Epesas 5:28 - Tataroha Diana

²⁸ Oto iꞌomu mo mwane, e urine noꞌone, omu ke manata diana hunie mo huꞌe iꞌomu oto mala omu manata diana hunie sapemiu maraamiu. Maholo nga mwane ko manata diana hunie huꞌe ingeie, ko manata diana oto noꞌone hunie maraana.

Epesas 5:28 ပူးပေါင်းရင်းမြစ်များ

Matiu 19:5

Oto a God e si unue uuri, Aena aana leune, nge nga mwane kei lae mwaanie aamana na nikana, kei iiꞌo ruru oto peꞌie huꞌe ingeie, na kirerue kei neꞌie oto taꞌa-taꞌa iinoni. Jenesis 2:24

Epesas 5:25

Iꞌomu mo poro, omu ke manata diana hunie mo huꞌe iꞌomu oto mala a Kraes e manata diana hunie soihaadaꞌinge. Aana e urine kaꞌu, a Kraes e toliꞌaasie maraana hunie ke mae huni peꞌie soihaadaꞌinge

Epesas 5:29

Omu meni saie uri nga taꞌa-taꞌa iini e saꞌa sare waelie ike sapena mola maraana. !Haꞌike! Taꞌe nga iini e sai lio i suli diana aana mola sapena peꞌi ngeulaa na walu ola loꞌu e adona. A Kraes ko lio diana i sulie soihaadaꞌinge urine noꞌone,

Epesas 5:31

Leune e sada peꞌie nga taa mo Uusu-uusu Maaꞌi e unue uuri, Mwane ke oopa oto mwaanie aamana na nikana, na ke iiꞌo ruru oto peꞌie huꞌe ingeie, na kirerue kei neꞌie oto taꞌa-taꞌa iinoni. Jenesis 2:24

Epesas 5:33

Taꞌe mo wala ngeena e uure noꞌone huniꞌomu. Oto taꞌe-taꞌena nga poro ke manata diana hunie huꞌe ingeie mala ko manata diana hunie sapena maraana, na taꞌe-taꞌena nga huꞌe ke haꞌamaꞌu aana poro ingeie.

1 Pita 3:7

Oto loꞌu, iꞌomu mo poro, omu ke iiꞌo peꞌie mo huꞌe iꞌomu peꞌi haꞌamaꞌunge aada, na omu ke aamasitoꞌo aana uri kire kaꞌa aꞌailaꞌa ike mala iꞌomu mo mwane. Omu ke haꞌamaꞌu aada i sulie a God e haiholotaꞌinie noꞌone hunire uri kire kei hele tararuru aana niinge ni meurihe ingeie peꞌiꞌomu. Oto e lae oto i diana liutaa uri hunie omu ke lio i suli diana aada, mwaanie nga mei ola e liu honosie mo aarengaꞌinge iꞌomu.