Epesas 1:22 - Tataroha Diana

²² Taꞌe-taꞌena nga ola aana haꞌaholanga kei iiꞌo i mamalutana nanamanga a Kraes, na e asuie oto urine huni peꞌie soihaadaꞌinge.

Epesas 1:22 ပူးပေါင်းရင်းမြစ်များ

Matiu 16:18

Oto no ko unue huniꞌo Pita, iꞌoe oto hau, na i lengine poo-poota aani heu ie ne kei tohue soihaadaꞌinge ineu, na maꞌalana maenga na e saꞌa tari mwadaꞌu ike aana huni ohoie.

Palonga 20:28

“Oto omu ke kinetaꞌiniꞌomu, na omu ke kinetaꞌinie noꞌone amaa ni sipu nge a Liꞌoa Maaꞌi e niie huniꞌomu hunie omu ke lio i sulie. Na omu ke iiꞌo mala kira kakakali sipu, aana amaa ni sipu ngeena oto soihaadaꞌinge a God, ahutana mwala nge Kalena e holi mangora aana apune maholo e mae mala nga uunu-olanga.

1 Korinit 11:3

Taꞌe ngaeta mei ola loꞌu saeku hunie omu ke saie. A God e iiꞌo mala ingeie pwaune a Kraes, na a Kraes e iiꞌo mala ingeie pwaune mwane, na mwane e iiꞌo mala ingeie pwaune keni.

Epesas 3:21

Oto no ko eitanai uri mwala ke haꞌamanikuluꞌaa God haahie soihaadaꞌinge ingeie na aena aana a Jisas Kraes oto di, oto di. Ke urine oto.

Epesas 5:23

Aana mo poro iꞌomu, ikire oto kire ko lio i suliꞌomu mala pwaune iinoni ko lio i sulie sapena, na mala a Kraes noꞌone ko lio i sulie soihaadaꞌinge nge e haꞌa-uurie oto.

Kolosi 1:18

Mo iinoni aana soihaadaꞌinge, kire urihana sapena Kraes, na ingeie oto pwaune soihaadaꞌinge, aena aana ingeie oto aahuꞌine maurihe. Ingeie oto eetana nga iinoni huni taꞌelaꞌi mwaanie maenga peꞌie maurihe nge ko iiꞌo oto huu, hunie uri taꞌe ingeie haliꞌite ke neꞌie naꞌohai iini haahie ahutana walu ola.

Kolosi 1:8

Ingeie noꞌone nge e haꞌarongoꞌemeelu uri a Liꞌoa Maaꞌi e peꞌiꞌomu oto hunie omu ke manata diana huniꞌomu heiliu.

Kolosi 2:10

Na aana omu lado oto peꞌie a Kraes, nga mei ola e kaꞌa aiꞌaa ike mwaanie maurihaꞌamiu. Aana ingeie oto e aalaha haahie ahutana mo aalaha na mo ensel na mo aakalo na taꞌena nga liꞌoa nanama taꞌau i Lengi na mai aano.

Kolosi 2:19

Kire kaꞌa hele maꞌutaꞌa ike aana a Kraes. Ingeie oto pwaune soihaadaꞌinge nge ko lio i sulie soihaadaꞌinge na ko hele lokoa ahutana mo sasarai ola aana hunie ke mauri oto mala a God e saetoꞌo aana.

1 Timoti 3:15

mwaanie nga mei ola e uure honosieu. Oto uusu-uusu ie ke haataꞌinie huniꞌo tolahai iinoni diana aana uluhe iinoni a God. Na uluhe ngeena oto soihaadaꞌinge a God Mau-meuriꞌe, na ikie oto soihaadaꞌinge ngeena. Ikie oto kie ko kakalie walaimolinge i sulie a God, hunie walaimolinge ngeena ke uure maꞌutaꞌa mala poo-pootana nume.

Hibru 2:8

Na o neꞌie walutana nga ola i hahana lio i sulinge iꞌemi. Sam 8:4-6 Maholo a God e neꞌie walutana nga ola i hahana lio i sulinge ikie mo iinoni, nga taꞌa-taꞌa mei ola e kaꞌa oore loꞌu. Taꞌe aana maholo ienini, kie mani leesie uri kie kaꞌa tohungei aalaha ue haahie ahutana mo olana.