Haataꞌinge 11:18 - Tataroha Diana

¹⁸ Oto waite mo puꞌo kire ko tohungei saewasu, taꞌe ie maholo iꞌoe oto huni saewasu. Na maholo oto hunie o kei leie mo iini kire mae oto, maholo oto hunie o kei waaie mo koni-konihe iꞌoe, mala mo propet. Na maholo oto hunie o kei waaie kira hiiwalaimoli, mo iini nge kire haꞌamaꞌu eemu, e paine wa e mwai-mwei. Na maholo oto huni horo suuheꞌinie mo iini nge kire ko waelie walumalau.”

Haataꞌinge 11:18 ပူးပေါင်းရင်းမြစ်များ

Matiu 5:12

Omu kei ile-ilenimwaꞌe oto loꞌu liutaa, aena aana waaitemiu e paine oto taꞌau i Lengi. Na urine e haataꞌi diana aana uri omu urihana mo propet a God oto i naꞌo, aana mwala i naꞌo kire taungeꞌinire noꞌone urine.”

Tataroha Diana I Sulie A Jisas Kraes Nge A Luk E Uusue 1:50

A God e aamasie mo iini kire haꞌamaꞌu aana, uure oto aana mo pweunge i naꞌo lae mai hule siꞌiri na mo pweunge ue mai.

Hibru 9:27

Aana iinoni ko mae mola hautaꞌai, na mai puri a God kei leie.

Haataꞌinge 10:7

Aana maholo nge hiune nga ensel kei uuhie aahuri ingeie, nge a God kei haꞌa-oaie oto mei saehaahinge ingeie, mala kaꞌu e unue oto hunie mo koni-konihe ingeie, mo propet maaꞌi.”

Haataꞌinge 11:2

Taꞌe o ke suꞌuri totohoa lolata poi sinaha aana nume maaꞌi. Toliꞌaasie mola, sulie niilana e lae oto hunie mo Aapoloa Aaopa nge ikire nga mo Jiu haꞌike, na kire kei aalaha haahie i Jerusalem i sulie e hai aawalai waro-waro mwana rue.

Haataꞌinge 13:10

Mala uri a God kei toliꞌaasie taꞌena nga iini ke lae i nume ni hoꞌo, nge kei lae oto i nume ni hoꞌo. Mala uri a God kei toliꞌaasie taꞌena nga iini ke mae aani naihi, nge horoꞌilana kei lae oto aani naihi. Na aana maholo nge mo ola ngeena kei reu urine, nge iꞌomu mo iinoni a God, omu ke uure aꞌailaꞌa mola na omu ke hiiwalaimoli ngei-ngedi mola aana a God.

Haataꞌinge 13:16

Na ruana nga ola loo-looꞌa ngeena ko deu rarahie loꞌu ahutana mwala, mwala mwai-mwei na mwala paine, mo iini kire toꞌo-toꞌo na mo iini kire maitale, mo koni-konihe na mo iini kire iiꞌo luhetaꞌi, hunie kire ke mani toꞌo aana haꞌa-ara aana ninime i pwalo-pwaloda wa taꞌi naꞌona darada.

Haataꞌinge 14:10

Mo iini urine kire kei meni hiingeꞌinie saewasunge a God oto toꞌohuu aana e saꞌa pwaidoraa ike saewasunge ingeie peꞌie nga kele mei ola ni aamasinge hunire, taꞌe kei haꞌa-aahesie mola apude. A God kei aasire mola i laona dunge ni haꞌamotaahinge aana mo heu eeso-eeso i naꞌona mo ensel maaꞌi ingeie na a Kalei Sipu.

Haataꞌinge 15:1

Oto nou heꞌi leesie loꞌu ngaeta tolimaa oto paine taꞌau i Lengi, na nou tohungei pangataꞌinie. Nou leesie e hiu ensel nge kei toolea mai e hiu huꞌi-huꞌite aaela ooreta. Maholo mo huꞌi-huꞌite aaela ngeena kei mango, nge saewasunge a God ke si mango oto i leune.

Haataꞌinge 15:7

na ngaeta iini aana e hai ola mauri ngeena e niie e hiu kao-kao aani kol wau hunie e hiu ensel ngeena. Mo kao-kao ngeena kire honu mola aana saewasunge a God, iini nge e iiꞌo oto huu.

Haataꞌinge 18:6

“Mala e asu aaelasie kaꞌu mo iinoni maaꞌi ineu, nge ne kei suꞌue loꞌu taꞌa-taꞌa taungei aaelanga ngeena hunie, taꞌe kei aaela haꞌarue loꞌu hunie. E haꞌa-inuhie kaꞌu mo iinoni maaꞌi ineu aani wei ahaꞌi, na ingeie kei inu haꞌarue loꞌu aana wai ahaꞌi ngeena.

Haataꞌinge 19:15

Na naihi e ala e maau mwaanie ngidune iini i naꞌo ngeena, hunie kei aꞌailaꞌasie mo henue. E saꞌa lio toliꞌaasie ike nga mei heitohenga i laona aalahanga ingeie, aana ingeie oto iini ko arasi aana saukae ni saewasunge a God Hahuꞌana Nanama.

Haataꞌinge 19:18

Hunie omu ke ngaue hasiꞌona mo inemauri, na hasiꞌona mo ramo, na hasiꞌona mo mwane aꞌailaꞌa, na hasiꞌona mo hoos, na hasiꞌona mwala nge kire taꞌe aani, na hasiꞌona oto ahutana mwala—mo iini peine na mo iini mwei-mwei, na mo koni-konihe na mo iini kire iiꞌo luhetaꞌi.”

Haataꞌinge 19:5

Na mei wala e uure mwaanie naunekume ni aalaha e teꞌuri, “Lahea God ikie, ahutemiu mo iini omu ko haꞌamaꞌu aana, iꞌomu mo iini mwai-mwei, na iꞌomu mo iini peine.”

Haataꞌinge 20:12

Na nou leesie mo iini e mae oto, mo iini peine na mo iini mwei-mwei, kire mani uure i naꞌona naunekume. Aasi e niie taꞌau ahutana mo iini nge kire mae i laona, na mwakano e niie taꞌau mo iini e mae na kire oꞌoꞌo i laona, na ahutana mo iini kire mae kire mani taꞌelaꞌi oto taꞌau. Oto kire ko tahanie mo uusu-uusu, na kire tahanie uusu-uusu aana maurihe, nge e toꞌo aana satana ahutana mo iini kire kei meuri oto huu. Na kire tahanie mo uusu-uusu loꞌu nge ko unue nga taa mwala kire asuie mai aano. Oto leilada e lae oto i sulie nga taa kire asuie nge uusulana e lae i laona mo uusu-uusu ngeena, nga iini oto i sulie nga taa ingeie maraana e asuie.

Haataꞌinge 22:12

Oto a Jisas ko teꞌuri, “Omu ke rongo kaꞌu. E saꞌa tewa na ne kei ooli loꞌu mei. Na ne kei toolea noꞌone mai waaitana mwala huni waaire oto i sulie nga taa iinoni e asuie.