2 Tesalonaeka 3:12 - Tataroha Diana

¹² Oto aana satana Jisas Kraes Aalaha ikie, melu ko unue oto hunie mwala ngeena uri kire ke iiꞌo oto aana tolahai ola diana, na kire ke asu aꞌailaꞌa talai ngeulaa aada maraada.

2 Tesalonaeka 3:12 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 11:3

O ke niie mai huniꞌemi suli hei dinge, mo ngeulaa e adona dinge ngeena.

Epesas 4:28

A tei iinoni ko peli-peli, ke toliꞌaasie oto tolahai ola aaela ngeena na ke aehotaa loꞌu asunge diana. Ke asuie nga mo ola diana aana nimana, hunie ke toꞌo aana mo ola huni peꞌie mo iini kire maitale.

1 Tesalonaeka 4:1

Oto leu ooreta, maeni eesiku maaꞌi, melu haꞌananauꞌomu oto aana tala omu kei lulu i sulie hunie uri a God ke saemango haahiꞌomu, na omu ko lulu i sulie taane oto tala ngeena. Taꞌe aana satana Aalaha ikie a Jisas, melu ko eitanaiꞌomu loꞌu uri hunie omu ke tohungei lulu i suli diana aana loꞌu liutaa.

1 Tesalonaeka 4:11

Omu ke alaaꞌinie iiꞌonga iꞌomu maraamiu hunie omu ke iiꞌo aana hanuelamanga, na mwaanie omu oho dauhe aana mo esunge ngaeta mwala, taꞌe omu ke lio i suliꞌomu maraamiu aani esunge talai ngeulaa mola amiu maraamiu, oto mala melu unue kaꞌu huniꞌomu holaꞌinaꞌo.

2 Tesalonaeka 3:8

Na melu kaꞌa totola mwaakule ike aana nga mei ngeulaa mwaanie mwala, taꞌe melu haro holi-holiꞌi mola. Oto melu esu susue mola aatowaa na rodo mwaanie nga iini eemiu e tolahiꞌe loꞌu aana nga mei ola.

1 Timoti 2:2

Na o ke aare-aarengaꞌi noꞌone talana mo inemauri na taꞌena nga aalaha, hunie uri kire ke da hanuelamanga hunikie hunie kie ke mani iiꞌo hahuroto mola peꞌie ahutana mwala, na mwaanie kire da aasanga huni lulu i sulie tolahana a God aana iiꞌonga maaꞌi.