2 Tesalonaeka 1:5 - Tataroha Diana

⁵ Aana omu ko sapesalu hiitoꞌo i tehulaꞌana a God oto ienini, nge a God ke si haataꞌinie uri omu tohungei melisine Aalahanga ingeie. Na aana nga maholo ue mai sapesalunge iꞌomu ngeena kei haataꞌinie noꞌone uri leinge a God e oodo taane mola.

2 Tesalonaeka 1:5 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 20:35

Taꞌe mo iini nge kire kei adona taꞌelaꞌinge aalihoꞌi mwaanie maenga, na huni iiꞌo aana walumalau haalu nge kei lae maine, kire saꞌa toꞌo-toꞌo poro wa kire ke totola huꞌe loꞌu,

Tataroha Diana I Sulie A Jisas Kraes Nge A Luk E Uusue 21:36

Oto omu ke kakali diana peꞌi aarengaꞌinge taraureꞌi, hunie omu ke uure aꞌailaꞌa huni lae sapemawa i matolana walu ola kei reu ngeena, lai hule aana maholo omu kei uure i naꞌoku a Kale Ni Iinoni.”

Palonga 13:46

Taꞌe a Pol na Banabas kirerue mwaka aada mola na kirerue ko teꞌuri, “E adona walana God unulana ke holaꞌi lae oto huniꞌomu, taꞌe aena aana omu ko leledie mei ola ienini, nge omu haataꞌinie oto uri omu kaꞌa malisine ike helesilana maurihe huu. Aena urine nge mere kei lae oto mwaaniꞌomu na mere kei lae oto i saana mo Aapoloa Aaopa.

Palonga 14:22

Na kirerue ko ere-ere peꞌie mo pwaarongoisuli haalu a Jisas aana mo henuena huni ere haꞌasusure hunie hiiwalaimolinge ikire ke susu. Na kirerue ko ere uuri hunire. “Omu ke hiiwalaimoli tarau mola aana a Jisas, aena aana mo maholo hunge kolu kei lae oodoie aasanga purihaꞌana kolu ke si hule aana Aalahanga a God.”

Uusu-uusu A Pol Hurula'aa Hunie Mo Rom 2:5

Taꞌe saemiu e hau mola hule aana omu kaꞌa sare oonisae loꞌu mwaanie mo takalonga iꞌomu. Oto aena leune omu ko si da mola haꞌaloilemiu ke paine oto loꞌu aana hai dinge nge a God kei haataꞌinie saewasunge ingeie haahie tataꞌalanga mo iinoni. Na maholo nge a God kei leie taꞌena nga iinoni, nge ahutana mwala ke si leesie oodotaꞌinge ingeie.

Uusu-uusu A Pol Hurula'aa Hunie Mo Rom 8:17

Na aena aana ikie oto maeni kalena, kie kei helesie oto ahutana toꞌo-toꞌolana a God nge e loohaꞌiniꞌi nana a Kalena, a Kraes, na e loohaꞌiniꞌi noꞌone naka mo eesine a Kraes, aana ikie noꞌone mo kalena God. Kie kei helesie oto noꞌone manikuluꞌanga taꞌau i Lengi nge a Kraes e hele aana oto, aena aana ikie, kie ko sapesalu noꞌone mala a Kraes e sapesalu keꞌu.

Epesas 4:1

Ineu mwane nge nou iiꞌo i laona nume ni hoꞌo haahie uri no ko esu nana Aalaha, no ko unue oto huniꞌomu uuri. Omu ke iiꞌo oodotaꞌi i sulie tolahai iinoni nge e malisine mo iini nge a God e soire hunie kire ke neꞌie mo iinoni ingeie.

Pilipae 1:28

Omu ke suꞌuri meꞌuteꞌinie mo maelonga iꞌomu, taꞌe omu ke uure aꞌailaꞌa, hunie ke haataꞌinie aada uri a God ni kei haꞌa-uuriꞌomu, na kei haꞌaloire.

Kolosi 1:12

Na maꞌalana omu ke siꞌohaꞌa loꞌu uri taa, taꞌe omu ke paa-paalahea mola a Mamaꞌa aana e da kie ke malisine nga aapa aana nga taa a God e loohaꞌinie hunie mwala ingeie taꞌau i laona Aalahanga ni Matapwanga.

1 Tesalonaeka 2:14

Maeni eesiku, nga taa e raꞌusiꞌomu ngeena e rau taane oto noꞌone aana mo soihaadaꞌinge a Kraes Jisas aana poꞌo ni henue i Jiudia. Iꞌomu, omu sapesalu aana mwala iꞌomu loꞌu mola kire taungeꞌiniꞌomu, na e urihana noꞌone loꞌu mola ikire kire sapesalu aana mwala ikire mo Jiu kire taungeꞌinire.

2 Tesalonaeka 1:11

Oto aena mo olana nge melu ko aare-aarengaꞌi mola talamiu tarau. Melu ko eitanaie a God ikie hunie ke da omu ke malisine mau-meuringe diana nge e soiꞌomu hunie uri omu ke iiꞌo aana. Na melu ko eitanaie a God hunie ke haꞌa-oaie mo neꞌisaenga diana iꞌomu aana nanamanga ingeie, na hunie ke peꞌiꞌomu huni haꞌamangoa mo esunge diana nge omu ko esuiꞌi i tehulaꞌana hiiwalaimolinge iꞌomu aana.

2 Timoti 2:12

Mala uri kie ko iiꞌo susuleꞌi mola aana hiiwalaimolinge maꞌalana kie ko sapesalu, nge kie sai aalaha noꞌone mola peꞌie. Taꞌe mala uri kie ko taateingeꞌinie uri kie kaꞌa saie ike a Kraes, nge ingeie kei taateingeꞌinikie noꞌone uri e kaꞌa saikie.

Haataꞌinge 15:4

?A tei e kaꞌa sai meꞌuteꞌiniꞌo, Aalaha? ?Na a tei e saꞌa haꞌamanikuluꞌaa satamu? Sulie taꞌe iꞌoe oto o maaꞌi, ahutana mwala kei meni paalaheꞌo aana o haataꞌinie oto oodotaꞌinge iꞌoe.”

Haataꞌinge 16:7

Na nou rongoa loꞌu mei wala ko iisitaa mai uure mwaanie ora ni uunu-uunu ko teꞌuri, “Iau, God Aalaha Hahuꞌana Nanama, leinge iꞌoe e oodotaꞌi mola na haꞌaloinge iꞌoe e tohungei melisi oto.”

Haataꞌinge 19:2

Mo leinge ingeie kire toꞌohuu na kire oodotaꞌi. A God ikie e haꞌaloie oto mei repi ngeena, keni nge e asuie aaelanga hunie walumalau aana masinge ingeie. A God e haꞌaloie mei repi ngeena huni suꞌue maelana mo koni-konihe ingeie.”

Haataꞌinge 3:4

“Taꞌe tootaꞌi iinoni eemiu mo Sadis, omu kinetaꞌi diana oto aana helelamiu mala iinoni ko kinetaꞌinie mo toꞌoni ingeie mwaanie kire madaꞌa. Mo iini urine ne kei haꞌahoꞌosiꞌomu aana mo toꞌoni rereꞌa na omu kei lae peꞌieu, aena aana omu melisine oto leune.