2 Tesalonaeka 3:5 - Tataroha Diana

⁵ Oto melu ko eitanaie Aalaha ikie uri ingeie ke haꞌasusue mo loꞌongaꞌinge iꞌomu hunie omu ke saenanau diana aana manata-diananga a God huniꞌomu, na aana tolahana a Kraes hunie omu ke uure aꞌailaꞌa taraꞌasi.

2 Tesalonaeka 3:5 ပူးပေါင်းရင်းမြစ်များ

Uusu-uusu A Pol Hurula'aa Hunie Mo Rom 5:5

Na norutoꞌonga ikie ngeena e saꞌa da ike hunie kie ke talei maa-maaꞌoohi mola mwaakule. Aana a God e haataꞌinie oto manata-diananga ingeie hunikie aana e uusungeꞌinie mai Liꞌoa Maaꞌi hunikie.

Uusu-uusu A Pol Hurula'aa Hunie Mo Rom 8:25

Taꞌe aena aana kie hiiwalaimoli uri kie kei haro toꞌo aana taane mo ola nge kie kaꞌa leesiꞌi ue, nge mone kie ko haro maa-maaꞌoohi susutoꞌo mola ue.

Uusu-uusu A Pol Hurula'aa Hunie Mo Rom 8:28

Na kie saie loꞌu uri a God ko esu i lalo aana ahutana walu ola ko reu-reu hunie ke haꞌadianaꞌakie, mo iini e soikie oto i sulie oalaꞌinge ingeie na kie ko manata diana hunie.

1 Korinit 8:3

Taꞌe mala nga iini ko manata diana, nge e tohungei sai ola oto.

Kalesia 5:22

Taꞌe hue-huei ola aana Liꞌoa Maaꞌi nge manata-diananga, na ilenimwaꞌenga, na hanuelamanga, na saemamae, na aamasinge, na diananga. A Liꞌoa Maaꞌi ko da kie ke neꞌi iinoni nou-norue,

1 Tesalonaeka 1:10

Na kire ko laladoa noꞌone uri omu ko maaꞌoohie oto a Kalena kei lae mai uure taꞌau i Lengi. Ingeie oto a Jisas nge e taꞌelaꞌi mwaanie maenga, na ko haꞌa-uurikie mwaanie saewasunge a God nge ko lae mai aana dinge ni leinge.

1 Tesalonaeka 1:3

Oto tarau aana aarengaꞌinge iꞌemeelu hunie a God Aamaka, melu ko aamasitoꞌo aana mo tolahai iinoni diana nge omu ko lulu i suliꞌi i sulie hiiwalaimolinge iꞌomu aana a Jisas, na mo weonga iꞌomu i tehulaꞌana omu manata diana hunie a God. Na melu ko loꞌongaꞌinie noꞌone uuranga aꞌailaꞌa iꞌomu aani norutoꞌonga aana a Jisas Kraes Aalaha ikie.

1 Tesalonaeka 3:11

Melu ko eitanai uri a God Aamaka na Aalaha ikie a Jisas ke haꞌa-oodohie nga tala nameelu huni lae loꞌu mei leesiꞌomu.

2 Timoti 4:8

Na waaite nge ne kei toolea i maana halinge ngeena e iiꞌo aakau loosieu oto, aana ineu nou iiꞌo oodotaꞌi oto i maana God. A Aalaha kei lei oodotaꞌi aana ahutana mwala, na aana Dinge Ooreta ke si waaieu taane. E saꞌa da ike leune hunieu haliꞌite, taꞌe hunie ahutana mo iini kire manata diana hunie na kire ko maaꞌoohie oolinge ingeie mai.

Taetas 2:13

Na kie ko maaꞌoohi susutoꞌo mola hunie hai dinge nge mei ola e diana oto liutaa na e tohungei menikuluꞌe kei reu, hai dinge nge kie hiiwalaimoli uri hahuꞌana God ikie a Jisas Kraes kei haro ooli loꞌu mei aana. Ingeie oto a Haꞌa-uuritaka

Hibru 9:28

Na urine noꞌone, a Kraes e toliꞌaasie maurihaꞌana mola hautaꞌai hunie ke mae mala nga uunu-olanga aana ko helesie haꞌaletehinge haahie mo oorahaꞌaa mo iinoni hunge. Na a Kraes kei heꞌi ruana lae loꞌu mei, taꞌe aana maholo nge ko lae mai ngeena, e saꞌa lae ike mai huni mae honotana mo oorahaꞌaa ikie loꞌu. !Haꞌike! Taꞌe kei lae mai huni toolea mai maurihe huu nana mwala kire ko maaꞌoohie.

Jemes 2:5

Omu ke rongo kaꞌu, maeni eesiku maaꞌi. A God e lio hilisie mo iini e maitale aana walumalau ie hunie kire ke toꞌo-toꞌo aana hiiwalaimolinge, na huni toꞌo aana aalahanga nge e haiholotaꞌinie hunie mo iini nge kire manata diana hunie.

1 Pita 4:1

Maholo a Kraes e iiꞌo ue mai laona walumalau, e sapesalu oto liutaa i tehulaꞌamiu. Oto aena ngeena, iꞌomu noꞌone omu ke haꞌa-aꞌailaꞌaa neꞌisaenga iꞌomu na omu ke iiꞌo aakau mola tarau huni sapesalu noꞌone mala ingeie. Aena aana nga iini ko sapesalu aana sapena i tehulaꞌana a Kraes ko haataꞌinie uri e aaliꞌu oto toꞌohuu mwaanie oorahaꞌaa.

2 Pita 3:12

Na maholo omu ko lae peꞌi maaꞌoohie hai dinge paine a God ngeena, omu ke asu waaꞌiniꞌini hunie hai dingena ke hule lau-leu. Aana hai dinge ngeena, dunge kei ngaa salo lai hule aana kei aano talihu oto, na walu ola aana haꞌaholanga dunge kei madorohiꞌi hule aana kire kei aahe mango.

1 Jon 4:19

Oto ikie, kie ko mana-manata diana aena aana a God oto e holaꞌi manata diana hunikie.

Haataꞌinge 1:9

Ineu a Jon, aasimiu kolu meni hiiwalaimoli aana a Jisas. Ikolu, kolu ko meni lae peꞌi uure maꞌutaꞌa, maꞌalana mwala ko teungeꞌinikolu haahie uri ikolu oto i laona Aalahanga a God. Kire neꞌieu wau i laona mala-malau ni hoꞌo i Patmos, aena aana no ko tarohaꞌinie walana a God na walaimolinge i sulie a Jisas.

Haataꞌinge 13:10

Mala uri a God kei toliꞌaasie taꞌena nga iini ke lae i nume ni hoꞌo, nge kei lae oto i nume ni hoꞌo. Mala uri a God kei toliꞌaasie taꞌena nga iini ke mae aani naihi, nge horoꞌilana kei lae oto aani naihi. Na aana maholo nge mo ola ngeena kei reu urine, nge iꞌomu mo iinoni a God, omu ke uure aꞌailaꞌa mola na omu ke hiiwalaimoli ngei-ngedi mola aana a God.