Haataꞌinge 11:12 - Tataroha Diana

¹² Oto e ro mwane maaꞌi ngeena kirerue ko rongoa mei wala paine uure taꞌau i Lengi ko unue hunirerue uuri, “More ke lae poi leu.” Oto kirerue ko lae oto taꞌau i Lengi i laona mei uuru, na mo maelonga ikirerue kire ko toꞌo-toꞌomaairerue mola.

Haataꞌinge 11:12 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 16:23

Taꞌe uusungeꞌinilana e lae aana leu mo iini e mae na kire iiꞌo oto mola peꞌie sapesalunge. Mwane toꞌo-toꞌo ngeena e leesie a Ebraham wau haꞌatau na a Lasaros oto peꞌie.

Palonga 1:9

Oto mola i purine a Jisas e ere mango urine, kire ko si leesie a Jisas ko tahelaꞌi oto i Lengi aana a God ko toolea oto lae hule aana mei rorodo e mumunie oto mwaanie maada.

1 Tesalonaeka 4:17

Oto purihaꞌana, a God ke si tarakonikie mo iini nge kie mauri ue aana maholona peꞌire taꞌau i laona mei uuru huni lae honosie Aalaha taꞌau i Lengi. Na kie ke si iiꞌo huu oto peꞌie Aalaha ikie.

Haataꞌinge 12:5

Oto a huꞌena e haꞌahutaa kele mwela mwane hunie kei aalaha haahie ahutana mo henue i laona walumalau, na kei tohungei haꞌaloie ahutana mo iini kire ko heitohea. Taꞌe maholo kele mwelana e si hute, oto kire toolea mola i saana God, na e lai iiꞌo oto aana naunekume ingeie.

Haataꞌinge 3:21

“Hunie mo iini nge kire kei aꞌailaꞌa taraꞌasi honosie aaelanga, nge ne kei niie nada iiꞌo-iiꞌoha huni iiꞌo peꞌieu i lengine naunekume ineu, mala kaꞌu nou aꞌailaꞌa taraꞌasi na nou iiꞌo oto peꞌinie a Mamaꞌa i lengine naunekume ingeie.

Haataꞌinge 4:1

Oto loꞌu i purine leune, nou lio na no ko leesie ngaeta maa e taha taꞌau i Lengi. Na mei wala e rongo mala aawa-aawatai eehuri nge nou rongoa kaꞌu holaꞌi naꞌo, ko heꞌi unue loꞌu hunieu uuri, “O ke lae poi i leu, na ne kei haataꞌinie aamu nga moi taa nge e saꞌa tewa na kire kei reu loꞌu.”