2 Pita 3:4 - Tataroha Diana

⁴ na kire kei unue uuri, “?A Jisas oto i tei? ?Mwane nge e unue uri kei ooli loꞌu mei, ingeie oto i tei? Mo naꞌohai mwane iꞌomu weu i naꞌo ngeena, kire mani mae oto, taꞌe ahutana walu ola ngeena kire mani sada mola mala maholo a God e haꞌaholaa walumalau.”

2 Pita 3:4 ပူးပေါင်းရင်းမြစ်များ

Matiu 16:27

Taꞌe ineu a Kale Ni Iinoni ne kei lae taane mai peꞌie mo ensel aana manikuluhaꞌana Aamaku huni waaie nga iini oto i sulie helelana. Sam 62:12

Matiu 16:28

Toꞌohuu no ko unue oto huniꞌomu uri ngaeta mo iini hikemiu mwala nge omu uure ngeena, omu kei saronai leesieu, a Kale Ni Iinoni, ne kei lae mai mala aalaha, omu ke si mae.”

Matiu 24:28

Na oolinge mai ineu e saꞌa mumuni ike taꞌe kei urihana noꞌone waieu tola manu. Aana mwala kei leesie mo keule, kire kei meni saie oto uri waieu oto i leune.”

Matiu 24:48

Taꞌe mala uri koni-konihe ngeena e aaela na ko loꞌongaꞌinie mola uri aalaha ingeie e saꞌa hule ike lau-leu,

Tataroha Diana I Sulie A Jisas Kraes Nge A Mak E Uusue 10:6

Taꞌe aana aehotalana walumalau, A God e haꞌaholaa mwane na keni, Jenesis 1:27 oto mala mo Uusu-uusu Maaꞌi e unue.

Tataroha Diana I Sulie A Jisas Kraes Nge A Mak E Uusue 13:19

Aana siꞌohaꞌanga kei tola aana maholona, kei peine liutaa aana loꞌu taꞌena nga ola ko totola uure oto mai aehotalana walumalau hule mai aana mo dingena. Na e saꞌa heꞌi aaela loꞌu urine aana nga dinge.

Tataroha Diana I Sulie A Jisas Kraes Nge A Luk E Uusue 12:45

“Taꞌe mala uri koni-konihe ngeena ko loꞌongaꞌinie mola uri aalaha ingeie e saꞌa hule ike lau-leu, oto ko talei seu-seunie mola ngaeta mwala auꞌesu, na ko talei tara mola aana ngaunge, na ko pweu mola aana inuhilana wai ni mehiri,

Palonga 7:60

Oto e pouruuru hai aano ko si soi peine, ko teꞌuri, “Aalaha, o ke suꞌuri suꞌue loꞌu mei oorahaꞌaanga ienini hunire.” E ere urine mola, na ko mae oto.

1 Tesalonaeka 2:19

Iau, melu tohungei sare hule i seemiu loꞌu, aena aana melu tohungei norutoꞌo aamiu uri aana maholo a Jisas Aalaha ikie kei ooli mei, taꞌe omu sai uure maꞌutaꞌa mola, na melu sai ilenimwaꞌe haahiꞌomu hule aana melu uure aana totomwameelu.

2 Pita 3:12

Na maholo omu ko lae peꞌi maaꞌoohie hai dinge paine a God ngeena, omu ke asu waaꞌiniꞌini hunie hai dingena ke hule lau-leu. Aana hai dinge ngeena, dunge kei ngaa salo lai hule aana kei aano talihu oto, na walu ola aana haꞌaholanga dunge kei madorohiꞌi hule aana kire kei aahe mango.

Haataꞌinge 3:14

Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wai Leodisia uuri. “Ineu oto iini nge no ko haataꞌinie uri ahutana mo heiholotaꞌinge a God kire toꞌohuu. Na ineu oto iini nge no ko unu tahangaꞌinie toꞌohuu mo ola e uure aana God suli maholo. Na ahutana mo ola aana haꞌaholanga a God e uure mola mai eeku. Ineu oto ie, no ko unue huniꞌomu.