.

Haataꞌinge 18:20

Oto ngaeta mei wala e teꞌuri loꞌu, “Iꞌomu mwala taꞌau i Lengi, omu ke mani ilenimwaꞌe haahie haꞌaloinge e hule oto aana hanuena. Omu ke ilenimwaꞌe, iꞌomu mwala a Kraes, na iꞌomu mo hurulaꞌaa, na iꞌomu mo propet. Aana a God ko haꞌaletehie oto a keine haahie nga taa e dau aaelasie huniꞌomu.”

Haataꞌinge 21:3

Oto nou rongoa mei wala paine e uure mwaanie naunekume ko teꞌuri, “Nume a God ingeie oto mai saada mo iinoni. Kei iiꞌo oto peꞌire, na kire kei neꞌie oto mwala ingeie toꞌohuu. A God oto maraana kei iiꞌo oto peꞌire na kei neꞌie oto God ikire.

Haataꞌinge 4:1

Oto loꞌu i purine leune, nou lio na no ko leesie ngaeta maa e taha taꞌau i Lengi. Na mei wala e rongo mala aawa-aawatai eehuri nge nou rongoa kaꞌu holaꞌi naꞌo, ko heꞌi unue loꞌu hunieu uuri, “O ke lae poi i leu, na ne kei haataꞌinie aamu nga moi taa nge e saꞌa tewa na kire kei reu loꞌu.”

Haataꞌinge 4:4

Na kali-kelie naunekume ngeena nge e ro aawalai neunekume mwana hai noꞌone, na e ro aawalai rato mwana hai kire iiꞌo i lengini. Kire toꞌoni aani toꞌoni rereꞌa, na kire hoꞌosie mo rorodara aani kol i darada.

Haataꞌinge 5:13

Na nou rongoa ahutana mo iini taꞌau i Lengi, na mo iini mei aano i welumalau, na aana leu mo iini e mae, kire ko meni kana uuri, “Ahutana paalahenga, na haꞌamaꞌunge, na manikuluꞌanga, na aꞌailaꞌanga, ke iiꞌo oto huu nana iini nge e iiꞌo i lengine naunekume na noꞌone nana a Kalei Sipu.”

Haataꞌinge 7:15

Aena urinena nge kire iiꞌo oto i naꞌona naunekume a God, na kire ko palo-paloa oto susue dangi na rodo i laona nume maaꞌi ingeie. Na iini nge e iiꞌo i lengine naunekume kei lio i suli diana aada.

Haataꞌinge 7:9

Oto loꞌu i purine leune, nou lio na no ko leesie loꞌu nikei pulitaa oto paine, nge nga iini e saꞌa roroꞌa iidu-suuhana. Mwala ngeena kire uure mai mwaanie taꞌena nga mwala, na mwaanie taꞌena nga aapoloa, na mwaanie taꞌena nga komu, na mwaanie taꞌena nga erenga i laona walumalau. Kire mani toꞌoni eeni toꞌoni rereꞌa, na kire mani hele apa-apai eꞌe. Kire mani uure i naꞌona naunekume ni aalaha ngeena na a Kalei Sipu,