2 Tesalonaeka 1:1 - Tataroha Diana

¹ Saediananga mwaanieu a Pol na a Saelas na a Timoti huniꞌomu aana soihaadaꞌinge wau i Tesalonaeka. Iꞌomu oto mo iinoni a God Aamaka na Aalaha ikie a Jisas Kraes,

2 Tesalonaeka 1:1 ပူးပေါင်းရင်းမြစ်များ

Palonga 15:22

Oto mo hurulaꞌaa na mo rato na ahutana mwala aana soihaadaꞌinge, kire mani neꞌisae tararuru huni lio hilisie ngaeta mo mwane aada huni uusungeꞌinire peꞌie a Pol na Banabas i Antiok. Oto kire lio hilisie a Saelas na a Jiudas nge ngaeta sata aana a Basabas, aana ikirerue e ro naꞌohai mwane nge ahutana ruruhaa kire tohungei haꞌamaꞌu aadarue.

Palonga 16:1

Kira Pol kire lai hule wau aana huilume i Debe, oto purihaꞌana kire si lae loꞌu hunie huilume i Listra nge kire oodoie ngaeta pwaarongoisuli a Jisas, satana a Timoti. Aamana mwane aana mo Aapoloa Aaopa, taꞌe nikana keni ni Jiu nge ko lulu i sulie a Jisas.

Palonga 17:1

A Pol na Saelas kirerue lae i liu i huilume i Ampipolis na huilume i Apolonia kire si lai hule wau aana huilume i Tesalonaeka. Na mo Jiu kire toꞌo aana nga nume ni palo-palo noꞌone i leune.

2 Korinit 1:19

aena aana no ko lulu i sulie tolahana a Jisas Kraes. Ingeie oto Kalena God, nge iꞌemeelu a Saelas na a Timoti, melu tarohaꞌinie huniꞌomu, na omu meni saie oto uri ingeie e kaꞌa unue “Iau” hunikie, na ko tolana unue loꞌu “Haꞌike.” Taꞌe i tehulaꞌana a Kraes mone, a God ko unu-unue “Iau” hunikie mo iinoni,