2 Pita 3:10 - Tataroha Diana

¹⁰ Taꞌe hai dinge Aalaha ikie kei ooli loꞌu mei, hai dinge ngeena kei lae mai mola mala iinoni peli-peli aana kie saꞌa manataꞌinie ike maholo kei lae mai wa kie ke loꞌongaꞌinie. Na aana hai dingena, painehaꞌana kou-kouhaꞌa oto paine kei reu uure mai taꞌau i Lengi na salo kei eiꞌaa oto. Na dunge oto paine kei ngaa oto ahutana walu ola taꞌau i salo hule aana kire kei meni aaela mango oto. Na walumalau ngeena oto peꞌie walu ola aana, kire kei meni eiꞌaa oto.

2 Pita 3:10 ပူးပေါင်းရင်းမြစ်များ

Matiu 24:35

I Lengi na i aano kei suu, taꞌe walaku e saꞌa suu ike oto ooꞌoo.”

Tataroha Diana I Sulie A Jisas Kraes Nge A Mak E Uusue 13:31

I Lengi na i aano kei suu, taꞌe walaku e saꞌa suu ike oto ooꞌoo.”

Tataroha Diana I Sulie A Jisas Kraes Nge A Luk E Uusue 12:39

“Oto omu ke sai diana aana uri, mala iinoni e toꞌo aana nume ko saie maholo iinoni peli-peli kei lae mai, e saꞌa roroꞌa ni toliꞌaasie ike uri iinoni peli-peli ngeena ke sili i nume ingeie.

Uusu-uusu A Pol Hurula'aa Hunie Mo Rom 8:20

Aana maꞌalana walu ola aana haꞌaholanga e sereꞌinie ke aaela mala siꞌiri, taꞌe kire mani lae aaela oto wau i naꞌo, aana ikire noꞌone kire iiꞌo i hahana haꞌaloinge a God e asuie aana Adam na Iv. Taꞌe maholo a God e asuie leune, e niie noꞌone mei neꞌisaenga diana uri aana nga maholo kei lae mai,

1 Korinit 1:8

Na a Jisas oto kei haꞌasusuꞌomu hunie omu ke iiꞌo oodotaꞌi lai hule aana hai dinge nge Aalaha ikie a Jisas Kraes kei ooli loꞌu mei.

1 Korinit 5:5

omu ke toliꞌaasie mola a mwane ngeena i nimana a Satan. Ohe maholo kei sapesalu, hari-huninge ingeie hunie aapa hatarie hasiꞌo ke mango, na a God ke haꞌa-uurie mola hunie maurihaꞌana ke iiꞌo diana aana hai dinge a Kraes kei ooli loꞌu mei.

1 Tesalonaeka 5:2

Aena aana iꞌomu maraamiu omu sai diana aana oto uri a Aalaha ikie kei ooli loꞌu mola mai aana taꞌena nga dinge nge mwala kaꞌa loꞌo-loꞌongaꞌinie ike, mala iinoni peli-peli e sai lae mola mai aana taꞌena nga maholo i rodo.

1 Tesalonaeka 5:4

Taꞌe iꞌomu, maeni eesiku maaꞌi, omu kaꞌa iiꞌo ike mone i laona rodohono. Oto aena ngeena, omu saꞌa papangataꞌi ike maholo hai dinge ngeena kei hulesie walumalau mala iinoni peli-peli nge ko lae mai i rodo aana maholo kire kaꞌa loꞌongaꞌinie ike.

2 Pita 3:11

Oto aena aana ahutana walu ola kei meni aaela mango oto urine, omu ke lio-lio diana aana mau-meuringe iꞌomu. Omu ke iiꞌo maaꞌi na omu ke lae peꞌi iiꞌo oodotaꞌi mola i sulie saena God.

2 Pita 3:12

Na maholo omu ko lae peꞌi maaꞌoohie hai dinge paine a God ngeena, omu ke asu waaꞌiniꞌini hunie hai dingena ke hule lau-leu. Aana hai dinge ngeena, dunge kei ngaa salo lai hule aana kei aano talihu oto, na walu ola aana haꞌaholanga dunge kei madorohiꞌi hule aana kire kei aahe mango.

2 Pita 3:7

Oto aana taꞌa-taꞌa mei wala a God noꞌone mola, nge salo na aano huu kire iiꞌo siꞌiri, na nanamanga aana walana mola nge ko hele aadarue loosie Dinge Ni Leinge. Aana maholona dunge kei lae mai huni weru suuheꞌinie walumalau na ahutana mo iinoni nge kire kaꞌa manataꞌinie ike a God.

Jiud 1:6

Na omu ke aamasitoꞌo noꞌone aana mo ensel nge kire toli puri mola aana mo lio i sulinge ikire, na kire lae mola mwaanie mo iiꞌo-iiꞌoha ikire. A God e hoꞌosie mo ensel ngeena aani iieliheu oto huu, na e aasire i laona rodohono oto loosie hai dinge ni lei mae aada.

Haataꞌinge 16:15

Oto e oolu liꞌoa aaela ngeena kire lokoa oto mo inemauri aana leu kire haaraꞌinie aana erenga mo Jiu uuri, “Amakedon.” Oto a Kraes e si unue uuri, “!Omu ke pwaarongo kaꞌu! Ne kei lae mai mala iinoni peli-peli aana maholo omu saꞌa lio saie ike. Deidehie mo iini nge kire ko iiꞌo aakau loosie oolinge ineu mei. Mo iini urine kire urihana mo iini kire kaꞌa maꞌahu na kire hoꞌo aakau mola aana mo toꞌoni ikire mwaanie kire iiꞌo mwaakule na kire masa maholo ne kei hule.”

Haataꞌinge 20:11

Oto nou leesie a God e iiꞌo i lengine naunekume rereꞌa oto paine. Na e lio mala uri walumalau na salo kire tahi mwaanie, na nga leu huni lio oodoiꞌi haꞌike loꞌu.

Haataꞌinge 21:1

Oto nou heꞌi leesie loꞌu walumalau haalu, taꞌe nga aasi haꞌike loꞌu i laona, na salo e haalu noꞌone. Aana walumalau lalahuꞌe peꞌie salo na aasi i laona, kire mani eiꞌaa mango oto.

Haataꞌinge 3:3

Omu ke loꞌongaꞌi diana mola i sulie mo wala diana kire unuꞌi keꞌu huniꞌomu na omu rongoꞌi oto, hunie omu ke hele i suliꞌi, na omu ke aaliꞌu mwaanie mo tolahai ola aaela iꞌomu. Taꞌe mala omu kaꞌa taꞌelaꞌi oto na omu ke aaliꞌu mwaanie tolahai ola aaela ngeena, ne kei lae mai mala iinoni peli-peli hule aana omu kei aparaꞌi eeku mola aana kele maholoi sato ne kei hule huni haꞌaloilemiu.

Haataꞌinge 6:14

Na salo e tolana aiꞌaa mola mala haꞌu hio-hio kire hioa. Na ahutana mo toloi henue na taꞌena nga mala-malau kire oopa hailiu oto mwaanie mo leu kire oꞌoꞌo aani.