2 Timoti 2:12 - Tataroha Diana12 Mala uri kie ko iiꞌo susuleꞌi mola aana hiiwalaimolinge maꞌalana kie ko sapesalu, nge kie sai aalaha noꞌone mola peꞌie. Taꞌe mala uri kie ko taateingeꞌinie uri kie kaꞌa saie ike a Kraes, nge ingeie kei taateingeꞌinikie noꞌone uri e kaꞌa saikie. အခန်းကိုကြည့်ပါ။ |
2 Timoti 2:12
29 ပူးပေါင်းရင်းမြစ်များ
Mwala aana maholo ienini kire ko talei deu taꞌe wau oto mola, aana kire kaꞌa kinetaꞌinire ike loꞌu mala mo iinoni a God. Oto mala uri nga iini ko masa huni unu tahangaꞌinieu na mo haꞌa-uusulinge ineu i matolana mwala ni oorahaꞌaa ienini, nge ineu noꞌone ne kei masa huni unu tahangaꞌinie aana maholo ne kei lae mai peꞌie mo ensel maaꞌi aana manikuluhaꞌana a Mamaꞌa.”
Na kirerue ko ere-ere peꞌie mo pwaarongoisuli haalu a Jisas aana mo henuena huni ere haꞌasusure hunie hiiwalaimolinge ikire ke susu. Na kirerue ko ere uuri hunire. “Omu ke hiiwalaimoli tarau mola aana a Jisas, aena aana mo maholo hunge kolu kei lae oodoie aasanga purihaꞌana kolu ke si hule aana Aalahanga a God.”
E toꞌohuu taane uri oorahaꞌaanga taꞌa-taꞌa iinoni a Adam, e da uri maenga ko peine haahie ahutana mwala. Taꞌe mei ola nge taꞌa-taꞌa iinoni ngeena a Jisas Kraes e asuie, e paine loꞌu liutaa. Aana maholo a Jisas e mousie nanamanga aana maenga e kaꞌa haꞌa-oodohie mola takalonga i naꞌo ngeena, taꞌe ko da kie ko helesie loꞌu mo haꞌadianaꞌanga paine loꞌu liutaa. I tehulaꞌana a Jisas mone, a God e sapeie loꞌu oodotaꞌinge ingeie hunikie, na e unue kie kei meuri oto huu peꞌie, na kie kei aalaha peꞌie aana nanamanga paine ingeie.
Na aena aana ikie oto maeni kalena, kie kei helesie oto ahutana toꞌo-toꞌolana a God nge e loohaꞌiniꞌi nana a Kalena, a Kraes, na e loohaꞌiniꞌi noꞌone naka mo eesine a Kraes, aana ikie noꞌone mo kalena God. Kie kei helesie oto noꞌone manikuluꞌanga taꞌau i Lengi nge a Kraes e hele aana oto, aena aana ikie, kie ko sapesalu noꞌone mala a Kraes e sapesalu keꞌu.
No ko ere urine, aena aana ngaeta mwala aaela kire ko sili mumuni mola mai i matolamiu. Mwala ngeena kire sereꞌi deu i sulie walana a God, oto kire oolisie mei wala i sulie manata-diananga ingeie hunikie. Kire ko unue uri aena aana a God e tohungei manata diana hunikie, nge e saꞌa haꞌaloikie ike na kie sai deu taꞌewau mola mala saeka. Oto urine kire ko heitohea taꞌa-taꞌa Poro Paine na Aalaha ikie, a Jisas Kraes. Mo propet kire uusu-uusu i sulie mwala ngeena oto mai waite, na kire unue uri leilada kei lae.
Ineu a Jon, aasimiu kolu meni hiiwalaimoli aana a Jisas. Ikolu, kolu ko meni lae peꞌi uure maꞌutaꞌa, maꞌalana mwala ko teungeꞌinikolu haahie uri ikolu oto i laona Aalahanga a God. Kire neꞌieu wau i laona mala-malau ni hoꞌo i Patmos, aena aana no ko tarohaꞌinie walana a God na walaimolinge i sulie a Jisas.
“Nou saie taane uri omu iiꞌo aana leu nge naunekume a Pwelu Eero-eero e iiꞌo aana, taꞌe maꞌalana e urine omu hele paipesi toꞌohuu aana sataku. I Pegamam nge leu kire horo maesie a Antipas aana, iini e tohungei sai houleꞌinieu. Taꞌe maꞌalana aana maholo aaela urine, na omu kaꞌa toliꞌaasie ike hiiwalaimolinge iꞌomu eeku i matolana mwala aana hanue a Pwelu Eero-eero ngeena.
Na nou leesie noꞌone ngaeta mo neunekume, na mo iini kire iiꞌo i lengini kire toꞌo aana nanamanga hunie leinge. Nou leesie noꞌone mangona mo iini nge horoꞌilada e lae oto i naꞌo, aena aana kire tarohaꞌinie a Jisas na walana a God. Kire kaꞌa haꞌapainaꞌaa ike ola loo-looꞌa ngeena wa nunune, na kire kaꞌa toꞌo aana ike haꞌa-ara ingeie i naꞌona darada wa i nimada. Oto kire mauri eelihoꞌi, na kire ko aalaha peꞌie a Kraes hunie sinolai helisi ngeena.
ကြော်ငြာတွေ