Haataꞌinge 11:8 - Tataroha Diana

⁸ Na mo rae aadarue kei kesu mola i sulie tala aana huilume kire ere ni aalahuunge aana uuri i Sodom wa i Ijip. Mo satai ola ngeena nga tolimaa mola hunie huilume i Jerusalem nge kire horoꞌie a Aalaha ikirerue noꞌone aana.

Haataꞌinge 11:8 ပူးပေါင်းရင်းမြစ်များ

Matiu 10:15

No ko unue oto huniꞌomu, aana dinge ni leinge, haꞌaloilana mwala aana huilume ngeena kei aaela loꞌu hiitoꞌo liutaa aana haꞌaloinge nge kei lae hunie mwala tataꞌala aana e ro huilume i Sodom na i Komora.”

Palonga 9:4

Oto e si domu oto i aano, na ko rongoa mei wala ko teꞌuri, “!Sol, Sol! ?E ue ni o ko teungeꞌinieu?”

Hibru 13:12

Na a Jisas e urine noꞌone, aana e mae poꞌoi sinaha aana huilume uri huni haꞌarereꞌaa mwala ingeie mwaanie oorahaꞌaa oto aana apune maraana.

2 Pita 2:6

Na loꞌu a God e leie e ro huilume i Sodom na i Gomora noꞌone, na e uunu aasire mango-mango aana dunge. Tolahai ola ngeena e haataꞌinie nga mo taungei ola uri taa kei haro hite aana mwala nge kire kaꞌa manataꞌinie ike a God.

Jiud 1:7

Omu ke aama-aamasitoꞌo noꞌone aana e ro huilume i Sodom na i Komora na mo huilume loꞌu kali-kelirerue. Mala uri mo ensel ngeena kire lae aaopa mwaanie neꞌisaenga a God hunire, nge mwala aana mo henuena kire lae aaopa noꞌone aana kire toliꞌaasire oto mola hunie aeni-olanga, na hule aana aeni-olanga tataꞌala peꞌie mo mwane mala ikire. Oto kire sapesalu aana haꞌaloilada e lae aana dunge mala nga tolimaa hunie ahutaka kie ke mani lee-leesie.

Haataꞌinge 11:13

Na aana maholona nunu oto paine e nunu, na tangahuluꞌana ngaeta poꞌo ni leu aana huilume i Jerusalem ngeena e aaꞌoho oto, na e hiu sinolai iinoni kire mae aana nunu ngeena. Oto mo iini nge kire kaꞌa mae ike, kire ko tohungei meꞌu, na kire ko soi haꞌamanikuluꞌaa oto a God taꞌau i Lengi.

Haataꞌinge 11:9

Oto kire saꞌa toliꞌaasie ike nga iini ke haitoli aadarue, na hunie e oolu hei dinge peꞌie nga aapai dinge mwala aana ahutana mo henue hai aaopaꞌi, na taꞌena nga aapoloa, na taꞌena nga komu, na taꞌena nga ere-erenga, kire kei toꞌo-toꞌomaaie e ro rae aadarue.

Haataꞌinge 14:20

E toolera mola i sinaha mwaanie huilume, na arasilada ko lae oto. Oto e losie nimei hero ngeena, na apu mola ko aahe mwaanie ai loi-losi ngeena. Apune kira oorahaꞌaa e aahe ngeena na e kone mala wai ko kone, na totoho aana apu e aahe ngeena e lae haꞌatau hunie oolu tangalai kilomita, na e kokoro nga tahanga.

Haataꞌinge 14:8

Oto ruana nga ensel e lae mai sulie na ko heꞌi teꞌuri loꞌu, “Huilume paine i Babilon e aaꞌoho oto. !E waetaꞌi oto! Mala i Babilon oto i naꞌo, huilume paine ngeena e hari hunie mola aaelanga na e da uri taꞌena nga hanue aana walumalau noꞌone ke inu mehiri oto mala ingeie. Oto a God ko saewasulire.”

Haataꞌinge 16:19

Na a God e neꞌisae oodoie aaelanga aana hanue paine nge e urihana Babilon wau i naꞌo, oto e tohungei haꞌa-aahesie apune aana saewasunge ingeie. Nunu peine ngeena e oopaa hanue paine ngeena aana e oolu poꞌo ni leu, na mo huilume paine aana taꞌena nga aapoloa kire aaꞌoho mango oto.

Haataꞌinge 17:1

Oto ngaeta iini aana e hiu ensel nge kire hele-hele aana kaꞌu e hiu kao-kao ngeena, e lae mai ko unue hunieu uuri, “O ke lae mai hunie o ke leesie haꞌamotaahinge e lae hunie hanue nge e iiꞌo i reune mo wei. Hanuena e urihana mei keni repi

Haataꞌinge 17:18

“Oto o ke saie loꞌu uri mei repi keni ngeena, ingeie oto hanue paine nge ko aalaha haahie mo inemauri aana walumalau.”

Haataꞌinge 17:5

Na nou leesie uri a keine e tohungei ilenimwaꞌe aana e horo maesie mo iini kire ko haꞌarongoa mwala aana Tataroha Diana i sulie a Jisas. Mala mo iini kire ko pweu aana kire inu hiitoꞌo aana wai ni pweunge, ingeie e inu mehiri mola aana apune mwala maaꞌi a God. Taꞌi darana a keine uusulana nga satai ola e lae uuri, INEU IINI PEINE, A BABILON. INEU OTO NIKEI REPI, NA NIKANA TAꞌENA NGA AAELANGA MAI AANO. Na maholo nou leesie satai ola ngeena, nou saie uri nga neꞌisaenga e iiꞌo mumuni ue aana nga taa nou leesie ngeena, taꞌe nou tohungei deu puꞌotaꞌinie.

Haataꞌinge 18:10

Kire uure oto wau haꞌatau mwaanie aana kire maꞌuteꞌinie aaelanga nge e hite aana, na kire ko teꞌuri, “!Aama-aamasilemu! !Aama-aamasilemu hanue oto paine! Iꞌoe oto Babilon, hanue e tohungei nanama. Haꞌamangolamu e hule oto aana taꞌa-taꞌa maholoi sato.”

Haataꞌinge 18:18

Kire leesie pwaꞌulana dunge aana a keine ko weru, na kire ko soi oto i lengi uuri, “!Aama-aamasilemu! !Aama-aamasilemu hanue oto paine! Nga huilume e kaꞌa sada ike loꞌu aana huilume paine ngeena. Ahutameelu nge melu toꞌo haka, melu meni toꞌo-toꞌo noꞌone aena aana toꞌo-toꞌonga oto paine a keine. Saehuunge oto paine aana e aiꞌaa oto mola aana taꞌa-taꞌa kele maholoi sato.” Na kire ko aasie pwasaꞌora i lengine pwaude peꞌi ngaranga ni haataꞌinie saehuunge ikire.

Haataꞌinge 18:2

Ensel ngeena e soi aana mei wala paine uuri, “!Hanue paine i Babilon e aiꞌaa oto! Mei repi keni ngeena e neꞌie oto huilume mo liꞌoa aaela, na mo aakalo. Na e neꞌie oto huilume mo menu poo, na ahutana oto mo menu aaela.

Haataꞌinge 18:21

Oto nou leesie loꞌu ngaeta ensel aꞌailaꞌa e suluꞌie hau oto paine, na ko uuꞌileꞌinie hai laona aasi, ko teꞌuri, “Iꞌomu mo Babilon omu kei urine noꞌone, aana aaꞌohosilana hanue iꞌomu kei lae na omu kei eiꞌaa oto mwaanie walumalau.

Haataꞌinge 18:24

Iau, na aaꞌohosilana hanue iꞌomu e lae aena aana omu roroꞌa noꞌone aana apune mo propet, na mwala maaꞌi a God, na ahutana mo iini nge horoꞌilada e lae i laona walumalau. Hanue paine iꞌomu mo Babilon ngeena e urihana mei repi keni, na walu ola aaela e haꞌamalaa aani ngeena, ikire oto kire horo maesie mo iini oodotaꞌi urine. Oto aaꞌohosilana hanue iꞌomu e lae mola.”