Epesas 6:20 - Tataroha Diana

²⁰ Ineu i laona nume ni hoꞌo aana maholo ie aena aana nou tarohaꞌinie Tataroha Diana ngeena mala mwane auꞌesu oalana a God. Oto omu ke aarengaꞌi talaku mwaanie uri nou meꞌu ni tarohaꞌi loꞌu.

Epesas 6:20 ပူးပေါင်းရင်းမြစ်များ

Palonga 21:33

Maholo poro paine e lae mai hule i saana Pol oto e unue mo ramo ingeie kire ke tapolie na kire ke pwasue aana e ro iieli heu. Oto ko si dolosi aana mwala uuri, “?A tei mwane ni ie? ?Na nga taa ni e asuie?”

Palonga 26:29

Oto a Pol ko teꞌuri, “Maꞌalana kele maholoi sato e oꞌoruꞌe wa ke tewa loꞌu, taꞌe no ko aare-aarea God hunie mwala nge omu ko pwaarongo hunieu siꞌiri omu ke mani sada peꞌieu. Taꞌe hoꞌosilemiu aani iieli heu haꞌalaa nge nou sereꞌinie ke rau eemiu.”

Palonga 28:20

Oto aena mei olana nge nou lokoꞌomu mei hunie ne ke ere i sulie peꞌiꞌomu. Ineu nou hiiwalaimoli aana a Kraes, iini nge ahutaka ikie mo Israel kie mani hiiwalaimoli aana uri kei haro haꞌa-uurikie. Oto aena mei olana nge hoꞌosileku e lae peꞌie iieli heu ienini.”

Palonga 28:31

na e kaꞌa maꞌu loꞌu huni laeliwala i sulie Aalahanga a God. Ko haꞌa-uusulie mola mwala aana taꞌena nga ola i sulie a Jisas, Aalaha ikie, na nga iini e kaꞌa uure honosie loꞌu erenga ingeie.

Palonga 5:29

Oto a Pita e ere oalana mo hurulaꞌaa e teꞌuri, “A God ni melu ko deu i sulie walana, mo iinoni haꞌike.

2 Korinit 3:12

Oto melu kaꞌa maꞌu ike huni tarohaꞌinie Tataroha Diana, aena aana melu norutoꞌo mola aana uri manikuluhaꞌana haiholotaꞌinge haalu a God ngeena e saꞌa aiꞌaa ike.

2 Korinit 5:20

Oto ienini, melu ko ere-ere oto oolitana a Kraes, na aena ngeena, maholo melu ko ere-ere peꞌiꞌomu e urihana uri a God maraana ni ko eitanaiꞌomu hunie omu ke uure ruru oto peꞌie. Oto melu ko ere oolitana a Kraes oto ie, na melu ko eitanaiꞌomu hunie uri omu ke aaliꞌu takoie a God na omu ke uure ruru oto peꞌie.

Epesas 3:1

Aena mei olana, nge ineu a Pol nou iiꞌo oto i nume ni hoꞌo ie, aena aana ineu iinoni a Jisas Kraes na nou esu talamiu mo iini nge iꞌomu nga mo Jiu haꞌike.

Epesas 4:1

Ineu mwane nge nou iiꞌo i laona nume ni hoꞌo haahie uri no ko esu nana Aalaha, no ko unue oto huniꞌomu uuri. Omu ke iiꞌo oodotaꞌi i sulie tolahai iinoni nge e malisine mo iini nge a God e soire hunie kire ke neꞌie mo iinoni ingeie.

Epesas 6:19

Na omu ke aarengaꞌi noꞌone talaku, hunie a God ke niie mo wala huni tarohaꞌiniꞌi hunieu. Mala uri kei lae urine, nge nou saꞌa maꞌu ike maholo ne kei tarohaꞌinie Tataroha Diana nge e iiꞌo mumuni kaꞌu mwaanie mo iinoni ni welumalau.

Pilipae 1:20

Nou tohungei neꞌisae paine taane aana uri ne ke aꞌailaꞌa huni haꞌamanikuluꞌaa a Kraes aana ahutana mo ola no ko deu-deuꞌi. Aana saeku uri ne ke lae taraꞌasi mola oto mala no ko euꞌesuie tarau, mwaanie uri nou masa i maana a Kraes aana taꞌena nga maholo. Saeku ke urine maꞌalana uri ne ke mauri keꞌu wa ne ke mae loꞌu.

Pilipae 1:7

Loꞌongaꞌinge ineu eemiu e paine liutaa. Na e malisine oto noꞌone ne ke hii urine aamiu, aena aana omu ko peꞌieu aana asunge nge a God e niie hunieu. Asunge ngeena huni haataꞌinie Tataroha Diana uri mei ola toꞌohuu hunie mwala ke CAF - hiiwalaimoli aana. Na omu ko peꞌieu suli maholo, uure oto mai na nou kaꞌa lae ue i nume ni hoꞌo, lai hule aana ineu oto i nume ni hoꞌo siꞌiri ie.

Kolosi 4:3

Omu saie taane uri ineu i laona nume ni hoꞌo siꞌiri aena aana nou lae peꞌi houleꞌinie Tataroha Diana i sulie a Kraes. Taꞌe maꞌalana ineu i nume ni hoꞌo urine, omu ke aare-aarengaꞌi noꞌone talameelu mo oaku uri hunie a God ke niie nga mo maholo diana nameelu huni houleꞌinie a Kraes i saana ngaeta mwala.

Kolosi 4:4

Oto omu ke aarengaꞌi talaku uri hunie ne ke unu tahangaꞌinie aana mo wala kire malisi hunie ne ke tohungei haataꞌi diana aana hunie mwala.

1 Tesalonaeka 2:2

Omu saie taane uri i naꞌona melu lae mai seemiu i Tesalonaeka, mwala e tohungei teungeꞌiniꞌemeelu na kire ere aaelasiꞌemeelu oto hiitoꞌo wau i Pilipae. Taꞌe maꞌalana mwala hunge kire sare uure honosiꞌemeelu, a God ikie e peꞌi diana aameelu taane mola huni aatopuri aana maꞌunge na huni haꞌarongoꞌomu aana Tataroha Diana a God.

2 Timoti 1:16

Taꞌe a Onesiporas e kaꞌa toliꞌaasieu ike, na e tohungei peꞌi-peꞌieu tarau na e kaꞌa masa ike honosieu maꞌalana nou oꞌoꞌo i nume ni hoꞌo. Aena urine nge no ko aarea a Aalaha ke haꞌadianaꞌaa uluhe ingeie.

2 Timoti 2:9

Na i tehulaꞌana Tataroha Diana ngeena mola nge hoꞌosileku e lae aani iieliheu ie. Taꞌe haꞌa-uusulinge a God nga walo hoꞌo-hoꞌo haꞌike aana.

Pilimon 1:10

Oto no ko eitanaiꞌo hunie o ke aamasie loꞌu kaleku a Onesimas, sulie maholo nou iiꞌo i nume ni hoꞌo ie nou haꞌa-haꞌa-uusulie na e hiiwalaimoli oto aana Kraes. Oto e urihana e neꞌi kaleku toꞌohuu oto.

1 Jon 3:16

Na kie ko si lio saie tohungana manata-diananga aena aana a Kraes e toliꞌaasie mangona i tehulaꞌaka. Oto ikie noꞌone kie ke mwaꞌe-mwaꞌe ni mae huni peꞌie mo eesike.

Jiud 1:3

Maeni malahuku, nou tohungei saetoꞌo aana uri ne ke uusu-uusu oto huniꞌomu i sulie mei haꞌa-uuringe nge kolu meni toꞌo aana. Nou sare ere haꞌasusuꞌomu loꞌu uri hunie omu ke uure aꞌailaꞌa peꞌie mei wala toꞌohuu nge kie mani hiiwalaimoli oto aana. A God e niie oto mei wala ngeena hautaꞌai hunikie, ahutana mo iinoni ingeie, na e saꞌa roroꞌa oolisie ike oto ooꞌoo.