Haataꞌinge 10:7 - Tataroha Diana

⁷ Aana maholo nge hiune nga ensel kei uuhie aahuri ingeie, nge a God kei haꞌa-oaie oto mei saehaahinge ingeie, mala kaꞌu e unue oto hunie mo koni-konihe ingeie, mo propet maaꞌi.”

Haataꞌinge 10:7 ပူးပေါင်းရင်းမြစ်များ

Palonga 3:21

Ingeie kei iiꞌo kaꞌu taꞌau i Lengi hule aana maholo a God kei haꞌahaalue ahutana walu ola, mala e unue kaꞌu oto waite aana mo propet maaꞌi ingeie.

Uusu-uusu A Pol Hurula'aa Hunie Mo Rom 11:25

Maeni eesiku maaꞌi, saeku uri omu ke sai diana aana oalaꞌinge a God nge mwala kire kaꞌa saie ike oto i naꞌo. No ko ladoa namiu oto ienini mwaanie omu toohaꞌiniꞌomu maraamiu na omu loꞌo-loꞌongaꞌinie uri omu diana loꞌu liutaa aana mo Jiu. Tolahai ola nge e da saena mo Jiu e hau ngeena e kaꞌa maꞌutaꞌa ike, taꞌe kei iiꞌo haꞌawali mola. A God ko maaꞌoohie mola iidu-iidunge ke ahu aana mo iinoni e lio hilisire mwaanie mo Aapoloa Aaopa,

Uusu-uusu A Pol Hurula'aa Hunie Mo Rom 16:25

!Kie ke soi haꞌamanikuluꞌaa God! Ingeie ni e si da hunie omu ke uure maꞌutaꞌa mala mo kalena, aena aana omu hiiwalaimoli aana Tataroha Diana nge nou tarohaꞌinie i sulie a Jisas Kraes. Uure oto wau i naꞌo, mei wala ienini i sulie a Kraes na oalaꞌinge a God huni haꞌa-uurie noꞌone mo Aapoloa Aaopa, e iiꞌo mumuni mola.

Haataꞌinge 14:6

Oto nou heꞌi leesie loꞌu ngaeta ensel e loho taꞌau i salo huni tarohaꞌinie mei wala aana Tataroha Diana nge kei iiꞌo huu. Ko tarohaꞌinie oto hunie ahutana mo iinoni i laona walumalau, hunie taꞌena nga mwala, na taꞌena nga aapoloa, na taꞌena nga ere-erenga, na taꞌena nga komu.

Haataꞌinge 17:17

Aena urinena mo inemauri aaela ngeena kire kei esuie mola nga taa a God e oalaꞌinie, aana a God nge e asuie kire ke neꞌisae tararuru hunie kire ke mani niie nanamanga ikire hunie ola loo-looꞌa ngeena huni aalaha haahire, na kei urine oto lai hule aana walana God kei oa.