2 Pita 3:2 - Tataroha Diana

² Saeku uri omu ke aama-aamasitoꞌo aana mo wala nge mo propet maaꞌi kire unuꞌi oto wau i naꞌo, na loꞌu aana haꞌa-uusulinge iꞌemeelu mo hurulaꞌaa i sulie haꞌatolanga Aalaha ikie, a Haꞌa-uuritaka.

2 Pita 3:2 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 1:70

Uure oto mai naꞌo, e unue kaꞌu aana mo propet maaꞌi ingeie

Tataroha Diana I Sulie A Jisas Kraes Nge A Luk E Uusue 24:27

Oto a Jisas ko aehota luhesie hunirerue mo ola uusuleni e lae i sulie maraana i laona mo Haꞌatolanga a Mosis lae hule aana mo Uusu-uusu Maaꞌi mo propet.

Tataroha Diana I Sulie A Jisas Kraes Nge A Luk E Uusue 24:44

Oto ko teꞌuri hunire, “Mei ola nge e rau eeku ngeena, nou unu mangoa oto oodoiꞌomu maholo nge nou oꞌoꞌo ue peꞌiꞌomu. Aana nou unue uri ahutana walu ola uusuleni e lae i sulieu i laona Haꞌatolanga a Mosis na aana mo Uusu-uusu Maaꞌi mo propet na aana Puke ni Kana, kire kei saronai oa mango.”

Palonga 10:43

Ahutana mo propet oto i naꞌo kire ere-ere noꞌone i sulie a Jisas, na kire laengaꞌinie uri nga iini ko hiiwalaimoli aana, nge a God kei saeꞌaasie mo oorahaꞌaa ingeie i tehulaꞌana.”

Palonga 28:23

Oto kire lio hilisie hai dinge kire kei loko loꞌu mei saana Pol wau i nume nge ko oꞌoꞌo aana, na aana hai dingena, mwala oto hunge kire loko. A Pol ko lado luhesie Aalahanga a God hunie ahutana mwala, aehota oto i maahuꞌo-huꞌo lai hule i seulehi. Na ko lado luhesie noꞌone mo wala i sulie a Jisas i laona mo Haꞌatolanga a Mosis na i laona mo Uusu-uusu Maaꞌi mo Propet. Na ko deu aahonga noꞌone huni huꞌisie saeda hunie kire ke aehota hiiwalaimoli oto aana a Jisas.

Palonga 3:18

Taꞌe a God e unue oto wau i naꞌo aana mo propet uri Kraes, Haꞌa-uuri nge e haiholotaꞌinie kei lae mai, kei sapesalu oto urine. Na a God e haꞌa-oaie leune oto urine.

Palonga 3:21

Ingeie kei iiꞌo kaꞌu taꞌau i Lengi hule aana maholo a God kei haꞌahaalue ahutana walu ola, mala e unue kaꞌu oto waite aana mo propet maaꞌi ingeie.

Kalesia 6:2

Omu ke peꞌiꞌomu heiliu aana walu ola ko hite-hite aamiu, aana urine nge omu ko tola i sulie haꞌatolanga a Kraes toꞌohuu eena.

Epesas 2:20

Iꞌomu, omu urihana oto noꞌone nume a God ko esuie. Nume ngeena, mo hurulaꞌaa na mo propet kire neꞌi poo-poota aana, na a Jisas Kraes oto tohungana haususu aana.

Epesas 3:5

Uure oto mai naꞌo, a God e kaꞌa unu-unue ike mei oalaꞌinge nge e iiꞌo mumuni ngeena oodoie mwala. Taꞌe maholo ienini, Liꞌoa Maaꞌi a God e haataꞌinie oto mei olana aana mo hurulaꞌaa maaꞌi na mo propet maaꞌi ingeie.

1 Timoti 6:14

O ke haiholotaꞌi uri o kei tola i suli diana aana mo haꞌatolanga nge nou unu-unuꞌi huniꞌo, na uri o saꞌa liu loꞌu mwaanie nga aapa aani, taꞌe o kei hele i suliꞌi taꞌingelu lae hule aana Aalaha ikie, a Jisas Kraes, kei eelihoꞌi loꞌu mei.

2 Pita 2:21

E lae oto i diana uri kire ke suꞌuri lio saie tolahai ola diana ngeena, aana urine haꞌalaa haꞌaloinge ikire e saꞌa tohungei peine ike. Taꞌe mo iini nge kire saie oto tala diana a God na kire ko aatopuri mola aana, ikire oto a God kei tohungei lei aaelasire oto liutaa.

2 Pita 3:15

Aalaha ikie ko niie maholo huniꞌomu ni ngeena, kaꞌu e kaꞌa lae-lae ue mai lau-leu. Oto omu ke toꞌo maaie mala uri nga maholo oto hunie haꞌa-uurilemiu kei lae ni ngeena. Taꞌa-taꞌa mei neꞌisaenga urine a God e niie noꞌone hunie aasikaelu maaꞌi a Pol, mala e uusue kaꞌu taꞌa-taꞌa taungei erenga ngeena noꞌone huniꞌomu.

2 Pita 3:16

Na i laona ahutana mo uusu-uusu ingeie e ere urine oto tarau maholo e uusu-uusu i sulie mei ola ngeena. I laona mo uusu-uusu a Pol ngeena, ngaeta mo wala kire kaꞌa tohungei matapwa diana ike huni rongo saiꞌi. Na ngaeta mwala nge kire kaꞌa saenanau na loꞌongaꞌinge ikire kaꞌa oodo, kire ko lae peꞌi oolisie mola loꞌongaꞌinge aana mo wala ngeena na kire ko lae huꞌisiꞌi oto. Na kire ko lae peꞌi teꞌurine noꞌone mola aana taꞌena nga mo wala i laona mo Uusu-uusu Maaꞌi i naꞌo. Taꞌe aana tolahai ola urine, kire ko si tohungei da oto haꞌamotaahinge ikire maraada kei aaela oto liutaa ni ngeena.

1 Jon 4:6

Taꞌe ikie mo iini oto a God. A tei nge e saie a God, nge kei rongo hunikie, taꞌe a tei nge e kaꞌa saie a God, nge e saꞌa rongo ike hunikie. Oto i leune loꞌu, kie ke si lio saie liꞌoa aani walaimolinge na liꞌoa aani eeronga.

Jiud 1:17

Taꞌe maeni malahuku, omu ke aama-aamasitoꞌo aana nga taa nge mo hurulaꞌaa Aalaha ikie a Jisas Kraes kire ere lalai aana oto waite.

Haataꞌinge 19:10

Oto nou si pouruuru hai sulie aeꞌaena ensel, na no ko haꞌapainaꞌaa oto. Taꞌe e teꞌuri mola hunieu, “O ke suꞌuri haꞌapainaꞌaau, taꞌe o ke haꞌapainaꞌaa mola a God. Aena aana ineu ngaeta koni-konihe mola mala iꞌoe na mo eesimu nge kire helesie oto walaimolinge i sulie a Jisas. Aana walu ola nou haataꞌiniꞌi ie na ahutana walana mo propet ko lae hunie mwala ke saie walaimolinge i sulie a Jisas.”