2 Timoti 4:16 - Tataroha Diana

¹⁶ Eetana nga maholo leileku e lae, nga taꞌa-taꞌa iini e kaꞌa lae ike mai huni ere ooliteku. !Haꞌike! Ahutana mwala kire mani toliꞌaasieu mola, taꞌe no ko aarengaꞌi mola talada, hunie a God ke pulongosie mola takalonga ikire ngeena.

2 Timoti 4:16 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Mak E Uusue 14:50

Oto ahutana mo pwaarongoisuli kire si toliꞌaasie a Jisas, na kire ko meni tehi oto mwaanie.

Tataroha Diana I Sulie A Jisas Kraes Nge A Luk E Uusue 12:11

“Na iꞌomu mo iinoni ineu, maholo kire kei tooleꞌomu hunie leilemiu i laona mo nume ni palo-palo mo Jiu, wa i naꞌona mo aalaha, wa i naꞌona mo inemauri, omu ke suꞌuri tolahiꞌe i sulie omu kei uure maꞌutaꞌa uri taa, wa nga taa omu kei unue.

Tataroha Diana I Sulie A Jisas Kraes Nge A Jon E Uusue 16:32

Lio kaꞌu, maholoi sato ko karaꞌini oto mai, na ingeie oto taane ie, maholo oto hunie ahutemiu omu kei meni tatanga oto mwaanieu. Nga iini ni oto e lae-lae oto takoie hanue ingeie, na taꞌe ineu mola ne ke si oore maraaku. Taꞌe nou kaꞌa oore ike taane maraaku, aena aana a Mamaꞌa taane peꞌieu.

Palonga 22:1

“Mo mamaꞌa ineu na maeni eesiku, omu ke pwaarongo kaꞌu hunie ne ke aalamiꞌomu.”

Palonga 25:16

“Taꞌe nou unue mola hunire uri tolahameelu mo Rom e kaꞌa urine ike huni haꞌaloie mwane mola mwaakule. Taꞌe leilana kei holaꞌi lae i naꞌona mo iini nge kire ko pwelu wala i lengine hunie ke toꞌo aana nga maholo huni aalamie ere-erenga ikire honosie.

Palonga 7:60

Oto e pouruuru hai aano ko si soi peine, ko teꞌuri, “Aalaha, o ke suꞌuri suꞌue loꞌu mei oorahaꞌaanga ienini hunire.” E ere urine mola, na ko mae oto.

1 Korinit 13:5

Manata-diananga e kaꞌa ola ike huni haꞌamasaa ngaeta iinoni, wa huni loꞌongaꞌinie maraana, wa huni loohaꞌi roroꞌanga, wa huni saewasu oto mola lau-leu.

1 Korinit 9:3

Oto mala uri nga mwala kei sare dolosi eeku, ne kei aalamire mola uuri.

2 Korinit 7:11

Omu ke leesie kaꞌu mei saehuunge nge a God e asuie aamiu ngeena, aana ko si da omu ko sare asuie walu ola diana, na omu ko sare haataꞌinie uri omu kaꞌa takalo ike mala iini e asuie mei roroꞌanga ngeena. Na mei saehuunge ngeena ko si da omu ko saewasulie mo iini ko deu-deu aaela, na omu ko meꞌuteꞌinie noꞌone haꞌaloinge a God. Na omu ko si sare leesieu oto liutaa. Na loꞌu ko si da omu ko neꞌisae haꞌahiꞌe aana a God, na omu ko sare haꞌaloie mo iini ko deu aaela. Oto aana ahutana walu ola omu ko deuꞌi ngeena, omu ko haataꞌinie oto uri omu rereꞌa mwaanie mei roroꞌanga ngeena.

Pilipae 1:17

Taꞌe mo iini nge kire ko tarohaꞌinie a Kraes aani sae aaelanga, kire ko teꞌurine mola aena aana kire ko haꞌapainaꞌara mola maraada, na kire neꞌisae mola huni esuie aasanga hunieu maholo nou iiꞌo i nume ni hoꞌo.

Pilipae 1:7

Loꞌongaꞌinge ineu eemiu e paine liutaa. Na e malisine oto noꞌone ne ke hii urine aamiu, aena aana omu ko peꞌieu aana asunge nge a God e niie hunieu. Asunge ngeena huni haataꞌinie Tataroha Diana uri mei ola toꞌohuu hunie mwala ke CAF - hiiwalaimoli aana. Na omu ko peꞌieu suli maholo, uure oto mai na nou kaꞌa lae ue i nume ni hoꞌo, lai hule aana ineu oto i nume ni hoꞌo siꞌiri ie.

2 Timoti 1:15

O saie mola uri ahutana mo eesikaelu aana hiiwalaimolinge aana poꞌo ni henue i Esia nge o iiꞌo aana ngeena, kire aatopuri eeku mola, hule aana a Pijelas na a Hemojenis ikirerue noꞌone.

2 Timoti 4:10

A Dimas e toliꞌaasieu aana ko tohungei saetoꞌo aana mo ola aana walumalau ie, na e lae oto aana huilume i Tesalonaeka. A Kresens e lae huni esu nana God aana poꞌo ni henue i Kalesia, na a Taetas e lae urine noꞌone hunie poꞌo ni henue i Dalmesia.

1 Pita 3:15

Taꞌe omu ke neꞌisae haꞌamaꞌu mola aana Kraes mala Aalaha iꞌomu. Na omu ke iiꞌo aakau mola taraureꞌi huni aalamie mwala nge kire ko dodolosi eemiu i sulie hiiwalaimolinge iꞌomu aana a Kraes, na mei diananga uri taa omu ko maaꞌoohi susutoꞌo huni toolea mwaanie.