2 Timoti 3:3 - Tataroha Diana

³ Kire saꞌa saie ike loꞌu manata-diananga, na kire saꞌa sae-sae aasi ike loꞌu hunie nga iinoni. Kire kei eero-eerotaꞌinie mola mwala, na kire saꞌa kinetaꞌinie ike tolahada mwaanie aaelanga. Kire saꞌa aama-aamasie ike nga iini, na kire kei leledie mola taꞌena nga ola diana.

2 Timoti 3:3 ပူးပေါင်းရင်းမြစ်များ

Matiu 10:21

“Aana maholona kei tohungei aaela huniꞌomu toꞌohuu, aana mwala kei niie mo eeside maraada hunie horoꞌilada, na mo mamaꞌa kire kei deu urine noꞌone aana mo mwela ikire, na mo mwela noꞌone kire kei taꞌelaꞌi honosie mo meuꞌana ikire huni horo maesire.

Matiu 4:1

Oto Liꞌoa Maaꞌi a God e naꞌona loꞌu a Jisas huni lae i laona hanuesala hunie a Satan kei malaahongana.

Tataroha Diana I Sulie A Jisas Kraes Nge A Luk E Uusue 10:16

Oto a Jisas ko heꞌi teꞌuri loꞌu hunie mo pwaarongoisuli ingeie, “Nga iini nge ko rongo huniꞌomu, ko rongo hunieu noꞌone eena. Na nga iini nge ko lelediꞌomu, ko leledieu noꞌone. Na iini nge ko leledieu, ko leledie noꞌone iini nge e uusungeꞌinieu mei eena.”

Tataroha Diana I Sulie A Jisas Kraes Nge A Luk E Uusue 16:14

Na maholo mo Parise kire rongoa walu ola ienini, oto kire ko si haꞌamwasi mola aana a Jisas, i sulie ikire ngeena mwala e neꞌisae paine aana toꞌoha oto liutaa.

Tataroha Diana I Sulie A Jisas Kraes Nge A Jon E Uusue 6:70

Oto a Jisas ko si teꞌuri hunire, “Iꞌomu oto aawalai mwane mwana rue nge nou lio hilisiꞌomu hunie omu ke lulu i sulieu, taꞌe ngaeta iini eemiu nga liꞌoa aaela nge mola aana.”

Uusu-uusu A Pol Hurula'aa Hunie Mo Rom 1:29

Kire honu mola aana taꞌena nga ola aaela, na tataꞌalanga, na saehanalinge, na oorahaꞌaa. Kire honu mola aana heotaꞌinge, na horonga, na haiseuninge, na eeronga, na maaleledinge. Kire sai sihoai ola mola tarau,

Uusu-uusu A Pol Hurula'aa Hunie Mo Rom 1:31

na nga mei manatanga haꞌike oto aada. Kire kaꞌa sai lae ike i sulie walada, na kire kaꞌa sai manata diana ike hunie nga iini wa kire ke aamasie nga iinoni.

1 Korinit 7:5

Maholo iini o haꞌaruru peꞌie ko sare maꞌahu peꞌiꞌo, o ke suꞌuri sereꞌi loꞌu. More sai maꞌahu oopa-oopa taane aana nga mo maholo, taꞌe more ko meni mwaꞌe-mwaꞌe huni oopa urine haꞌalaa. Na more ke oopa urine mola hunie more ke iiꞌo aani aarengaꞌinge hunie nga kele maholo. Oto more ke si heꞌi maꞌa-maꞌahu tararuru loꞌu, mwaanie a Satan e malaahongamoreꞌi aana e aasa hunie more ke kinetaꞌinie sapemoreꞌi hunie nga maholo tewa.

1 Korinit 7:9

Taꞌe mala uri ko aasaiꞌomu hunie omu ke iiꞌo mola mwaakule, e diana hunie omu ke tola huꞌe na omu ke toꞌo poro. Aana e diana liutaa hunie omu ke haꞌaruru mwaanie omu iiꞌo mwaakule peꞌi saehanalilana mola iiꞌo-rurunge.

1 Tesalonaeka 4:8

Aena urinena, taꞌena nga iini ko heitohea haꞌa-uusulinge ienini, e kaꞌa haitohea ike mola nga iinoni. !Haꞌike! Ko heitohea oto a God ni ngeena, iini nge e niie Liꞌoa Maaꞌi ingeie huniꞌomu.

1 Timoti 3:11

Mo huꞌe, na e urine loꞌu, aana kire ke haro neꞌie mo keni e malisine mwala ke haꞌamaꞌu aada. Kire ke suꞌuri ere aaelasie nga iinoni, taꞌe kire ke kinetaꞌinie tolahada, na kire ke neꞌi huꞌe ni nou-norue nge mwala e sai norutoꞌo mola aada tarau.

Taetas 1:8

Taꞌe kire ke takuhie mola mo awataa, na kire ke mwaꞌe-mwaꞌe mola huni esuie mo ola diana. Kire ke kinetaꞌinie tolahada hunie kire ke asuie mola mo ola oodotaꞌi. Kire ke iiꞌo maaꞌi, na kire ke nihisie saeda mwaanie aaelanga.

Taetas 2:3

Na o ke haꞌa-uusulie noꞌone mo huꞌe hunie kire ke lulu i sulie tolahai iinoni diana nge e malisine mo iini kire hiiwalaimoli aana a Jisas. Kire ke suꞌuri sisiho aana mwala, na kire ke suꞌuri inu-inu wei ni mehiri hiitoꞌo. Taꞌe kire ke haꞌa-uusulie mwala mola aana tolahai iinoni diana,

Jemes 2:6

Taꞌe iꞌomu, omu kaꞌa haꞌamaꞌu ike aana mo meitale aana walumalau ie. Omu ko haꞌapainaꞌaa mola kira toꞌo-toꞌo. ?Aana e ue nge e urine? ?Kira tei nge kire ko haꞌasiꞌohaꞌaꞌomu? ?Na kira tei nge ko tooleꞌomu i laona leinge?

2 Pita 2:14

Saeda e painesie mola uri kire ke hele roroꞌanga mola peꞌie mo huꞌe tarau. Kire saꞌa tohungei mamalo ike mwaanie tolahai ola aaela ikire ngeena, na kire sai haꞌa-olaa noꞌone mwala nge hiiwalaimolinge ikire e kaꞌa susu hunie kire ke lae takalo noꞌone. Kire tohungei sai saehanalie noꞌone mo ola ngaeta mwala. Oto aena urine kaꞌu a God e unue oto uri ke haꞌaloire.

2 Pita 2:19

Mo haꞌa-uusuli eero-eero ngeena, kire ko heiholotaꞌinie hunie mwala uri kire kei iiꞌo luhetaꞌi mola mwaanie iiꞌonga i mamalutana nga iini. Taꞌe eeronga paine mola ni ngeena, aena aana ikire maraada na kire iiꞌo mola i mamalutana oorahaꞌaa. Na e toꞌohuu oto aana mala uri nga mei ola ko aꞌailaꞌasie nga iini, nge iinoni ngeena e neꞌi koni-konihe oto nana mei olana.

2 Pita 3:3

Oto e tohungei roroꞌa hunie omu ke saenanau diana aana uri maholo hunie walumalau ie kei mango e kaꞌa tewa ike loꞌu, na ngaeta mwala kei mwesi mwaaniꞌomu. Kire sai lae mola peꞌi haꞌa-eero aana walu ola diana,

Jiud 1:16

Mwala ngeena kire sai upwe mola tarau, na kire ko haro iꞌie mola ahutana ola, na kire ko lae oto mola i sulie mo loꞌongaꞌinge aaela ikire maraada. Kire ko ere toohaꞌinire mola, na maholo kire ko lahea nga iini, kire ko eeroa mola hunie hari-huninge ikire maraada ke oa.

Jiud 1:18

Aana kire unue huniꞌomu uuri, “Aana mo dinge ooreta, mwala kei haꞌamwasi mola aana walu ola maaꞌi, na hiiwalaimolinge ikire kei lae takalo mola i sulie mo neꞌisaenga aaela ikire maraada.”

Haataꞌinge 13:15

Oto mwala kire asuie nunui ola mala e unuena, na loꞌu a God e toliꞌaasie ruana nga ola loo-looꞌa ngeena hunie ke niie nga mangoi ola hunie nunui ola nge kire asuie. Oto nunui olana ko ere, na ko lei mae aana mo iini nge kire kaꞌa palo-paloa ike.

Haataꞌinge 13:17

Na e haꞌa-uuresie haꞌatolanga uri nga iini e saꞌa roroꞌa ni holi ike wa ke haꞌaholingeꞌinie nga mei ola, na e kaꞌa toꞌo aana haꞌa-ara ngeena. Aana haꞌa-ara ngeena oto satana eetana nga ola loo-looꞌa ngeena, wa iidu-iidunge nge ko uure hunie satana.

Haataꞌinge 16:6

Aana kire haꞌa-aahesie apune mwala maaꞌi iꞌoe na mo propet iꞌoe. Oto ie o haꞌa-inuhire mola aani epu huni oolisie mo horonga kire asuiꞌi i naꞌo.”