2 Timoti 2:10 - Tataroha Diana

¹⁰ Aena urine kaꞌu, maꞌalana mwala ko haꞌaloieu mala ie, taꞌe no ko iiꞌo susu mola. Aana tala urine nge no ko peꞌie mwala nge a God e lio hilisire oto, hunie kire ke toꞌo aana maurihe peꞌie a Jisas Kraes na kire ke iiꞌo peꞌie aana manikuluhaꞌana oto di.

2 Timoti 2:10 ပူးပေါင်းရင်းမြစ်များ

Matiu 24:22

Mala uri a God kaꞌa holo oꞌoruꞌe aana maholo ni siꞌohaꞌanga ngeena, nge nga iini saꞌa mauri ike loꞌu. Taꞌe i sulie a God e loꞌongaꞌinie mo iini nge e lio hilisire oto, nge mone kei holo oꞌoruꞌe aana maholona.”

Matiu 24:24

Aena aana mo kraes eero-eero na mo propet eero-eero hunge kire kei lae mai. Na mala ko mwadaꞌu, kire kei haꞌatakaloa mo iini nge a God e lio hilisire oto. Kire kei haataꞌinie mo tolimaa na mo huꞌi-huꞌite aana mwala, taꞌe mwaanie omu hiiwalaimoli aada.

Matiu 24:31

Oto ne kei uusungeꞌinie mai mo ensel ineu peꞌie aawatai eehuri oto paine, na kire kei lae peꞌi soꞌokonie mo iini nou lio hilisire mwaanie e hai maai dengi aana walumalau, uure aana ngaeta ngongoꞌai welumalau lai hule aana ngaeta ngongoꞌai welumalau.”

Tataroha Diana I Sulie A Jisas Kraes Nge A Luk E Uusue 18:7

?Uri omu loꞌongaꞌinie a God e saꞌa haꞌa-oodohie ike nga mei ola urine hunie mo iini kire hiiwalaimoli aana, aena aana kire ko ngarasie i suli rodo na aatowaa huni peꞌinge? ?Na e ue? ?Uri omu loꞌongaꞌinie e saꞌa peꞌire ike lau-leu?

Tataroha Diana I Sulie A Jisas Kraes Nge A Luk E Uusue 22:57

Taꞌe a Pita e taateingeꞌinie, ko teꞌuri, “!Keine, nou kaꞌa saie ike a mwane ngeena!”

Tataroha Diana I Sulie A Jisas Kraes Nge A Jon E Uusue 11:52

Na e kaꞌa ike mola honotana mo Jiu hahaiteli, taꞌe huni lokoa ahutana mo iinoni a God nge kire iiꞌo tatanga i laona walumalau hunie kire ke neꞌie taꞌa-taꞌa iinoni.

Tataroha Diana I Sulie A Jisas Kraes Nge A Jon E Uusue 17:24

“Mamaꞌa, nou saetoꞌo aana mo iini nge o maire oto nakue, kire ke iiꞌo oto peꞌieu aana leu no ko iiꞌo aana. Saeku hunie uri kire ke leesie manikuluhaꞌaku, mei menikuluꞌanga nge o niie nakue aana o manata diana hunieu oto wai naꞌona haꞌaholalana walumalau.

Tataroha Diana I Sulie A Jisas Kraes Nge A Jon E Uusue 17:9

Oto no ko eitanaiꞌo talada. Nou kaꞌa aitanaiꞌo ike talana mwala aana walumalau ie, taꞌe no ko eitanaiꞌo talana mo iini o maire oto nakue, aena ikire mo iini iꞌoe ni ngeena.

Uusu-uusu A Pol Hurula'aa Hunie Mo Rom 2:7

Mwala nge ko lae peꞌi deu esunge diana, aana kire tohungei saetoꞌo aana uri kire ke iiꞌo huu peꞌie a God, na uri a God ke lae-lahera, na ke haꞌapainaꞌara, mwala ngeena nge a God kei niie maurihe huu nada.

Uusu-uusu A Pol Hurula'aa Hunie Mo Rom 9:23

Na leu i sapena loꞌu, mala uri ko sare haataꞌinie oto manikuluhaꞌana aana mwala nge e aamasire. Mwala nge e aamasire ngeena, ikire oto e lio hilisire hunie kire ke iiꞌo peꞌie aana leu e manikuluꞌe taꞌau i Lengi.

1 Korinit 1:21

Oto aana a God e asuie mone i sulie saenanaunge ingeie, mwala aana walumalau ie kire dau aasaie uri kire kei haꞌa-uurire maraada i sulie saenanaunge ikire. Na e lae mola urine aana saena a God mola huni haꞌa-uurie iinoni aana ola kire unue nga mei saenanaunge haꞌike aana, nge hiiwalaimolinge aana laeliwalanga i sulie a Kraes.

1 Korinit 9:22

Na maholo nou iiꞌo peꞌie mo iini nge ko lulu i sulie mola mo haꞌatolanga ni iinoni aana hiiwalaimolinge ikire e mamaelaꞌa, nou iiꞌo noꞌone mala ikire hunie ne ke peꞌire hunie kire ke hiiwalaimoli toꞌohuu. Oto nou iiꞌo oto i sulie ahutana mo tolahai iinoni nge kire toꞌo aani huni deu aahonga huni peꞌire hunie kire ke toꞌo aana maurihe huu.

2 Korinit 1:6

Oto maholo melu ko sapesalu, nge sapesalunge ngeena ko heꞌi peꞌiꞌomu loꞌu hunie omu ke hele aana maurihe huu. E toꞌohuu oto, i sulie a God ko haꞌadodoa saemeelu hunie iꞌemeelu noꞌone melu ke haꞌadodoa loꞌu saemiu. Oto urine omu ke uure aꞌailaꞌa taraꞌasi mola maholo omu ko sapesalu loꞌu mala iꞌemeelu ienini.

2 Korinit 12:15

Oto no ko tohungei ilenimwaꞌe mola huni niie ahutana mo ola nou toꞌo aani namiu, hule oto aana ineu maraaku, huni peꞌiꞌomu huni hele aana maurihe huu. ?Oto aana ineu no ko manata diana liutaa huniꞌomu urine, uri iꞌomu, omu kei manata aaela mola hunieu?

2 Korinit 4:15

Melu ko mwaꞌe-mwaꞌe ni sapesalu urine huni peꞌiꞌomu, na hunie mwala oto hunge kire ke sai diana aana hahuꞌana manata-diananga a God hunire. Urine mwala oto hunge loꞌu kire ke si soi haꞌamanikuluꞌaa God peꞌi paalahelana.

2 Korinit 4:17

Na mei siꞌohaꞌanga nge ko tooleꞌemeelu mola hunie kele maholo oꞌoruꞌe ienini, ko da melu ke si hele liutaa aana mo ola manikuluꞌe oto hiitoꞌo loꞌu aana maurihe huu peꞌie a God taꞌau i Lengi.

Epesas 3:13

Oto no ko sare ere haꞌasusuꞌomu mola mwaanie omu aakohe aana maholo omu ko leesie uri no ko sapesalu haahiꞌomu, aana no ko esuie urine uri hunie omu ke iiꞌo ni menikuluꞌe taꞌau i Lengi ni ngeena.

Kolosi 1:24

Oto maꞌalana no ko sapesalu oto ienini i tehulaꞌamiu, taꞌe no ko ilenimwaꞌe mola, aena aana sapesalunge aana sapeku ienini kei peꞌiꞌomu. A Kraes e sapesalu hiitoꞌo waite huni peꞌie soihaadaꞌinge, aena aana sapena ni otona. Oto ineu no ko sapesalu noꞌone urine aana sapeku huni haꞌamangoa kele leu e oore ue aana sapesalunge a Kraes arengaku.

Kolosi 1:27

E asuie leune hunie iꞌomu mo Aapoloa Aaopa, omu ke manataꞌinie uri a Kraes e sai iiꞌo oto i lalo aamiu, na ko haꞌawalaimoliꞌaa huniꞌomu uri iꞌomu noꞌone omu sai iiꞌo peꞌie i laona manikuluhaꞌana. Mei saehaahinge a God nge e iiꞌo mumuni keꞌu ni otona, na e tohungei diana hunikie na e lio manikuluꞌe.

1 Tesalonaeka 5:9

Aana a God e kaꞌa haꞌaholakie ike uri hunie ke haꞌamotaahikie aana dinge ni leinge. !Haꞌike! Taꞌe e haꞌaholakie hunie Aalaha ikie a Jisas Kraes, ke haꞌa-uurikie.

2 Tesalonaeka 2:14

Mo wala toꞌohuu nge a God e haaraiꞌomu mei eeni ngeena, nge oto Tataroha Diana nge melu lae peꞌi tarohaꞌinie huniꞌomu. Na e haaraiꞌomu urine ngeena aana e saetoꞌo aana uri omu ke toꞌo aana noꞌone manikuluhaꞌana a Jisas Kraes Aalaha ikie.

2 Timoti 1:1

Saediananga mwaanieu a Pol, iini nge a God maraana e lio hilisieu uri hunie ne ke neꞌi hurulaꞌaa a Kraes Jisas, hunie ne ke tarohaꞌinie maurihe huu e haiholotaꞌinie hunie mo iini kire lado peꞌie Kalena, a Kraes Jisas.

2 Timoti 2:1

Oto iꞌoe, kaleku, o ke aꞌailaꞌa aana asunge nana a Aalaha, na ingeie oto ke si peꞌiꞌo aana saena mone hunie ke peꞌikie.

2 Timoti 2:3

Na mala nga ramo e kaꞌa sai aapwasu ike aana sapesalunge taꞌe ko esu taraꞌasi mola, nge iꞌoe noꞌone o ke asu aꞌailaꞌa urine loꞌu mala nga ramo diana a Jisas Kraes maꞌalana sapesalunge nge ko reꞌusieu ie ke rau noꞌone aamu urine.

Taetas 1:1

Saediananga mwaanieu a Pol, huniꞌo Taetas. Ineu nga koni-konihe a God na hurulaꞌaa a Jisas Kraes. E uusungeꞌinieu huni peꞌie hiiwalaimolinge mo iini nge a God e lio hilisire hunie kire ke neꞌi iinoni ingeie, na huni haꞌa-uusulire i sulie walaimolinge nge kei peꞌire hunie kire ke iiꞌo maaꞌi.

1 Pita 2:10

Oto wau i naꞌo, iꞌomu nga mwala a God haꞌike na omu kaꞌa manataꞌinie ike aamasinge a God. Taꞌe aana maholo ienini, omu neꞌie tohungei iinoni a God oto toꞌohuu, na a God ko tohungei aama-aamasiꞌomu na ko sae-sae diana oto liutaa haahiꞌomu.

1 Pita 5:10

Maholo ienini, omu ko sapesalu mola hunie kele maholo oꞌoruꞌe, taꞌe a God e manata diana huniꞌomu oto liutaa. Ingeie ni oto e soiꞌomu huni lado peꞌie a Kraes na huni iiꞌo peꞌie aana manikuluhaꞌana nge e saꞌa mango ike loꞌu aana taꞌena nga maholo. Oto a God maraana kei haꞌasusue taane hiiwalaimolinge iꞌomu na kei niie nanamanga huniꞌomu hunie omu ke uure maꞌutaꞌa tarau mala iini e neꞌi rato oto aana oodo-oodonga.