Haataꞌinge 12:9 - Tataroha Diana

⁹ taꞌe kire aasire mango oto mai aano i laona walumalau. Painehaꞌana mwaa ala-ala ngeena ola e uure oto mai i naꞌo. Na ingeie kaꞌu kie ko haa-haaraꞌinie a Pwelu Eero-eero wa a Satan. Na ingeie oto iini nge ko eeroa ahutana mwala aana walumalau huni lae i sulie mo tala aaela.

Haataꞌinge 12:9 ပူးပေါင်းရင်းမြစ်များ

Matiu 13:39

na maelonga nge e tataaꞌinie mo rea ingeie oto a Satan. Na soꞌokoninge oto haꞌamangolana walumalau, na mo iini ko soꞌokoni oto mo ensel.

Matiu 24:24

Aena aana mo kraes eero-eero na mo propet eero-eero hunge kire kei lae mai. Na mala ko mwadaꞌu, kire kei haꞌatakaloa mo iini nge a God e lio hilisire oto. Kire kei haataꞌinie mo tolimaa na mo huꞌi-huꞌite aana mwala, taꞌe mwaanie omu hiiwalaimoli aada.

Matiu 25:41

“Oto ne ke si unue loꞌu hunie mo iini i meu-meuliku uuri, ‘Omu ke tahi mwaanieu, mo iini nge omu iiꞌo oto loosie haꞌamotaahinge a God. Omu ke tahi i laona dunge nge ko weru tarau mola, na e saꞌa mwaꞌa loꞌu. Dunge ngeena dau aakaulana e lae oto hunie a Satan na mo liꞌoa aaela ingeie.

Matiu 4:1

Oto Liꞌoa Maaꞌi a God e naꞌona loꞌu a Jisas huni lae i laona hanuesala hunie a Satan kei malaahongana.

Matiu 4:10

Oto a Jisas ko aalamie loꞌu uuri, “Tahi mwaanieu Satan aana mo Uusu-uusu Maaꞌi e unue uuri, Omu ke palo-paloa mola taꞌe a God Aalaha iꞌomu, na omu ke asu mola nana taꞌe ingeie haliꞌite.” Diutronomi 6:13

Matiu 4:5

Oto a Satan ko heꞌi toolea loꞌu a Jisas i Jerusalem, na ko lai haꞌa-uuresie oto taꞌau i lengine ho susumaa aana Nume Maaꞌi Peine,

Matiu 4:8

Oto a Satan ko heꞌi toolea loꞌu a Jisas hunie toloi henue e lai lengi liutaa, na ko haataꞌinie aana ahutana mo henue paine aana walumalau ie, na oto taꞌena nga ola manikuluꞌe aani.

Tataroha Diana I Sulie A Jisas Kraes Nge A Luk E Uusue 10:18

Oto a Jisas e aalamire ko teꞌuri, “Nou leesie taane a Satan e domu uure mwaanie i Lengi mala waꞌariri.

Tataroha Diana I Sulie A Jisas Kraes Nge A Luk E Uusue 13:16

A keni nge nou haꞌa-uurie ie, ingeie keni aasikaelu noꞌone mo Jiu, na a Satan e hele aana oto hunie aawalai helisi mwana walu. ?Oto e ue? ?Uri e kaꞌa diana ike huni haꞌa-uurie aana Dinge Maaꞌi?”

Tataroha Diana I Sulie A Jisas Kraes Nge A Luk E Uusue 22:3

Oto a Satan e sili i saena ngaeta iini aana aawalai hurulaꞌaa mwana rue a Jisas nge sailana uri a Jiudas Iskariot.

Tataroha Diana I Sulie A Jisas Kraes Nge A Luk E Uusue 22:31

Na a Jisas e heꞌi teꞌuri loꞌu, “!Saemon, Saemon! O ke saie, a God e toliꞌaasie uri a Satan ke dau aahongamiu huni leesie uri a tei kei uure aꞌailaꞌa.

Tataroha Diana I Sulie A Jisas Kraes Nge A Luk E Uusue 8:12

Tala nge mo lite ngeena kire teke i sulie e urihana mo iini nge kire rongoa taane mo wala. Taꞌe e kaꞌa tewa na a Satan e lae mai ko taꞌaasie mwaanie manatada, hunie uri kire ke suꞌuri hiiwalaimoli na mwaanie uri haꞌa-uurilada e lae.

Tataroha Diana I Sulie A Jisas Kraes Nge A Jon E Uusue 12:31

Maholo e hule oto ie hunie a God kei leie walumalau, na ke oohe aasie a Satan, iini ko aalaha haahie walumalau.

Tataroha Diana I Sulie A Jisas Kraes Nge A Jon E Uusue 14:30

Nou saꞌa iiꞌo tewa ike loꞌu peꞌiꞌomu huni ere-ere peꞌiꞌomu, aana aalaha haahie walumalau ie, a Pwelu Eero-eero, ko lae oto mai. Ingeie e kaꞌa toꞌo aana ike nga nanamanga haahieu,

Tataroha Diana I Sulie A Jisas Kraes Nge A Jon E Uusue 16:11

Na kei haataꞌi diana aada uri a God kei saronai leire taane, aana lei-maesilana aalaha aana walumalau ie e pwani lae oto.

Tataroha Diana I Sulie A Jisas Kraes Nge A Jon E Uusue 8:44

Iꞌomu oto mo kalena a Pwelu Eero-eero, na saemiu uri omu ke lae mola i sulie mo neꞌisaenga ingeie. Oto tarau, ingeie iini e talei horo mola, na e leledie walaimolinge, aena aana walaimolinge haꞌike noꞌone aana. Maholo ko ere aani eeronga, nge ko ere-ere oto aana tohungana erenga ni henue ingeie eena, aena aana ingeie iinoni eero-eero, na ingeie aamana oto mo eeronga.

Palonga 26:18

hunie o ke tahanie maada hunie kire ke leesie matapwanga na mwaanie kire iiꞌo loꞌu i laona rodohono. Na hunie kire ke lae takoie a God mwaanie nanamanga a Satan. Na maholo kire kei hiiwalaimoli eeku, a God kei saeꞌaasie mo oorahaꞌaanga ikire na kire kei iiꞌo oto peꞌie mo iini nge a God e lio hilisire.’

Palonga 5:3

Oto a Pita ko teꞌuri hunie a Ananaeas, “?Ananaeas, e ue ni o toliꞌaasie a Pwelu Eero-eero ke naꞌomu huni eeroa Liꞌoa Maaꞌi? Aana iꞌoe, o hele oorea ngaeta aapa aana mei toꞌoha nge o terie aana mei aano o haꞌaholingeꞌinie.

Uusu-uusu A Pol Hurula'aa Hunie Mo Rom 16:18

Mwala urine, kire kaꞌa asu ike nana a Kraes Aalaha ikie, taꞌe kire ko lae mola i sulie mo heri-huninge aaela aana sape. Kire ko eero aani lahenga huni haꞌa-olaa mola saena mwala nge kire kaꞌa lio saie ike mo neꞌisaenga aaela ikire.

Uusu-uusu A Pol Hurula'aa Hunie Mo Rom 16:20

Oto urine a God ikie nge ko niie hanuelamanga hunikie, kei peꞌiꞌomu mola lau-leu hunie omu ke uuri puli-pulisie a Pwelu Eero-eero aana aeꞌaemiu mwaanie omu rongo hunie mo malaahonga ingeie. Na no ko aarengaꞌi hunie uri hahuꞌana manata-diananga a Aalaha ikie a Jisas ke iiꞌo peꞌiꞌomu.

2 Korinit 11:14

Na leune e kaꞌa ola ike huni pangataꞌinie, aena aana hule aana a Pwelu Eero-eero e sai haꞌakolo noꞌone hunie ke lio oto mala nga ensel ni raa-raa.

2 Korinit 11:3

Taꞌe no ko maarara, mwaanie nga mo iini e waelie manata-diananga iꞌomu hunie a Kraes na mei sae manola huni lulu i sulie. Na no ko maarara mwaanie e si urihana mola maholo mwaa e eeroa a Iv aana mo eeronga ingeie oto i naꞌo.

2 Korinit 12:7

Oto uri hunie ne ke suꞌuri toohaꞌinieu haahie walu ola paine nge a God e haataꞌiniꞌi eeku ngeena, e niie loꞌu mei ola huni waelie sapeku. E toliꞌaasie a Satan ke saunie sapeku aana mei olana, mwaanie nou toohaꞌinieu.

2 Korinit 2:11

Na aena aana saeꞌaasinge hailiu urine, nge a Pwelu Eero-eero e saꞌa roroꞌa tari mwadaꞌu ike aakaelu huni waelikolu, aena aana kolu saie oto mo loꞌongaꞌinge aaela ingeie.

2 Korinit 4:4

Kire kaꞌa hiiwalaimoli ike aana a Jisas, aena aana aalaha haahie walumalau ienini ko da mola manatada ko rodohono. Oto kire kaꞌa sai leesie ike raa-raangana Tataroha Diana nge ko raa haahire. Kire kaꞌa lio saie ike mei wala melu ko tarohaꞌinie i sulie manikuluhaꞌana a Kraes, iini e tohungei sada oto peꞌie a God.

Epesas 4:14

Oto kie saꞌa iiꞌo ike loꞌu mala mo mwela nge kire sai oolisie hiiwalaimolinge ikire tarau aana kire ko pwaarongo i sulie taꞌena nga haꞌa-uusuli nge ko eeroa mwala peꞌie mo pwelonga ikire takoie mo tala aaela. Mo mwela urine, kire urihana mo naho nge ooru ko ooruheꞌiniꞌi heiliu.

2 Tesalonaeka 2:3

Omu ke suꞌuri toliꞌaasie nga iini ke eeroꞌomu urine, aena aana dinge ooreta e saꞌa talei reu ike mola maraana. !Haꞌike! Taꞌe ngaeta mo ola kei holaꞌi reu. Mwala oto hunge kei haro ooho honosie a God, na loꞌu nga mwane e tataꞌala oto liutaa kei holaꞌi lae noꞌone mai huni heli peꞌie a God. Taꞌe a God kei tohungei haꞌaloie oto hiitoꞌo.

1 Timoti 2:14

Na a Pwelu Eero-eero e kaꞌa pweloa ike a Adam, taꞌe e pweloa mola a Iv, na urine a huꞌena e oorahaꞌaa oto.

2 Timoti 3:13

Taꞌe mwala tataꞌala nge kire ko haꞌapweue mola mwala, kire kei hunge oto loꞌu liutaa. Kire kei aaela oto loꞌu, na kire kei lae peꞌi eeroa mwala oto hiitoꞌo, taꞌe lae-lae na mwala kei haro pwelora loꞌu noꞌone.

Hibru 2:14

Oto ikie mo mwela ingeie ngeena, na aena aana ikie mo iinoni oto mola peꞌie mei sapei ola, nge ingeie noꞌone e neꞌi iinoni oto mala ikie. E mae huni mousie nanamanga a Satan, iini e toꞌo aana nanamanga aana maenga.

1 Pita 5:8

Taꞌe maelonga paine iꞌomu ngeena, a Pwelu Eero-eero, ko talei lae kali-keliꞌomu oto mola tarau huni waeliꞌomu. Ingeie ngeena domana oto nga laeon ko lae peꞌi tea paine aana ko lio hunie nga iini huni oonomie. Oto omu ke lio-lio diana talamiu, na omu ke kinetaꞌinie tolahamiu mwaanie aaelanga.

1 Jon 5:19

Kie manataꞌinie oto noꞌone uri ikie mo kalena God, maꞌalana ahutana mwala loꞌu i laona walumalau kire iiꞌo mola i mamalutana a Pwelu Eero-eero.

Jiud 1:9

Taꞌe hule aana a Maekol naꞌohai ensel, maholo e haꞌa-ere peꞌie a Pwelu Eero-eero haahie rae aana a Mosis, e kaꞌa ere aaelasie ike, taꞌe e unue mola uuri, “A Aalaha ke si ere aamu.”

Haataꞌinge 12:12

Aena urinena, omu ke ile-ilenimwaꞌe haahie leune, iꞌomu mo iini taꞌau i Lengi. Taꞌe kei tohungei aaela oto liutaa hunie mwakano na aasi, na ahutemiu mo iini omu iiꞌo mai aano i lalona walumalau, aena aana a Pwelu Eero-eero e siho oto mai aano i seemiu. Saena e honu mola aani saewasunge, aena aana e saie oto uri e saꞌa iiꞌo tewa ike loꞌu.”

Haataꞌinge 12:3

Oto ngaeta tolimaa e haataꞌi loꞌu taꞌau i Lengi. Iini ngeena painehaꞌana mwaa ala-ala, na sapena e tohungei nonoroꞌa. E toꞌo aana e hiu pwaꞌui ola aana na aawalai rarangoi ola. Na e hiu pwaꞌui ola ngeena kire mani oa rorodara mango.

Haataꞌinge 12:7

Oto oohotaa paine ko aehota oto taꞌau i Lengi. Naꞌohai ensel a Maekol na mo ensel ingeie ni kire ko heiseuni honosie painehaꞌana mwaa ala-ala ngeena na mo ensel ingeie.

Haataꞌinge 12:8

Taꞌe a Maekol ni e aꞌailaꞌa liutaa aana mwaa ngeena. Oto uure aana maholona, kire kaꞌa toliꞌaasie ike loꞌu hunie mwaa ngeena wa mo ensel ingeie ke iiꞌo taꞌau i Lengi,

Haataꞌinge 13:14

A God e toliꞌaasie hunie ke asuie mo huꞌi-huꞌite aana maholo e iiꞌo peꞌie ola loo-looꞌa holaꞌinaꞌo ngeena, na aena aana mo huꞌi-huꞌite ngeena, nge e haꞌapweue ahutana mwala ni welumalau. Ruana nga ola loo-looꞌa ngeena e unue uri mwala ke asuie nga nunui ola huni haꞌapainaꞌaa iini holaꞌinaꞌo, iini nge e malakaꞌa kaꞌu taꞌe e kaꞌa maesie ike.

Haataꞌinge 16:14

E oolu liꞌoa aaela ienini, kire toꞌo aana nanamanga huni deu huꞌi-huꞌite. Na kire ko lae-lae ngeena huni lokoa ahutana mo inemauri laona walumalau huni ooho honosie a God aana hai dinge paine nge a God Hahuꞌana Nanama kei leie mwala aana.

Haataꞌinge 18:2

Ensel ngeena e soi aana mei wala paine uuri, “!Hanue paine i Babilon e aiꞌaa oto! Mei repi keni ngeena e neꞌie oto huilume mo liꞌoa aaela, na mo aakalo. Na e neꞌie oto huilume mo menu poo, na ahutana oto mo menu aaela.

Haataꞌinge 19:20

Taꞌe kire tapolie ola loo-looꞌa ngeena peꞌie propet eero-eero ingeie. Propet eero-eero ngeena e dau huꞌi-huꞌite kaꞌu i naꞌo huni pweloa mwala huni haꞌapainaꞌaa nunune ola loo-looꞌa ngeena na huni neꞌi haꞌa-ara aana i darada. Taꞌe kire aa mauri aadarue mola i laona dunge ni haꞌamotaahinge aana mo heu eeso-eeso.

Haataꞌinge 2:13

“Nou saie taane uri omu iiꞌo aana leu nge naunekume a Pwelu Eero-eero e iiꞌo aana, taꞌe maꞌalana e urine omu hele paipesi toꞌohuu aana sataku. I Pegamam nge leu kire horo maesie a Antipas aana, iini e tohungei sai houleꞌinieu. Taꞌe maꞌalana aana maholo aaela urine, na omu kaꞌa toliꞌaasie ike hiiwalaimolinge iꞌomu eeku i matolana mwala aana hanue a Pwelu Eero-eero ngeena.

Haataꞌinge 2:24

“Taꞌe mo iini eemiu mo Taeataera nge omu kaꞌa lae ike i sulie haꞌa-uusulinge aaela ngeena na omu puꞌotaꞌinie mola nga taa kire unu-unue aana “Saenanaunge mumuni a Pwelu Eero-eero,” nge no ko unue oto huniꞌomu uri nou saꞌa neꞌie ike loꞌu nga hiꞌelaa haahiꞌomu.

Haataꞌinge 2:9

“Nou saie taane mo aasanga iꞌomu na uri omu meitale. Taꞌe omu tohungei toꞌo-toꞌo taane aana hiiwalaimolinge. Nou saie taane mwala ko ere aaelasiꞌomu aana kire unue uri ikire oto mo iini a God e saetoꞌo aada. Taꞌe haꞌike. Ikire, kire ko haꞌapainaꞌaa mola a Satan ni ngeena.

Haataꞌinge 20:10

Oto a Satan nge e eero-eeroa mwala ngeena, kire aasie i laona dunge ni haꞌamotaahinge aana mo heu eeso-eeso, leu nge ola loo-looꞌa ngeena na propet eero-eero ingeie kire iiꞌo aana. Na i leune kire kei iiꞌo i laona haꞌamotaahinge susue aatowaa na rodo na oto huu.

Haataꞌinge 20:8

Oto kei iisitaa poi huni eeroa taꞌena nga mo aapoloa i laona walumalau. Mwala ngeena, tolahada e urihana ngaeta aalaha aaela wau i naꞌo, a Gok. Ingeie peꞌie aalahanga ingeie i Magok kire uure honosie a God suli maholo. Oto a Satan kei lokoa ahutana mwala aana walumalau hunie oohotaa, na kire kei hunge oto mala oone i sulie oone.

Haataꞌinge 3:9

Omu saie taane mo iini aana pulitaa a Pwelu Eero-eero nge kire ko unue uri ikire oto mo iini a God e saetoꞌo aada. !Taꞌe haꞌike! Kire ko eero mola. !Omu ke rongo kaꞌu! Ne kei haro dau rarahire hunie kire ke lae mai pouruuru i naꞌomiu. Nge kire ke si saie uri iꞌomu oto nou saetoꞌo aamiu liutaa.

Haataꞌinge 9:1

Oto limana nga ensel e uuhie loꞌu aahuri ingeie. Na nou leesie iini kire haaraꞌinie aana a Heeꞌu nge a God e aasie kaꞌu mei aano mwaanie i Lengi. Na kire niie kii hunie, huni tahanie kalinge ni haꞌamotaahinge e kaꞌa toꞌo kaona.

Haataꞌinge 9:20

Taꞌe ahutana mo iinoni loꞌu i lalona walumalau nge horoꞌilada e kaꞌa lae ike aana mo aaelanga ngeena, kire kaꞌa oonisae ike mwaanie mo takalonga ikire. Kire kaꞌa mamalo ike mwaanie palolana mo liꞌoa aaela na mo nunui ola kire asuiꞌi mola aani kol, na siliva, na bras, na hau, na aani ei. Mo god eero-eero ngeena kire kaꞌa sai lio ike aana maada wa kire ke rorongo aana aalingada wa kire ke lae-lae aana aeꞌaeda.