2 Tesalonaeka 2:7 - Tataroha Diana

⁷ Mwane tataꞌala ngeena ko esu taane oto aana maholo ie, taꞌe e iiꞌo mumuni mola ue, lai hule aana a God kei taꞌaasie iini nge ko uure honosie mwane tataꞌala ngeena.

2 Tesalonaeka 2:7 ပူးပေါင်းရင်းမြစ်များ

Palonga 20:29

Omu ke kakali diana aada, aana nou saie oto maholo ne kei lae mwaaniꞌomu, ngaeta mo wawaulo kei lae mai huni horo aaelasie amaa ni sipu ngeena. Ikire nge mo propet eero-eero nge kire kei lae mai huni waelie mwala i laona soihaadaꞌinge.

2 Tesalonaeka 2:6

Na omu saie oto iini nge e uure honosie mwane tataꞌala ngeena mwaanie e haataꞌi i naꞌona maholo ingeie.

1 Timoti 3:16

Kie ko unu haꞌa-oaie uri mo haꞌa-uusulinge nge a God e haataꞌiniꞌi oto aaka kire toꞌohuu taꞌingelu, na kie ko kana i sulie walaimolinge ngeena uuri. Nou hiiwalaimoli aana iini nge e neꞌi iinoni, e haataꞌi hunikie, a Liꞌoa Maaꞌi e haataꞌinie uri e oodotaꞌi. Mo ensel kire leesie, houleꞌinilana e lae hunie mo Aapoloa Aaopa. Ahutana walumalau e hiiwalaimoli aana, tahelaꞌinilana e lae oto taꞌau i Lengi.

1 Jon 2:18

Maeni mwela ineu, mo dinge ooreta i naꞌona a Kraes kei ooli loꞌu mei oto ienini. Omu rongoa oto i naꞌo uri maelonga a Kraes kei lae mai. Oto ie mo maelonga hunge a Kraes ko haataꞌi oto, na aena urinena kie si saie uri haꞌamangolana walumalau e karaꞌini oto.

1 Jon 4:3

Taꞌe mo iini kire ko taateingeꞌinie walaimolinge ngeena, nge Liꞌoa Maaꞌi a God haꞌike i lalo aada, taꞌe liꞌoa e uure mola mwaanie Maelonga a Kraes ni ngeena. Omu rongoa oto uri liꞌoa ngeena kei lae mai, na e hule oto mai i leu i laona walumalau.

Haataꞌinge 17:5

Na nou leesie uri a keine e tohungei ilenimwaꞌe aana e horo maesie mo iini kire ko haꞌarongoa mwala aana Tataroha Diana i sulie a Jisas. Mala mo iini kire ko pweu aana kire inu hiitoꞌo aana wai ni pweunge, ingeie e inu mehiri mola aana apune mwala maaꞌi a God. Taꞌi darana a keine uusulana nga satai ola e lae uuri, INEU IINI PEINE, A BABILON. INEU OTO NIKEI REPI, NA NIKANA TAꞌENA NGA AAELANGA MAI AANO. Na maholo nou leesie satai ola ngeena, nou saie uri nga neꞌisaenga e iiꞌo mumuni ue aana nga taa nou leesie ngeena, taꞌe nou tohungei deu puꞌotaꞌinie.

Haataꞌinge 17:7

Oto ensel ngeena e teꞌuri hunieu, “?Aana e ue kaꞌu o ko deu puꞌotaꞌinie urine? Ola loo-looꞌa nge e toꞌo aana e hiu ho pweꞌuu na aawalai rarangoi ola aana na keni nge e taꞌe i lengine, e ro mei aalahuunge mola ni ngeena. O ke rongoa kaꞌu, hunie ne kei ere luhesie neꞌisaenga aani huniꞌo.