2 Tesalonaeka 1:7 - Tataroha Diana7 Na a God kei haꞌamangoa taane mo weonga mo iini nge taungeꞌinilada ko lae i tehulaꞌana. Oto maꞌalana kolu ko meni sapesalu oto ie, taꞌe aana nga maholo ue mai, kolu saꞌa heꞌi sapesalu loꞌu. Na leune ke si reu taane aana maholo nge Aalaha ikie a Jisas kei uure taꞌau i Lengi na kei siho mai peꞌie mo ensel ingeie nge kire toꞌo aana nanamanga paine. အခန်းကိုကြည့်ပါ။ |
2 Tesalonaeka 1:7
51 ပူးပေါင်းရင်းမြစ်များ
Mwala aana maholo ienini kire ko talei deu taꞌe wau oto mola, aana kire kaꞌa kinetaꞌinire ike loꞌu mala mo iinoni a God. Oto mala uri nga iini ko masa huni unu tahangaꞌinieu na mo haꞌa-uusulinge ineu i matolana mwala ni oorahaꞌaa ienini, nge ineu noꞌone ne kei masa huni unu tahangaꞌinie aana maholo ne kei lae mai peꞌie mo ensel maaꞌi aana manikuluhaꞌana a Mamaꞌa.”
Na aena aana ikie oto maeni kalena, kie kei helesie oto ahutana toꞌo-toꞌolana a God nge e loohaꞌiniꞌi nana a Kalena, a Kraes, na e loohaꞌiniꞌi noꞌone naka mo eesine a Kraes, aana ikie noꞌone mo kalena God. Kie kei helesie oto noꞌone manikuluꞌanga taꞌau i Lengi nge a Kraes e hele aana oto, aena aana ikie, kie ko sapesalu noꞌone mala a Kraes e sapesalu keꞌu.
Ingeie oto e haꞌaholaa taꞌena nga ola. E haꞌaholaa taꞌena nga ola taꞌau i Lengi, na mo ola mai aano, na mo ola kie sai leesiꞌi, na mo ola kie kaꞌa sai leesiꞌi ike. Ingeie oto e haꞌaholaa taꞌena nga ensel, na taꞌena nga liꞌoa, na taꞌena nga aalaha, na mo aalahanga ikire, na taꞌena nga iini e nanama loꞌu. Ahutana walu ola ngeena haꞌaholalani e lae aana a Kraes, na nana a Kraes.
Na urine noꞌone, a Kraes e toliꞌaasie maurihaꞌana mola hautaꞌai hunie ke mae mala nga uunu-olanga aana ko helesie haꞌaletehinge haahie mo oorahaꞌaa mo iinoni hunge. Na a Kraes kei heꞌi ruana lae loꞌu mei, taꞌe aana maholo nge ko lae mai ngeena, e saꞌa lae ike mai huni mae honotana mo oorahaꞌaa ikie loꞌu. !Haꞌike! Taꞌe kei lae mai huni toolea mai maurihe huu nana mwala kire ko maaꞌoohie.
Omu ke aama-aamasitoꞌo noꞌone aana e ro huilume i Sodom na i Komora na mo huilume loꞌu kali-kelirerue. Mala uri mo ensel ngeena kire lae aaopa mwaanie neꞌisaenga a God hunire, nge mwala aana mo henuena kire lae aaopa noꞌone aana kire toliꞌaasire oto mola hunie aeni-olanga, na hule aana aeni-olanga tataꞌala peꞌie mo mwane mala ikire. Oto kire sapesalu aana haꞌaloilada e lae aana dunge mala nga tolimaa hunie ahutaka kie ke mani lee-leesie.
Mo iini urine kire kei meni hiingeꞌinie saewasunge a God oto toꞌohuu aana e saꞌa pwaidoraa ike saewasunge ingeie peꞌie nga kele mei ola ni aamasinge hunire, taꞌe kei haꞌa-aahesie mola apude. A God kei aasire mola i laona dunge ni haꞌamotaahinge aana mo heu eeso-eeso i naꞌona mo ensel maaꞌi ingeie na a Kalei Sipu.
Oto nou rongoa loꞌu mei wala uure mwaanie i Lengi ko teꞌuri, “O ke uusue uri aehota siꞌiri pwau weu, mo iini nge kire mae i lalo aana Aalaha kire deidehie oto liutaa.” Na a Liꞌoa e teꞌuri, “Iau, e toꞌohuu oto. Kire kei ile-ilenimwaꞌe mola maholo kire kei mamalo oto taꞌau i Lengi mwaanie mo esunge e aasa ikire, aena aana waaitada haahie mo esunge diana kire asuiꞌi ngeena e iiꞌo aakau oto hunire.”
Oto ensel ngeena e heꞌi unue loꞌu hunieu uuri, “O ke hiiwalaimoli aana mo wala ienini, aena aana kire toꞌohuu. A God Aalaha nge e niie Liꞌoa Maaꞌi ingeie i saana mo propet ingeie nge e uusungeꞌinieu ensel ingeie mai seemu, huni haataꞌinie mo ola ienini eemiu mo koni-konihe ingeie aana e saꞌa tewa na kire kei reu oto.”
Oto niilana toꞌoni rereꞌa e lae hunie taꞌena nga iini aada, na unulana e lae hunire uuri, “Omu ke maaꞌoohi haꞌawali keꞌu. Mala kire horoꞌiꞌomu keꞌu, nge horoꞌilana mo koni-konihe a God ko lae-lae ue. Oto kei saro hule aana iidu-iidunge aana mo eesimiu kire ko horoꞌire kei ehu, nge ne ke si suꞌue mei epu iꞌomu.”
ကြော်ငြာတွေ