2 Timoti 2:3 - Tataroha Diana

³ Na mala nga ramo e kaꞌa sai aapwasu ike aana sapesalunge taꞌe ko esu taraꞌasi mola, nge iꞌoe noꞌone o ke asu aꞌailaꞌa urine loꞌu mala nga ramo diana a Jisas Kraes maꞌalana sapesalunge nge ko reꞌusieu ie ke rau noꞌone aamu urine.

2 Timoti 2:3 ပူးပေါင်းရင်းမြစ်များ

Palonga 23:31

Mo ramo ngeena kire ko deu mone i sulie walana poro paine, oto kire toolea a Pol oto aana hai rodona hunie huilume i Antipatris.

1 Korinit 13:7

Iinoni e manata diana hunie mwala e sai lae taraꞌasi mola maꞌalana nga taa ko reu. Kei hiiwalaimoli, na kei maaꞌoohi susutoꞌo, na kei esu susuleꞌi oto mola.

1 Korinit 9:7

?Uri mo ramo kire sai lae mola hunie oohotaa maholo nga taꞌa-taꞌa iini huni waaire haꞌike? ?Uri nga iinoni e sai haꞌaweoa mola aana hasilana mo ola e saꞌa ngauꞌi? ?Na loꞌu uri nga iinoni e sai talei haꞌa-haꞌaweoa mola aani lio i sulilana mo sipu na e kaꞌa sai losi susu ana mwaaniꞌi? !Haꞌike oto ooꞌoo!

2 Korinit 1:6

Oto maholo melu ko sapesalu, nge sapesalunge ngeena ko heꞌi peꞌiꞌomu loꞌu hunie omu ke hele aana maurihe huu. E toꞌohuu oto, i sulie a God ko haꞌadodoa saemeelu hunie iꞌemeelu noꞌone melu ke haꞌadodoa loꞌu saemiu. Oto urine omu ke uure aꞌailaꞌa taraꞌasi mola maholo omu ko sapesalu loꞌu mala iꞌemeelu ienini.

1 Timoti 1:18

E kaleku Timoti, mo wala nge no ko uusuꞌi weu huniꞌo ie kire kaꞌa ere aaopa ike mwaanie walana a God nge mo propet aana soihaadaꞌinge kire unu-unuꞌi keꞌu oalamu. No ko unue huniꞌo urine hunie o ke lulu i suliꞌi na hunie o ke ooho aꞌailaꞌa mala ngaeta ramo diana a Jisas.

2 Timoti 1:1

Saediananga mwaanieu a Pol, iini nge a God maraana e lio hilisieu uri hunie ne ke neꞌi hurulaꞌaa a Kraes Jisas, hunie ne ke tarohaꞌinie maurihe huu e haiholotaꞌinie hunie mo iini kire lado peꞌie Kalena, a Kraes Jisas.

2 Timoti 1:8

Oto aena ngeena o ke suꞌuri masa ni houleꞌinie a Jisas Kraes oodoie mwala. Na o ke suꞌuri masa honosieu i sulie uri nou iiꞌo i nume ni hoꞌo haahie asunge nana. Taꞌe o ke hele maꞌutaꞌa mola aana nanamanga a God, na o ke mwaꞌe-mwaꞌe mola ni sapesalu aana o ko tarohaꞌinie Tataroha Diana a Jisas mala ineu.

2 Timoti 2:10

Aena urine kaꞌu, maꞌalana mwala ko haꞌaloieu mala ie, taꞌe no ko iiꞌo susu mola. Aana tala urine nge no ko peꞌie mwala nge a God e lio hilisire oto, hunie kire ke toꞌo aana maurihe peꞌie a Jisas Kraes na kire ke iiꞌo peꞌie aana manikuluhaꞌana oto di.

2 Timoti 2:9

Na i tehulaꞌana Tataroha Diana ngeena mola nge hoꞌosileku e lae aani iieliheu ie. Taꞌe haꞌa-uusulinge a God nga walo hoꞌo-hoꞌo haꞌike aana.

2 Timoti 3:11

O saie kaꞌu mola haꞌaloileku e lae na nou sapesalu oto hiitoꞌo mala o leesie aana mo huilume i Antiok, na i Aekoniam, na i Listra. Nou tohungei sapesalu oto hiitoꞌo, taꞌe no ko paalahea a Aalaha oto liutaa aana e haꞌa-uurieu mola mwaanie walu olana.

2 Timoti 4:5

Taꞌe iꞌoe oto o ke loꞌo-loꞌongaꞌi diana tarau, na o ke uure aꞌailaꞌa mola maꞌalana uri o ko lae oodoie loꞌu aasanga. O ke lae taraꞌasi mola peꞌie tarohaꞌinilana Tataroha Diana, na o ke asuie toꞌohuu mei esunge a God e niie huniꞌo ngeena.

Pilimon 1:2

Mere ko uusu-uusu noꞌone hunie tohungei eesimeelu a Apia, na a Akipas, nge ko esu noꞌone nana a Jisas mala ikolu. Na mere ko uusu-uusu noꞌone hunie mo iini aana soihaadaꞌinge nge kire ko lae-lae mai huni aarea God noꞌone wau i nume iꞌoe.

Hibru 10:32

Omu ke loꞌo-loꞌongaꞌinie mo ola e rau-reu eemiu i naꞌo aana maholo omu aehota hiiwalaimoli aana Tataroha Diana. Aana maholona, maꞌalana omu ke sapesalu hiitoꞌo aana nga mo ola hunge, taꞌe omu sai lae peꞌi uure maꞌutaꞌa mola.

Hibru 11:27

Aani hiiwalaimolinge mone, a Mosis e lae mwaanie i Ijip, na e uure aꞌailaꞌa honosie saewasunge a inemauri, aena aana ko tola i sulie mola Inemauri nge nga iini e kaꞌa sai leesie ike.

Hibru 6:15

A Ebraham e mwaꞌe-mwaꞌe huni maaꞌoohi susutoꞌo mola, na lae-lae e si leesie nga taa nge a God e haiholotaꞌinie hunie.

Jemes 1:12

Mala uri nga iini nge oohongilana ko lae na ko uure maꞌutaꞌa mola, nge ke ilenimwaꞌe mola. Aena aana i purine oohongilana hiiwalaimolinge ingeie ko lae urine, nge a God kei waaie aana rorodara ni meurihe huu, nge e haiholotaꞌinie hunie mo iini nge kire manata diana hunie.