Haataꞌinge 12:7 - Tataroha Diana

⁷ Oto oohotaa paine ko aehota oto taꞌau i Lengi. Naꞌohai ensel a Maekol na mo ensel ingeie ni kire ko heiseuni honosie painehaꞌana mwaa ala-ala ngeena na mo ensel ingeie.

Haataꞌinge 12:7 ပူးပေါင်းရင်းမြစ်များ

Matiu 13:41

A Kale Ni Iinoni kei uusungeꞌinie mo ensel ingeie huni taꞌaasie mo iini aaela mwaanie aalahanga ingeie. Oto kire ke soꞌokoni aasie mo iini ko haꞌatataroa mwala hunie oorahaꞌaa na mo iini ko da tataꞌalanga.

Matiu 16:27

Taꞌe ineu a Kale Ni Iinoni ne kei lae taane mai peꞌie mo ensel aana manikuluhaꞌana Aamaku huni waaie nga iini oto i sulie helelana. Sam 62:12

Matiu 24:31

Oto ne kei uusungeꞌinie mai mo ensel ineu peꞌie aawatai eehuri oto paine, na kire kei lae peꞌi soꞌokonie mo iini nou lio hilisire mwaanie e hai maai dengi aana walumalau, uure aana ngaeta ngongoꞌai welumalau lai hule aana ngaeta ngongoꞌai welumalau.”

Matiu 25:41

“Oto ne ke si unue loꞌu hunie mo iini i meu-meuliku uuri, ‘Omu ke tahi mwaanieu, mo iini nge omu iiꞌo oto loosie haꞌamotaahinge a God. Omu ke tahi i laona dunge nge ko weru tarau mola, na e saꞌa mwaꞌa loꞌu. Dunge ngeena dau aakaulana e lae oto hunie a Satan na mo liꞌoa aaela ingeie.

Matiu 26:53

Iꞌoe, o saie kaꞌu oto uri mala ne kei sukaa nga mei peꞌinge mwaanie Aamaku, nge e sai uusungeꞌinie mola mai lau-leu mo sinolai ensel huni peꞌieu.

2 Korinit 12:7

Oto uri hunie ne ke suꞌuri toohaꞌinieu haahie walu ola paine nge a God e haataꞌiniꞌi eeku ngeena, e niie loꞌu mei ola huni waelie sapeku. E toliꞌaasie a Satan ke saunie sapeku aana mei olana, mwaanie nou toohaꞌinieu.

Epesas 6:12

Aana kie kaꞌa ooho ike honosie mo iinoni, taꞌe kie ko ooho honosie mo liꞌoa aaela, na mo aalahanga aana mo liꞌoa tataꞌala, na mo nanamanga aana rodohono, na taꞌena nga iini aana mae a Pwelu Eero-eero.

2 Tesalonaeka 1:7

Na a God kei haꞌamangoa taane mo weonga mo iini nge taungeꞌinilada ko lae i tehulaꞌana. Oto maꞌalana kolu ko meni sapesalu oto ie, taꞌe aana nga maholo ue mai, kolu saꞌa heꞌi sapesalu loꞌu. Na leune ke si reu taane aana maholo nge Aalaha ikie a Jisas kei uure taꞌau i Lengi na kei siho mai peꞌie mo ensel ingeie nge kire toꞌo aana nanamanga paine.

Hibru 2:10

A God oto iini e haꞌaholaa taꞌena nga ola, na ingeie oto tohungei aalaha haahie ahutana mo olana. Na nga taa e asuie aana e toliꞌaasie Kalena ke sapesalu, e tohungei oodo na e malisi, aana saena God hunie Kalena ke haꞌa-uurie mo iinoni oto hunge. Oto aana a Kraes e sapesalu honotaka mo iinoni urine, nge e haꞌamangoa oto asunge ingeie mala a Haꞌa-uuritaka, na e haꞌa-uurie mo iini oto hunge hunie kire ke mani iiꞌo oto peꞌie aana manikuluhaꞌana taꞌau i Lengi.

2 Pita 2:4

Na kie mani saie oto uri maholo mo ensel kire oorahaꞌaa kaꞌu waite, a God e haꞌaloire aana e pwasure aani iieliheu, na e oohe aasire i laona leu ni haꞌamotaahinge nge e tohungei rodohono oto hiitoꞌo. Na kire kei iiꞌo i leune lae-lae hule aana Dinge Ni Leinge aana maholo ooreta.

Jiud 1:9

Taꞌe hule aana a Maekol naꞌohai ensel, maholo e haꞌa-ere peꞌie a Pwelu Eero-eero haahie rae aana a Mosis, e kaꞌa ere aaelasie ike, taꞌe e unue mola uuri, “A Aalaha ke si ere aamu.”

Haataꞌinge 12:8

Taꞌe a Maekol ni e aꞌailaꞌa liutaa aana mwaa ngeena. Oto uure aana maholona, kire kaꞌa toliꞌaasie ike loꞌu hunie mwaa ngeena wa mo ensel ingeie ke iiꞌo taꞌau i Lengi,

Haataꞌinge 12:9

taꞌe kire aasire mango oto mai aano i laona walumalau. Painehaꞌana mwaa ala-ala ngeena ola e uure oto mai i naꞌo. Na ingeie kaꞌu kie ko haa-haaraꞌinie a Pwelu Eero-eero wa a Satan. Na ingeie oto iini nge ko eeroa ahutana mwala aana walumalau huni lae i sulie mo tala aaela.

Haataꞌinge 13:7

Niilana aꞌailaꞌanga e lae noꞌone hunie huni ooho peꞌie mwala maaꞌi a God, na huni aꞌailaꞌasire. Niilana nanamanga e lae noꞌone hunie haahie ahutana mo iinoni ni welumalau maꞌalana nga komu uri taa wa nga ere-erenga uri taa wa nga hanue loꞌu uri taa kire iiꞌo aana.

Haataꞌinge 20:2

Oto ensel ngeena e tapolie painehaꞌana mwaa ala-ala ngeena, na e pwasue aana iieliheu hunie ke iiꞌo ni hoꞌo hunie sinolai helisi. Mwaa uure oto wau i naꞌo ngeena, ingeie nge naꞌohana mo liꞌoa aaela, na satana a Pwelu Eero-eero wa a Satan.