2 Timoti 1:5 - Tataroha Diana

⁵ No ko aamasitoꞌo noꞌone aana mei hiiwalaimolinge toꞌohuu nge a nikemu a Iunis na a pwaa-pwaamu a Lois kire mani toꞌo aana, na nou saie uri iꞌoe noꞌone o toꞌo aana.

2 Timoti 1:5 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 1:47

Maholo a Jisas e leesie a Nataniel ko lae mai takoie, ko si ere oalana uuri, “A mwane ie tohungei mwane ni Israel toꞌohuu nge e saꞌa hahuꞌei eeroa ike nga iini.”

Palonga 16:1

Kira Pol kire lai hule wau aana huilume i Debe, oto purihaꞌana kire si lae loꞌu hunie huilume i Listra nge kire oodoie ngaeta pwaarongoisuli a Jisas, satana a Timoti. Aamana mwane aana mo Aapoloa Aaopa, taꞌe nikana keni ni Jiu nge ko lulu i sulie a Jisas.

Palonga 26:26

A Akripa Inemauri e sai mangoa taane walu ola i sulie a Jisas ienini, na nou sai ere haadaꞌi mola noꞌone hunie urine. Na nou saie uri e rongoa taane tataroha i sulie walu ola ienini maholo kire rau, aena aana walu ola ienini kaꞌa rau mumuni ike.”

Uusu-uusu A Pol Hurula'aa Hunie Mo Rom 14:14

Nou tohungei sai diana aana oto uri nga taꞌa-taꞌa mei ngeulaa e kaꞌa aapu ike, aana a Jisas maraana ni e haataꞌinie leune aaka. Taꞌe mala uri nga iini ko loꞌongaꞌinie uri ngaeta mo taungei ngeulaa kire aapu hunie, nge ke suꞌuri ngaa loꞌu mo iini urine.

Uusu-uusu A Pol Hurula'aa Hunie Mo Rom 14:5

Oto loꞌu, ngaeta mo iini ko loꞌo-loꞌongaꞌi uri ngaeta hai dinge e maaꞌi liutaa aana ahutana dinge, na ngaeta mo iini ko loꞌo-loꞌongaꞌi uri ahutana mo dinge kire mani sada mola. Taꞌe a God ko ilenimwaꞌe mola peꞌie ahutadarue mala kire ko meni neꞌisae mouteꞌi i saeda maraada, na kire ko lulu i sulie toꞌohuu nga taa kire hiiwalaimoli aana i sulie leune.

Uusu-uusu A Pol Hurula'aa Hunie Mo Rom 15:14

Maeni eesiku maaꞌi, nou hiiwalaimoli uri omu honu makeato oto aana taꞌena nga tolahai ola diana, na uri omu tohungei saenanau oto aani, hule aana omu sai haꞌananauꞌomu heiliu oto aani.

Uusu-uusu A Pol Hurula'aa Hunie Mo Rom 4:21

Aana e sai diana aana mola uri a God kei haꞌa-oaie haiholotaꞌinge ingeie.

Uusu-uusu A Pol Hurula'aa Hunie Mo Rom 8:38

Iau, nou tohungei hiiwalaimoli aana uri nga taꞌa-taꞌa mei ola e saꞌa oopakie ike mwaanie manata-diananga a God. Manata-diananga a God kei iiꞌo oto huu aaka, maꞌalana uri kie ke mauri wa kie ke mae loꞌu. Na maꞌalana mo ensel wa mo liꞌoa aaela wa mo aakalo wa mo wesi wa mo hiꞌona wa mo ola nanama loꞌu urine, taꞌe e aasa oto hunie kire ke oopakie mwaanie manata-diananga a God hunikie. Maꞌalana nga mei ola ke iiꞌo oto molana wa ke si haro lae mai,

2 Korinit 6:6

Na melu haataꞌinie loꞌu uri iꞌemeelu mo koni-konihe a God aana iiꞌonga rereꞌa iꞌemeelu, na aana saenanaunge iꞌemeelu, na aana toli-rakonga iꞌemeelu, na aana saediananga iꞌemeelu hunie ahutana iinoni, na aana nanamanga a Liꞌoa Maaꞌi, na aana melu manata diana toꞌohuu hunie ahutana iinoni.

1 Timoti 1:5

Aena aana nga taa no ko sare haꞌa-uusulire aana ngeena, nge mola hunie kire ke mana-manata diana hunire hailiu aani sae manola, na aani manatanga rereꞌa, na aani hiiwalaimolinge toꞌohuu.

1 Timoti 4:6

Nou saie kaleku, uri o peine poi peꞌie rongolana mo haꞌananaunge i sulie hiiwalaimolinge na uri o ko totola ue i sulie mo haꞌa-uusulinge diana ngeena hule siꞌiri. Oto o ke unue loꞌu mo ola ienini hunie mo mwaasine wau i Epesas, hunie o ke neꞌi koni-konihe diana oto nana a Kraes Jisas.

2 Timoti 1:12

Aena urinena nge no ko sapesalu siꞌiri ie. Taꞌe nou saꞌa roroꞌa ni masa ike, aena aana nou manataꞌinie a Jisas, iini nge nou norutoꞌo aana. Na nou saie uri ingeie e sai kinetaꞌinie walu ola nou neꞌiꞌi i nimana huni lio i suliꞌi, na kei kinetaꞌi diana aani lai hule aana dinge ooreta.

2 Timoti 3:15

O sai diana aana kaꞌu oto mo Uusu-uusu Maaꞌi na hule aana o neꞌi mwela ue. Na mo haꞌa-uusulinge aana kire sai peꞌikie aani loꞌongaꞌinge diana na aani hiiwalaimolinge aana a Jisas Kraes hunie uri a God ke haꞌa-uurikie.

Hibru 11:13

Mwala urine ngeena, kire lae peꞌi hiiwalaimoli aana God, oto hule aana maelada. Taꞌe maholo kire oꞌoꞌo ue mai laona walumalau, kire kaꞌa helesie ike walu ola nge a God e haiholotaꞌi huni niiꞌi nada. E urihana uri kire uure mola haꞌatau kire ko si lee-leesiꞌi, na kire ilenimwaꞌe huni lio saie nga taa kei reu. Na kire unu tahangaꞌinie oto uri kire oꞌoꞌo mola mala mo awataa i welumalau.

Hibru 6:9

Maeni eesiku maaꞌi, maꞌalana uri melu ko ere hiitoꞌo huniꞌomu urine, taꞌe melu sai diana aana taane mola uri omu ko lulu i sulie ue tala takoie maurihe ngeena.

1 Pita 1:22

Oto i tehulaꞌana omu tola i sulie mo wala toꞌohuu aana Tataroha Diana ngeena, omu da oto maurihaꞌamiu e rereꞌa mwaanie oorahaꞌaa eena, na omu sai manata diana oto hunie mo eesimiu maaꞌi. Aena urine, omu ke mana-manata diana oto huniꞌomu heiliu aana ahutana saemiu.