Epesas 6:17 - Tataroha Diana

¹⁷ Omu ke hoꞌo-hoꞌosie noꞌone haꞌa-uuringe a God mala paraimaa ni oohotaa haahie pwaumiu, na omu ke hele aana walana God mala omu hele aana naihi nge a Liꞌoa Maaꞌi e niie mai.

Epesas 6:17 ပူးပေါင်းရင်းမြစ်များ

Matiu 4:4

Taꞌe a Jisas e aalamie ko teꞌuri, “Mo Uusu-uusu Maaꞌi e unue uuri, Iinoni e saꞌa mauri ike mola aani bred hahaiteli, taꞌe walana a God haꞌalaa ko meuri aana.” Diutronomi 8:3

Matiu 4:7

Oto a Jisas ko aalamie a Satan uuri, “Taꞌe mo Uusu-uusu Maaꞌi e unue noꞌone uuri, Omu ke suꞌuri oohongie a God Aalaha iꞌomu.” Diutronomi 6:16

Epesas 5:26

hunie uri soihaadaꞌinge ke neꞌi iinoni maaꞌi a God. E haꞌarereꞌara urine aana maholo e lotohire aani wei, aena aana kire hiiwalaimoli aana walana.

1 Tesalonaeka 5:8

Taꞌe aana ikie mo iini oto aana aatowaa, e malisine uri kie ke iiꞌo aakau na kie ke lio-lio talaka aani haꞌahili-hilinge. Mala nga ramo ko deu aakau hunie oohotaa, nge ikie noꞌone kie ke dau aakau urine. Mo ramo kire sai hoꞌosie mo toꞌoni ni oohotaa huni kinetaꞌinie mamangoda, na urine loꞌu ikie noꞌone kie ke iiꞌo aakau aani hiiwalaimolinge aana Jisas na aani manata-diananga hunikie hailiu. Na mala nga ramo ko kinetaꞌinie pwaune aana ko hoꞌosie paraimaa ni oohotaa, nge urine ikie noꞌone kie ke kinetaꞌinie loꞌongaꞌinge ikie aani norutoꞌonga uri a Kraes kei haro haꞌa-uurikie taane.

Hibru 4:12

Kie ke asu toꞌohuu urine, aana walana God ola e mauri na ko euꞌesu aꞌailaꞌa oto liutaa, na e tohungei ala loꞌu liutaa aana naihi e ala rue-rue. Na e sai hoaikie mo iinoni lai hule oto aana suisulike, na e sai lae kokoro i laona saena iinoni huni lio oodoie mo neꞌisaenga ingeie, na ko leie walu ola nge saena iinoni ko peinesiꞌi.

Haataꞌinge 1:16

Na e hele aana e hiu ho heeꞌu aana ninime i pwalo-pwalona, na naihi e ala rue-rue e maau mei mwaanie ngidune. Na maana e urihana oto sato ko raa i upui aatowaa.

Haataꞌinge 12:11

Oto maholo ie e saꞌa haꞌasusungeꞌinie loꞌu mo eesike aana kire aꞌailaꞌasie oto aana apune a Kalei Sipu, aana walaimolinge kire tarohaꞌinie, aana kire toliꞌaasie maurihaꞌada i tehulaꞌana.

Haataꞌinge 19:15

Na naihi e ala e maau mwaanie ngidune iini i naꞌo ngeena, hunie kei aꞌailaꞌasie mo henue. E saꞌa lio toliꞌaasie ike nga mei heitohenga i laona aalahanga ingeie, aana ingeie oto iini ko arasi aana saukae ni saewasunge a God Hahuꞌana Nanama.

Haataꞌinge 2:16

Omu ke toliꞌaasie oto mo tolahai ola aaela urine. Mala uri omu kaꞌa toliꞌaasie oto mo tolahai ola urine, nge ne kei lae oto mola mai lau-leu huni horoꞌie mwala ngeena aana naihi nge e maau mwaanie ngiduku.