2 Pita 3:12 - Tataroha Diana

¹² Na maholo omu ko lae peꞌi maaꞌoohie hai dinge paine a God ngeena, omu ke asu waaꞌiniꞌini hunie hai dingena ke hule lau-leu. Aana hai dinge ngeena, dunge kei ngaa salo lai hule aana kei aano talihu oto, na walu ola aana haꞌaholanga dunge kei madorohiꞌi hule aana kire kei aahe mango.

2 Pita 3:12 ပူးပေါင်းရင်းမြစ်များ

Matiu 16:27

Taꞌe ineu a Kale Ni Iinoni ne kei lae taane mai peꞌie mo ensel aana manikuluhaꞌana Aamaku huni waaie nga iini oto i sulie helelana. Sam 62:12

Matiu 16:28

Toꞌohuu no ko unue oto huniꞌomu uri ngaeta mo iini hikemiu mwala nge omu uure ngeena, omu kei saronai leesieu, a Kale Ni Iinoni, ne kei lae mai mala aalaha, omu ke si mae.”

Pilipae 1:6

Na nou norutoꞌo uri a God nge e aehotaa mei esunge diana i laona maurihaꞌamiu, kei lae peꞌi esu taraꞌasi oto urine i lalo aamiu, lai hule aana hai dinge a Jisas Kraes kei ooli loꞌu mei.

Taetas 2:13

Na kie ko maaꞌoohi susutoꞌo mola hunie hai dinge nge mei ola e diana oto liutaa na e tohungei menikuluꞌe kei reu, hai dinge nge kie hiiwalaimoli uri hahuꞌana God ikie a Jisas Kraes kei haro ooli loꞌu mei aana. Ingeie oto a Haꞌa-uuritaka

2 Pita 3:10

Taꞌe hai dinge Aalaha ikie kei ooli loꞌu mei, hai dinge ngeena kei lae mai mola mala iinoni peli-peli aana kie saꞌa manataꞌinie ike maholo kei lae mai wa kie ke loꞌongaꞌinie. Na aana hai dingena, painehaꞌana kou-kouhaꞌa oto paine kei reu uure mai taꞌau i Lengi na salo kei eiꞌaa oto. Na dunge oto paine kei ngaa oto ahutana walu ola taꞌau i salo hule aana kire kei meni aaela mango oto. Na walumalau ngeena oto peꞌie walu ola aana, kire kei meni eiꞌaa oto.

2 Pita 3:11

Oto aena aana ahutana walu ola kei meni aaela mango oto urine, omu ke lio-lio diana aana mau-meuringe iꞌomu. Omu ke iiꞌo maaꞌi na omu ke lae peꞌi iiꞌo oodotaꞌi mola i sulie saena God.

2 Pita 3:4

na kire kei unue uuri, “?A Jisas oto i tei? ?Mwane nge e unue uri kei ooli loꞌu mei, ingeie oto i tei? Mo naꞌohai mwane iꞌomu weu i naꞌo ngeena, kire mani mae oto, taꞌe ahutana walu ola ngeena kire mani sada mola mala maholo a God e haꞌaholaa walumalau.”

2 Pita 3:7

Oto aana taꞌa-taꞌa mei wala a God noꞌone mola, nge salo na aano huu kire iiꞌo siꞌiri, na nanamanga aana walana mola nge ko hele aadarue loosie Dinge Ni Leinge. Aana maholona dunge kei lae mai huni weru suuheꞌinie walumalau na ahutana mo iinoni nge kire kaꞌa manataꞌinie ike a God.

Jiud 1:21

Omu ke tola i sulie a God hunie omu ke iiꞌo susu i lalo aana manata-diananga ingeie aana omu ko maaꞌoohie aamasinge Aalaha ikie a Jisas Kraes huni tooleꞌomu takoie maurihe huu.