2 Timoti 3:10 - Tataroha Diana

¹⁰ Taꞌe iꞌoe, kaleku, o saie oto mo haꞌa-uusulinge ineu na iiꞌolaku e uri taa, na nga moi taa no ko sare asuiꞌi. O lio saie kaꞌu oto hiiwalaimolinge ineu, na toli-rakonga ineu, na manata-diananga ineu hunie ahutana mwala, na toli-susuleꞌinge ineu aana maholo e aasa oto hiitoꞌo.

2 Timoti 3:10 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 1:3

Oto ineu maraaku noꞌone, poro paine Tiopilas, aena aana nou heitalengaꞌinie na nou sai diana aana walu olana uure oto mai aehotalana, nou loꞌongaꞌinie uri ne ke uusu samangaꞌiniꞌi oto namue.

Palonga 11:23

Na maholo e lai hule wau i Antiok ko si tohungei ilenimwaꞌe aana e leesie uri a God e haꞌadianaꞌara oto. Na ko si tohungei deu rarahire uri kire ke lulu i sulie oto Aalaha ikie toꞌohuu taraureꞌi.

Palonga 2:42

Oto kire niie maraada hunie mo hurulaꞌaa ke haꞌa-uusulire, na kire mani neꞌie taꞌa-taꞌa mei sae peꞌie kira tei kire hiiwalaimoli aana a Jisas. Kire ko ngeu-ngeu ni lokonga aani aamasitoꞌonga aana maelana Kraes, na kire ko iiꞌo oto mola peꞌie aarengaꞌinge.

Palonga 20:18

Maholo kire hule mai saana, oto ko teꞌuri hunire, “Omu saie oto tolahaku aana ahutana mo maholo nge no ko oꞌoꞌo peꞌiꞌomu, uure oto aana eetana nga hai dinge nge nou aehota hule aana poꞌo ni henue i Esia.

Palonga 26:4

“Ahutana mo Jiu kire mani saie tolahai ola nge nou oꞌoꞌo aana i naꞌo, aehota oto aana maholo nou neꞌi mwela ue peꞌie mwala ineu, lai hule aana maholo nou hoꞌalaꞌi hunie i Jerusalem.

Uusu-uusu A Pol Hurula'aa Hunie Mo Rom 16:17

Oto no ko eitanaiꞌomu, maeni eesiku maaꞌi, uri omu ke lio talamiu mwaanie mwala nge kire ko sare oopaa soihaadaꞌinge, na kire ko waelie hiiwalaimolinge iꞌomu peꞌie haꞌa-uusulinge nge ko lae aaopa mwaanie nga taa haꞌa-uusulilemiu e lae oto aana. Oto omu ke suꞌuri rorongo hunire.

2 Korinit 1:17

Saꞌa mola omu ko loꞌo-loꞌongaꞌinie uri no ko eero wa no ko ere-ere mwaakule mola, aena aana nou kaꞌa lae ike i sulie oalaꞌinge ineu ngeena. !Taꞌe haꞌike! Ineu, nou kaꞌa asuie ike mo oalaꞌinge mala mo iinoni ni welumalau ko euꞌesuiꞌi. Ineu nou kaꞌa sai unue ike, “Iau, ne kei teꞌurine” maholo no ko loꞌongaꞌinie, “Haꞌike, nou saꞌa teꞌurine ike.”

Epesas 4:14

Oto kie saꞌa iiꞌo ike loꞌu mala mo mwela nge kire sai oolisie hiiwalaimolinge ikire tarau aana kire ko pwaarongo i sulie taꞌena nga haꞌa-uusuli nge ko eeroa mwala peꞌie mo pwelonga ikire takoie mo tala aaela. Mo mwela urine, kire urihana mo naho nge ooru ko ooruheꞌiniꞌi heiliu.

Pilipae 2:20

Aana a Timoti oto taꞌa-taꞌa iini e manata diana huniꞌomu noꞌone mala ineu, huni leesie uri mauringe iꞌomu ke lae diana.

Pilipae 2:22

Taꞌe omu lio saie oto asunge diana a Timoti, aana ko peꞌi diana aaku aani laeliwalanga aana Tataroha Diana, mala e ro heꞌi-aamana ko esuie taꞌa-taꞌa mei esunge.

1 Tesalonaeka 1:5

Aana maholo melu toolea mai Tataroha Diana huniꞌomu, melu kaꞌa toolea ike mai mola aani wala, taꞌe peꞌie nanamanga a Liꞌoa Maaꞌi, aana e haataꞌi diana aana aamiu uri e toꞌohuu. Na omu lio saie noꞌone urine aena aana mo ola melu euꞌesuiꞌi maholo melu iiꞌo peꞌiꞌomu, mo ola mola huni peꞌilemiu haliꞌite ni ngeena.

1 Timoti 1:3

Mala oto nou unue kaꞌu huniꞌo aana maholo nou lae mai hunie poꞌo ni henue i Masedonia, saeku hunie uri o ke oore kaꞌu mola wau aana huilume i Epesas. O ke iiꞌo oto i leune hunie o ke uure honosie mwala nge kire ko lae peꞌi haꞌa-uusuli mola aana mo ola aaopa mwaanie hiiwalaimolinge toꞌohuu.

1 Timoti 4:6

Nou saie kaleku, uri o peine poi peꞌie rongolana mo haꞌananaunge i sulie hiiwalaimolinge na uri o ko totola ue i sulie mo haꞌa-uusulinge diana ngeena hule siꞌiri. Oto o ke unue loꞌu mo ola ienini hunie mo mwaasine wau i Epesas, hunie o ke neꞌi koni-konihe diana oto nana a Kraes Jisas.

1 Timoti 6:11

Taꞌe iꞌoe, Timoti, o ke lio talamu oto mwaanie ahutana mo ola mala ngeena, aena aana iꞌoe oto mwane a God. Na o ke huru oto mola i sulie tolaha diana. O ke iiꞌo oodotaꞌi, na o ke iiꞌo maaꞌi, na o ke hiiwalaimoli, na o ke manata diana hunie mwala, na o ke asu taraꞌasi, na o ke maneko.

2 Timoti 2:22

Oto o ke lio talamu mwaanie mo saehanalinge nge ko too-toolea mo saanau, taꞌe o ke dau diana mola tarau. Na o ke ariꞌapasie mola lulu i sulilana oodotaꞌinge, na hiiwalaimolinge iꞌoe ke susu, na o ke manata diana hunie ahutana mwala, na o ke iiꞌo ni henuelama mola peꞌie taꞌena nga iinoni. Na o ke hikusie mo iini ko palo-paloa a God toꞌohuu aani sae manola.

2 Timoti 4:2

uri o ke lae taraꞌasi oto peꞌie tarohaꞌinilana walana God. O ke laeliwala hunie mwala oto tarau, maꞌalana mwala kaꞌa sare rongo huniꞌo. O ke haꞌa-oodohie tolahada maholo kire ko lae takalo, na o ke haataꞌinie mo oorahaꞌaa ikire hunire hunie kire ke aaliꞌu mwaaniꞌi, na o ke ere haꞌasusure noꞌone. Walu ola ngeena o ke asuiꞌi peꞌi toli-rakonga, na peꞌi haꞌananaunge diana.

2 Timoti 4:3

O ke asu urine, aena aana maholo kei lae ue mai nge mwala e saꞌa sare rongo ike hunie mo haꞌa-uusulinge toꞌohuu, na kire kei lae mola i sulie saeda maraada. Kire kei loꞌohi haꞌa-uusuli taꞌewau mola hunie uri kire ke sai rongoa haꞌa-uusulinge nge kire ko sasare rongoa.

2 Timoti 4:7

Na mauringe ineu e urihana noꞌone halinge. Na nou huru diana aana halinge ngeena, aana maꞌalana nga taa e raꞌusieu, taꞌe nou esu diana mola nana a Aalaha. Oto maholo ie nou hule oto aana haꞌamangolana halinge ngeena, aana nou haꞌamangoa oto asunge e niie mai hunieu. Nou hele maꞌutaꞌa aana hiiwalaimolinge toꞌohuu, na nou lae-lae peꞌi haꞌa-uusulilana mwala aana.

Taetas 2:7

Na iꞌoe, Taetas, o ke haataꞌinie noꞌone mei meu-meuringe diana aani esuilana mo ola diana hunie kire ke haimaaniꞌo. Mwaanie o eero-eero aana maholo o ko haꞌa-uusuli, taꞌe o ke haꞌa-uusuli peꞌie saenanaunge hunie mwala ke haꞌamaꞌu noꞌone aamu.

Hibru 13:9

Oto omu ke kinetaꞌiniꞌomu mwaanie taꞌena nga taungei haꞌa-uusulinge aaopa e haꞌatakaloꞌomu mwaanie tohungana tala oodo. Aana tohungei ola nge ko haꞌasusue saeka nge hahuꞌana manata-diananga a God hunikie, na e kaꞌa ike mola mo ngeulaa nge kire unue uri e maaꞌi. Aana tola i sulilana mola mo haꞌatolanga i sulie ngaulaa na walu ola ngeena, kire saꞌa tohungei peꞌie ike mo iini ko lulu i suliꞌi.

2 Pita 3:11

Oto aena aana ahutana walu ola kei meni aaela mango oto urine, omu ke lio-lio diana aana mau-meuringe iꞌomu. Omu ke iiꞌo maaꞌi na omu ke lae peꞌi iiꞌo oodotaꞌi mola i sulie saena God.