2 Pita 3:3 - Tataroha Diana

³ Oto e tohungei roroꞌa hunie omu ke saenanau diana aana uri maholo hunie walumalau ie kei mango e kaꞌa tewa ike loꞌu, na ngaeta mwala kei mwesi mwaaniꞌomu. Kire sai lae mola peꞌi haꞌa-eero aana walu ola diana,

2 Pita 3:3 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 12:48

Nga mei ola huni leie mo iinoni e iiꞌo taane. Mo iini kire kaꞌa sare hiiwalaimoli eeku, na kire kaꞌa sare rongo hunie walaku, nge mo wala nge no ko unu-unuꞌi ngeena, kire ke si lei mae aana mwala urine aana dinge ooreta.

2 Korinit 4:2

Melu ko tarohaꞌinie a Kraes mola aana mo tolahai ola diana, na melu toliꞌaasie oto taꞌena nga tolahai ola aaela huni tarohaꞌinie. Melu kaꞌa tarohaꞌinie ike a Kraes aana mo tolahai ola e kaꞌa malisi, wa aana mo tolahai ola mumuni, wa aana mo tolahai ola nge ko esuie masanga. Melu kaꞌa haꞌa-olaa ike nga mo iini aani eeronga, na melu kaꞌa sai huꞌisie ike walana God. !Haꞌike oto ooꞌoo! Taꞌe melu ko lae peꞌi unu tahangaꞌinie mola walaimolinge haliꞌite i maana God, hunie ahutana mwala kire ke lio saie uri melu ko ere toꞌohuu.

2 Timoti 3:1

O ke sai diana aana uri, aana mo dinge ooreta ahutana walu ola kei meni deu aasa oto hiitoꞌo.

Hibru 1:2

Taꞌe aana mo dinge ooreta ienini, a God e uusungeꞌinie mai a Kalena hunie ke houleꞌinie walana hunikie. A Kalena oto e haꞌaholaa walumalau ienini na ingeie oto kei toꞌo aana walumalau peꞌie taꞌena nga ola i lalo aana, i sulie oalaꞌinge a God ni otona.

2 Pita 1:20

Na e tohungei roroꞌa oto liutaa hunie omu ke lio saie uri nga taꞌa-taꞌa mei wala nge mo propet kire uusue i laona Uusu-uusu Maaꞌi, e kaꞌa uusue ike i sulie nga mei neꞌisaenga ingeie mola maraana.

2 Pita 2:10

Na a God kei lei aaelasie oto liutaa mo iini kire iiꞌo ni deu aaela oto mola i sulie saeda maraada na kire ko mwakataꞌinie mola nanamanga a God. Mo haꞌa-uusuli eero-eero ngeena ko tohungei toohaꞌinire mola maraada, hule aana kire kaꞌa sai haꞌamaꞌu ike aana mo ensel taꞌau i Lengi, taꞌe kire ko talei ere aaelasire oto mola.

1 Jon 2:18

Maeni mwela ineu, mo dinge ooreta i naꞌona a Kraes kei ooli loꞌu mei oto ienini. Omu rongoa oto i naꞌo uri maelonga a Kraes kei lae mai. Oto ie mo maelonga hunge a Kraes ko haataꞌi oto, na aena urinena kie si saie uri haꞌamangolana walumalau e karaꞌini oto.

Jiud 1:16

Mwala ngeena kire sai upwe mola tarau, na kire ko haro iꞌie mola ahutana ola, na kire ko lae oto mola i sulie mo loꞌongaꞌinge aaela ikire maraada. Kire ko ere toohaꞌinire mola, na maholo kire ko lahea nga iini, kire ko eeroa mola hunie hari-huninge ikire maraada ke oa.

Jiud 1:18

Aana kire unue huniꞌomu uuri, “Aana mo dinge ooreta, mwala kei haꞌamwasi mola aana walu ola maaꞌi, na hiiwalaimolinge ikire kei lae takalo mola i sulie mo neꞌisaenga aaela ikire maraada.”