Haataꞌinge 13:17 - Tataroha Diana17 Na e haꞌa-uuresie haꞌatolanga uri nga iini e saꞌa roroꞌa ni holi ike wa ke haꞌaholingeꞌinie nga mei ola, na e kaꞌa toꞌo aana haꞌa-ara ngeena. Aana haꞌa-ara ngeena oto satana eetana nga ola loo-looꞌa ngeena, wa iidu-iidunge nge ko uure hunie satana. အခန်းကိုကြည့်ပါ။ |
Na nou leesie uri a keine e tohungei ilenimwaꞌe aana e horo maesie mo iini kire ko haꞌarongoa mwala aana Tataroha Diana i sulie a Jisas. Mala mo iini kire ko pweu aana kire inu hiitoꞌo aana wai ni pweunge, ingeie e inu mehiri mola aana apune mwala maaꞌi a God. Taꞌi darana a keine uusulana nga satai ola e lae uuri, INEU IINI PEINE, A BABILON. INEU OTO NIKEI REPI, NA NIKANA TAꞌENA NGA AAELANGA MAI AANO. Na maholo nou leesie satai ola ngeena, nou saie uri nga neꞌisaenga e iiꞌo mumuni ue aana nga taa nou leesie ngeena, taꞌe nou tohungei deu puꞌotaꞌinie.
Na nou leesie noꞌone ngaeta mo neunekume, na mo iini kire iiꞌo i lengini kire toꞌo aana nanamanga hunie leinge. Nou leesie noꞌone mangona mo iini nge horoꞌilada e lae oto i naꞌo, aena aana kire tarohaꞌinie a Jisas na walana a God. Kire kaꞌa haꞌapainaꞌaa ike ola loo-looꞌa ngeena wa nunune, na kire kaꞌa toꞌo aana ike haꞌa-ara ingeie i naꞌona darada wa i nimada. Oto kire mauri eelihoꞌi, na kire ko aalaha peꞌie a Kraes hunie sinolai helisi ngeena.
“Na hunie mo iini nge kire kei aꞌailaꞌa taraꞌasi honosie aaelanga, ne kei da kire ke neꞌi hunu oodo aana nume maaꞌi a God ineu, na kire saꞌa lae ike loꞌu mwaanie leune. Na ne kei uusue oolu satai ola aana iini urine—satana a God ineu, na satana Jerusalem haalu a God nge kei siho mai uure taꞌau i Lengi mwaanie a God ineu, na satai ola haalu ineu.