Haataꞌinge 13:10 - Tataroha Diana10 Mala uri a God kei toliꞌaasie taꞌena nga iini ke lae i nume ni hoꞌo, nge kei lae oto i nume ni hoꞌo. Mala uri a God kei toliꞌaasie taꞌena nga iini ke mae aani naihi, nge horoꞌilana kei lae oto aani naihi. Na aana maholo nge mo ola ngeena kei reu urine, nge iꞌomu mo iinoni a God, omu ke uure aꞌailaꞌa mola na omu ke hiiwalaimoli ngei-ngedi mola aana a God. အခန်းကိုကြည့်ပါ။ |
Haataꞌinge 13:10
29 ပူးပေါင်းရင်းမြစ်များ
Ineu a Jon, aasimiu kolu meni hiiwalaimoli aana a Jisas. Ikolu, kolu ko meni lae peꞌi uure maꞌutaꞌa, maꞌalana mwala ko teungeꞌinikolu haahie uri ikolu oto i laona Aalahanga a God. Kire neꞌieu wau i laona mala-malau ni hoꞌo i Patmos, aena aana no ko tarohaꞌinie walana a God na walaimolinge i sulie a Jisas.
Oto waite mo puꞌo kire ko tohungei saewasu, taꞌe ie maholo iꞌoe oto huni saewasu. Na maholo oto hunie o kei leie mo iini kire mae oto, maholo oto hunie o kei waaie mo koni-konihe iꞌoe, mala mo propet. Na maholo oto hunie o kei waaie kira hiiwalaimoli, mo iini nge kire haꞌamaꞌu eemu, e paine wa e mwai-mwei. Na maholo oto huni horo suuheꞌinie mo iini nge kire ko waelie walumalau.”
“Oto o ke saie uri ola loo-looꞌa ngeena, ingeie iini e mauri keꞌu waite, taꞌe ie e aiꞌaa oto. Kei maau taane poi mwaanie kalinge ni haꞌamotaahinge ngeena, taꞌe kei lae mola i sulie tala takoie haꞌamangolana. Mwala aana walumalau kei tohungei pangataꞌinie aana maholo kire kei leesie uri e mauri loꞌu, aena aana e mauri keꞌu waite, na e aiꞌaa oto ie, na kei heꞌi meuri loꞌu. Mwala nge kei pangataꞌinie mo iini mola nge uusulana satada e kaꞌa lae ike i laona uusu-uusu ni meurihe uure oto wau aana aehotalana walumalau.”
“Nou saie taane manata-diananga iꞌomu, na hiiwalaimolinge iꞌomu, na asunge diana iꞌomu aani peꞌilemiu heiliu, na hele-susuleꞌinge iꞌomu eeku maꞌalana ke aasa loꞌu uri taa. Iau, nou saie taane mo ola diana omu ko esuiꞌi ngeena, na uri omu ko esuiꞌi loꞌu liutaa aana mo iini nge omu esuiꞌi keꞌu holaꞌinaꞌo.
“Nou saie taane nga taa omu esuie, na uri omu esu hiitoꞌo nakue, na uri omu hele susuleꞌi aani hiiwalaimolinge aaku. Nou saie noꞌone uri omu leledie mo iini nge ko lae i sulie mo tolahai ola aaela, na uri omu oohongie oto mo iini nge kire ko unue uri ikire mo hurulaꞌaa ineu taꞌe haꞌike mola, na uri omu deu oodoie uri kire ko eero mola.
Omu ke loꞌongaꞌi diana mola i sulie mo wala diana kire unuꞌi keꞌu huniꞌomu na omu rongoꞌi oto, hunie omu ke hele i suliꞌi, na omu ke aaliꞌu mwaanie mo tolahai ola aaela iꞌomu. Taꞌe mala omu kaꞌa taꞌelaꞌi oto na omu ke aaliꞌu mwaanie tolahai ola aaela ngeena, ne kei lae mai mala iinoni peli-peli hule aana omu kei aparaꞌi eeku mola aana kele maholoi sato ne kei hule huni haꞌaloilemiu.
ကြော်ငြာတွေ