Haataꞌinge 12:10 - Tataroha Diana

¹⁰ Oto nou heꞌi rongoa loꞌu mei wala paine e uure taꞌau i Lengi ko teꞌuri, “Aana maholo ie God ikie e haꞌa-uurikie oto. e haataꞌinie oto uri e toꞌo aana nanamanga huni aalaha oto mala inemauri. Oto ie a Kraes e haataꞌinie uri ingeie oto ni e aalaha haahie taꞌena nga ola. Aana iini nge holaꞌinaꞌo e talei haꞌa-haꞌasusungeꞌinie mola mo eesike suli aatowaa na rodo i naꞌona a God ikie, aasilana e lae oto mai aano.

Haataꞌinge 12:10 ပူးပေါင်းရင်းမြစ်များ

Matiu 26:64

Oto a Jisas ko aalamie uuri, “Nge kaꞌu oto o ko unuena. Na aana nga maholo omu kei meni leesieu a Kale Ni Iinoni ne kei iiꞌo aana naꞌohai iiꞌo-iiꞌoha i pwalo-pwalona God Hahuꞌana Nanama, na kei lae mai i laona mei uuru uure taꞌau i salo.”

Matiu 28:18

Oto a Jisas ko lae mai saada, na ko ere hunire uuri, “A God e niie oto ahutana nanamanga hunieu, haahie ahutana mo ola i Lengi na mai aano i leu.

Matiu 6:10

Aalahanga iꞌoe ke lae mai. Mo ola saemu eeni deuleni, asuileni ke lae oto i aano i leu mala oto i Lengi.

Tataroha Diana I Sulie A Jisas Kraes Nge A Luk E Uusue 11:2

Oto a Jisas ko teꞌuri hunire, “Maholo omu ko aarengaꞌi, omu ke ere uurini. Mamaꞌa, Mwala ke haꞌamaꞌu aana satamu. Aalahanga iꞌoe ke lae mai.

Tataroha Diana I Sulie A Jisas Kraes Nge A Luk E Uusue 22:31

Na a Jisas e heꞌi teꞌuri loꞌu, “!Saemon, Saemon! O ke saie, a God e toliꞌaasie uri a Satan ke dau aahongamiu huni leesie uri a tei kei uure aꞌailaꞌa.

1 Korinit 5:4

Oto iꞌomu, omu ke loko tararuru aana satana a Jisas, Aalaha ikie, huni neꞌisae i sulie neꞌisaenga ineu ie. Oto aana nanamanga a Jisas,

2 Korinit 12:9

Taꞌe e unue mola hunieu uuri, “Manata-diananga ineu huniꞌo e paine na e adomu oto, aana nanamanga ineu e sai peine oto liutaa maholo o ko mamaelaꞌa.” Oto no ko tohungei ilenimwaꞌe huni toohaꞌinieu haahie mamaelaꞌanga ineu, hunie uri nanamanga a Kraes ke iiꞌo oto i lalo aaku.

Taetas 2:3

Na o ke haꞌa-uusulie noꞌone mo huꞌe hunie kire ke lulu i sulie tolahai iinoni diana nge e malisine mo iini kire hiiwalaimoli aana a Jisas. Kire ke suꞌuri sisiho aana mwala, na kire ke suꞌuri inu-inu wei ni mehiri hiitoꞌo. Taꞌe kire ke haꞌa-uusulie mwala mola aana tolahai iinoni diana,

1 Pita 5:8

Taꞌe maelonga paine iꞌomu ngeena, a Pwelu Eero-eero, ko talei lae kali-keliꞌomu oto mola tarau huni waeliꞌomu. Ingeie ngeena domana oto nga laeon ko lae peꞌi tea paine aana ko lio hunie nga iini huni oonomie. Oto omu ke lio-lio diana talamiu, na omu ke kinetaꞌinie tolahamiu mwaanie aaelanga.

Haataꞌinge 11:15

Oto hiune nga ensel e uuhie aahuri ingeie, na mo wala paine uure taꞌau i Lengi ko teꞌuri, “A God ikie na iini e lio hilisie hunie ke neꞌie a Haꞌa-uuri, ikire oto kire toꞌo aana nanamanga haahie ahutana walu ola aana walumalau na huni aalaha haahie oto huu.”

Haataꞌinge 2:26

“Na hunie mo iini nge kei aꞌailaꞌa taraꞌasi honosie aaelanga na kire kei lae peꞌi esuie mola mo esunge ineu lai hule aana ooretalana, nge ne kei niie nanamanga hunire hunie kire kei aalaha haahie ahutana mo aapoloa aana walumalau.

Haataꞌinge 7:10

na kire ko soi aana mei wala paine uuri, “Haꞌa-uuringe e uure mai mwaanie a God ikie, iini nge e iiꞌo i lengine naunekume, na mwaanie a Kalei Sipu.”