2 Timoti 2:22 - Tataroha Diana

²² Oto o ke lio talamu mwaanie mo saehanalinge nge ko too-toolea mo saanau, taꞌe o ke dau diana mola tarau. Na o ke ariꞌapasie mola lulu i sulilana oodotaꞌinge, na hiiwalaimolinge iꞌoe ke susu, na o ke manata diana hunie ahutana mwala, na o ke iiꞌo ni henuelama mola peꞌie taꞌena nga iinoni. Na o ke hikusie mo iini ko palo-paloa a God toꞌohuu aani sae manola.

2 Timoti 2:22 ပူးပေါင်းရင်းမြစ်များ

Palonga 7:59

Na maholo kire ko uuꞌi-uuꞌie ue a Stivin aani heu, a Stivin ko si soi peine hunie Aalaha, ko teꞌuri, “Jisas, Aalaha ineu, o ke tola konie mangoku.”

Palonga 9:14

Na maholo ienini e toolea nanamanga mo naꞌohai pris huni tapolie taꞌena nga iini ko haꞌapainaꞌaꞌo.”

Uusu-uusu A Pol Hurula'aa Hunie Mo Rom 14:17

Aana mo ola mala ngaunge na inunge, kire kaꞌa roroꞌa ike i laona Aalahanga a God. Taꞌe mo ola nge Liꞌoa Maaꞌi ko niiꞌi mala oodotaꞌinge na hanuelamanga na ilenimwaꞌenga haꞌalaa kire roroꞌa.

Uusu-uusu A Pol Hurula'aa Hunie Mo Rom 14:19

Oto kie ke ariꞌapasie mola asuilana walu ola huni peꞌilaka hailiu hunie iiꞌonga ni henuelamanga na huni haꞌa-aꞌailaꞌaa hiiwalaimolinge ikie.

1 Korinit 1:10

Maeni eesiku maaꞌi, no ko eitanaiꞌomu aana satana a Jisas Kraes Aalaha ikie, uri omu ke neꞌie mola taꞌa-taꞌa mei sae. Omu ke toliꞌaasie mo tolahai ola ni oopanga, taꞌe omu ke mani neꞌisae diana hunie omu ke asu loko-loko loꞌu.

1 Korinit 1:2

Mere ko uusu-uusu oto wau ienini huniꞌomu aana soihaadaꞌinge a God wau i Korinit. Iꞌomu oto a God e soiꞌomu uri omu ke neꞌi iinoni maaꞌi ingeie aani iiꞌo-rurunge peꞌie a Jisas Kraes, mala ahutana mo iini ko palo-paloa satana aalaha ikie aana taꞌena nga leu.

1 Korinit 10:14

Aena urinena, maeni eesiku maaꞌi, omu ke kinetaꞌiniꞌomu mwaanie palolana mo god eero-eero.

1 Korinit 14:1

Oto omu ke lulu i sulie mola manata-diananga, na omu ke hari hunie oto toꞌohuu mo niinge ni Liꞌoa, oto liutaa niinge aani unu tahangaꞌinilana walana God.

1 Korinit 6:18

!Oto omu ke tahi oto haꞌataulie masinge! Mo iini nge kire ko esuie mo taungei oorahaꞌaa aaopa mwaanie aeni-olanga, kire kaꞌa waelie ike sapeda. Taꞌe mo iini nge kire ko esuie aeni-olanga, kire ko tohungei waelie oto sapeda maraada ni ngeena.

1 Timoti 1:14

Taꞌe Aalaha ikie e niie hahuꞌana manata-diananga ingeie hunieu, na aena ngeena mone nou eeliꞌu huni hiiwalaimoli aana a Kraes Jisas, na huni mana-manata diana hunie mwala mala ingeie noꞌone e manata diana hunire.

1 Timoti 1:5

Aena aana nga taa no ko sare haꞌa-uusulire aana ngeena, nge mola hunie kire ke mana-manata diana hunire hailiu aani sae manola, na aani manatanga rereꞌa, na aani hiiwalaimolinge toꞌohuu.

1 Timoti 2:8

Oto nou saetoꞌo aana uri ahutana mwane aana taꞌena nga leu kire ke aarengaꞌi. Mwaanie kire hele ni kumu aani saewasunge wa kire haataꞌinie kiꞌide aani haꞌa-erenga, taꞌe kire ke asuie mola nga taa e oodo aana kiꞌide, na kire ke susueꞌinie nimada i lengi aani aarengaꞌinge.

1 Timoti 4:12

O ke suꞌuri toliꞌaasie nga iini hunie ke loꞌongaꞌinie uri walamu e kaꞌa hiꞌe ike aana o saanau mola. Taꞌe o ke iiꞌo diana oto liutaa hunie kira hiiwalaimoli ke leesie walamu, na asunge iꞌoe, na manata-diananga iꞌoe, na hiiwalaimolinge iꞌoe, na iiꞌonga rereꞌa iꞌoe, hunie kire ke haimaaniꞌo.

1 Timoti 6:11

Taꞌe iꞌoe, Timoti, o ke lio talamu oto mwaanie ahutana mo ola mala ngeena, aena aana iꞌoe oto mwane a God. Na o ke huru oto mola i sulie tolaha diana. O ke iiꞌo oodotaꞌi, na o ke iiꞌo maaꞌi, na o ke hiiwalaimoli, na o ke manata diana hunie mwala, na o ke asu taraꞌasi, na o ke maneko.

Hibru 12:14

Omu ke oꞌoꞌo ni henuelama mola peꞌie ahutana mwala, na omu ke ariꞌapasie noꞌone iiꞌonga oodotaꞌi. Aana nga iini e kaꞌa iiꞌo diana urine, e saꞌa roroꞌa leesie ike a Aalaha.

1 Pita 2:11

Maeni iinoni maaꞌi, iꞌomu nga mo iinoni ni welumalau haꞌike na omu iiꞌo mola mai mala mo awataa, na tohungei henue iꞌomu oto taꞌau i Lengi. Aena urine no ko unue oto huniꞌomu uri omu ke suꞌuri lae loꞌu i sulie mo saehanalinge aaela iꞌomu. Aana mo neꞌisaenga aaela ngeena kire sai ooho honosie maurihaꞌamiu.

1 Pita 3:11

Ke toliꞌaasie oto mo tolahai ola aaela ingeie, na ke lulu i sulie oto mola mo tolahai ola diana, na ke ariꞌapasie uri ke iiꞌo ni henuelama peꞌie ahutana mwala.

3 Jon 1:11

Oto o ke suꞌuri heimaanie mo tolahai iinoni aaela urine, malahuku, taꞌe o ke lae mola i sulie tolahai iinoni diana. Aana iini nge ko lae i sulie tolahai iinoni diana, nge ingeie iinoni a God otona. Taꞌe iini nge ko lae i sulie tolahai iinoni aaela, nge e kaꞌa manataꞌinie ike a God.