2 Tesalonaeka 2:1 - Tataroha Diana

¹ Maeni eesiku maaꞌi, no ko sare ere loꞌu peꞌiꞌomu i sulie maholo a Jisas Kraes Aalaha ikie kei ooli loꞌu mei huni lokokie i saana.

2 Tesalonaeka 2:1 ပူးပေါင်းရင်းမြစ်များ

Matiu 16:27

Taꞌe ineu a Kale Ni Iinoni ne kei lae taane mai peꞌie mo ensel aana manikuluhaꞌana Aamaku huni waaie nga iini oto i sulie helelana. Sam 62:12

Matiu 16:28

Toꞌohuu no ko unue oto huniꞌomu uri ngaeta mo iini hikemiu mwala nge omu uure ngeena, omu kei saronai leesieu, a Kale Ni Iinoni, ne kei lae mai mala aalaha, omu ke si mae.”

Matiu 24:31

Oto ne kei uusungeꞌinie mai mo ensel ineu peꞌie aawatai eehuri oto paine, na kire kei lae peꞌi soꞌokonie mo iini nou lio hilisire mwaanie e hai maai dengi aana walumalau, uure aana ngaeta ngongoꞌai welumalau lai hule aana ngaeta ngongoꞌai welumalau.”

Matiu 25:32

Ahutana iinoni ni welumalau kei ruru mei naꞌoku, na ne ke si oopara hunie e ro poꞌo ni iinoni, mala iini kakali sipu ko oopaa mo sipu mwaanie mo nanikot.

Tataroha Diana I Sulie A Jisas Kraes Nge A Mak E Uusue 13:27

Na aana maholona, ne kei uusungeꞌinie mo ensel hunie kire ke lae aana e hai suꞌu-suꞌue aana walumalau, huni soꞌokonie mo iini nou lio hilisire mwaanie e hai maai dengi aana walumalau, uure aana ngaeta ngongoꞌai welumalau lai hule aana ngaeta ngongoꞌai welumalau.”

Uusu-uusu A Pol Hurula'aa Hunie Mo Rom 12:1

Oto aena urinena, maeni eesiku maaꞌi, aena aana mei sae ni aamasinge a God hunikie, no ko eitanaiꞌomu hunie omu ke niiꞌomu maraamiu mala nga uunu-olanga e mauri hunie a God aani niilana sapemiu suli dinge huni esuie mo esunge e oodo i maana God. Mala maurihaꞌamiu ke urine, nge omu kei urihana nga uunu-olanga e maaꞌi na a God e sai ilenimwaꞌe haahie. Taꞌa-taꞌa tohungei tala hunikie mo iinoni kie ke palo-paloa God aana ni otona.

Epesas 1:10

Na haꞌa-oalaꞌinge a God ngeena ke si oa aana tohungei maholo hunie, huni tarakonie mai i saana Kraes taꞌe-taꞌena nga ola i laona haꞌaholanga, maꞌalana mo ola taꞌau i Lengi na mo ola mai aano i leu. Na a Kraes oto kei peine haahiꞌi.

1 Tesalonaeka 2:19

Iau, melu tohungei sare hule i seemiu loꞌu, aena aana melu tohungei norutoꞌo aamiu uri aana maholo a Jisas Aalaha ikie kei ooli mei, taꞌe omu sai uure maꞌutaꞌa mola, na melu sai ilenimwaꞌe haahiꞌomu hule aana melu uure aana totomwameelu.

1 Tesalonaeka 3:13

Melu ko eitanai uri saemiu ke susu aani loꞌongaꞌinge diana, na omu ke iiꞌo maaꞌi, na mwaanie nga iini e pwelu wala i lengimiu, hunie maholo Aalaha ikie a Jisas kei ooli mei peꞌie mo iinoni maaꞌi ingeie, na omu ke suꞌuri masa ni uure i naꞌona God Aamaka.

1 Tesalonaeka 4:1

Oto leu ooreta, maeni eesiku maaꞌi, melu haꞌananauꞌomu oto aana tala omu kei lulu i sulie hunie uri a God ke saemango haahiꞌomu, na omu ko lulu i sulie taane oto tala ngeena. Taꞌe aana satana Aalaha ikie a Jisas, melu ko eitanaiꞌomu loꞌu uri hunie omu ke tohungei lulu i suli diana aana loꞌu liutaa.

2 Tesalonaeka 1:3

Maeni eesiku maaꞌi, melu ko paalahea God mola tarau haahiꞌomu. Na e diana hunie melu ke asuie urine, aana hiiwalaimolinge iꞌomu ko peine aꞌailaꞌa mola i suli maholo, na manata-diananga nge omu toꞌo aana huniꞌomu heiliu ko lae peꞌi peine noꞌone loꞌu tarau.

2 Timoti 4:1

Maholo a Jisas Kraes kei ooli loꞌu mei mala inemauri, nge ke si leie ahutana mo iinoni, mo iini e mauri ue na mo iini e mae oto. Oto no ko unu tahangaꞌinie oto huniꞌo i maana a God na a Jisas Kraes