2 Pita 2:1 - Tataroha Diana

¹ Oto wau i naꞌo, mo propet eero-eero kire oꞌoꞌo noꞌone i matolana mwala ni Israel, na kei urine loꞌu aana mo haꞌa-uusuli eero-eero kei lae noꞌone mai mumuni i matolamiu. Kire kei unue mo haꞌa-uusulinge eero-eero i sulie a God nge kire sai waelie hiiwalaimolinge nga mo iini. Na kire ke aatopuri loꞌu mola aana a Aalaha nge e niie mei holite oto paine huni haꞌa-uurie maurihaꞌada. Na i tehulaꞌana walu ola ngeena, nge kire sai waelire loꞌu mola maraada lau-leu.

2 Pita 2:1 ပူးပေါင်းရင်းမြစ်များ

Matiu 10:33

Taꞌe mala uri nga iini kei taateingeꞌinieu i naꞌona mo iinoni, nge ne kei taateingeꞌinie noꞌone i naꞌona Aamaku i Lengi.”

Matiu 24:11

Mo propet eero-eero hunge kei lae mai, na kire kei deu uri hunie mwala hunge ke hiiwalaimoli aana mo eeronga ikire.

Matiu 24:24

Aena aana mo kraes eero-eero na mo propet eero-eero hunge kire kei lae mai. Na mala ko mwadaꞌu, kire kei haꞌatakaloa mo iini nge a God e lio hilisire oto. Kire kei haataꞌinie mo tolimaa na mo huꞌi-huꞌite aana mwala, taꞌe mwaanie omu hiiwalaimoli aada.

Matiu 24:5

Aana mo iini hunge kei lae mai aana sataku, na kire kei ere uuri, ‘Ineu oto a Kraes,’ na kire kei haꞌapweue mwala hunge.

Matiu 7:15

“Omu ke lio talamiu aana mo propet eero-eero, kire kei lae mai seemiu na kire kei lupweꞌi deu mala mo sipu e rako-rako, taꞌe i laona saeda, ikire mo wawaulo ni meꞌesu oto toꞌohuu.

Tataroha Diana I Sulie A Jisas Kraes Nge A Mak E Uusue 13:22

Aena aana mo kraes eero-eero na mo propet eero-eero hunge kire kei lae mai. Na mala ko mwadaꞌu, kire kei haꞌatakaloa mo iini nge a God e lio hilisire oto. Kire kei haataꞌinie mo tolimaa na mo huꞌi-huꞌite aana mwala, taꞌe mwaanie omu hiiwalaimoli aada.

Tataroha Diana I Sulie A Jisas Kraes Nge A Luk E Uusue 12:9

Taꞌe nga iini nge kei taateingeꞌinieu i naꞌona mo iinoni, nge ineu a Kale Ni Iinoni, ne kei taateingeꞌinie noꞌone i naꞌona mo ensel a God uri iinoni ngeena nga iinoni ineu haꞌike.

Tataroha Diana I Sulie A Jisas Kraes Nge A Luk E Uusue 21:8

Oto a Jisas ko teꞌuri, “Omu ke lio talamiu mwaanie nga iini e eeroꞌomu. Aana mo iini hunge kei lae mai aana sataku, na kire kei unue uuri, ‘Ineu oto a Kraes,’ na loꞌu uuri, ‘Pongi e hule oto.’ Taꞌe omu ke suꞌuri rongo hunire wa omu ke lae i sulire.

Tataroha Diana I Sulie A Jisas Kraes Nge A Luk E Uusue 6:26

Aama-aamasilemiu maholo mwala ko ere haꞌadianaꞌaꞌomu, aana leune e haataꞌi diana aana uri omu meni sada oto peꞌie mo propet eero-eero i naꞌo, i sulie taꞌa-taꞌa taungei olana e rau keꞌu noꞌone aada.”

Uusu-uusu A Pol Hurula'aa Hunie Mo Rom 16:18

Mwala urine, kire kaꞌa asu ike nana a Kraes Aalaha ikie, taꞌe kire ko lae mola i sulie mo heri-huninge aaela aana sape. Kire ko eero aani lahenga huni haꞌa-olaa mola saena mwala nge kire kaꞌa lio saie ike mo neꞌisaenga aaela ikire.

1 Korinit 11:19

Saꞌa mola mo oopanga ngeena ko haataꞌi diana aana taane mo iini ko lulu i sulie a God toꞌohuu, na mo iini ko lupweꞌi deu-deu mola.

1 Korinit 6:20

aena aana a Kraes e pwani holiꞌomu oto aana holite oto paine. Oto walu ola omu ko esuiꞌi aana sapemiu, omu ke asuiꞌi hunie mwala ke soi haꞌamanikuluꞌaa a God haahiꞌi.

1 Korinit 7:23

A Kraes e pwani holiꞌomu oto aana holite paine. Oto omu ke suꞌuri neꞌi koni-konihe loꞌu nana walu ola mo iinoni ko tolahiꞌe aani.

Kalesia 2:4

Melu ere i sulie leune mola aena aana ngaeta mo iini kire lae kaꞌu mei i laona pulitaa iꞌemeelu mala mo wao-wao. Kire eeroꞌemeelu uri ikire mo eesimeelu i lalo aana Kraes, taꞌe haꞌike. Kire lae mola mai huni haitale mumuni mola aana tolahaka, mo iini kie lado oto peꞌie a Jisas na kie iiꞌo luhetaꞌi oto mwaanie mo Haꞌatolanga i naꞌo. Kire dau mala mo wao-wao urine aena aana kire ko sare da mola uri kie ke iiꞌo ni hoꞌo loꞌu i sulie mo Haꞌatolanga a Mosis.

Kalesia 3:13

Taꞌe mo Haꞌatolanga a Mosis ko uesie mo iini kire kaꞌa dau i suliꞌi. Aamasitoꞌo kaꞌu aana Uusu-uusu Maaꞌi nge e unue uuri, A God ko uesie taꞌena nga iini nge kire ko aaroroa i lengine nga ai.Diutronomi 21:23 Oto mei olana nge e rau aana a Jisas honotaka, na aena leune nge uesinge aana mo Haꞌatolanga e lae hunie a Jisas. Taꞌe aena leune noꞌone a Jisas e haꞌa-uurikie mwaanie uesinge aana iiꞌonga loꞌu i mamalutana mo Haꞌatolanga.

Kalesia 4:17

Ngaeta mwala aaopa kire ko tohungei heri hunie taane hikunge peꞌiꞌomu, taꞌe hikunge ikire ngeena e kaꞌa mei ola diana ike huniꞌomu. Kire ko sare oopaꞌomu mola mwaanieu ni ngeena, hunie uri omu ke sereꞌinieu na omu ke hari hunie mola haꞌa-uusulinge ikire.

Kalesia 5:20

Kire ko paloa mola mo god eero-eero, na kire ko deu i sulie mola mo liꞌoa aaela. Kire ko esuie mola maelonganga hunire hailiu, na haiseuninge, na heotaꞌinge. Kire ko maaola-ola aani saewasunge, na kire ko loꞌongaꞌinire mola maraada, na kire ko esuie mola oopanga, na kire neꞌie oto ngaeta pulitaa haꞌa-haꞌa-ere.

Epesas 1:7

Na i tehulaꞌana a Kraes e tapa oolisikie aana maelana, nge a God e taꞌaasie noꞌone mo oorahaꞌaanga ikie. A Kraes e tohungei haꞌadianaꞌakie aana mo hahuꞌei niinge diana ingeie

Epesas 4:14

Oto kie saꞌa iiꞌo ike loꞌu mala mo mwela nge kire sai oolisie hiiwalaimolinge ikire tarau aana kire ko pwaarongo i sulie taꞌena nga haꞌa-uusuli nge ko eeroa mwala peꞌie mo pwelonga ikire takoie mo tala aaela. Mo mwela urine, kire urihana mo naho nge ooru ko ooruheꞌiniꞌi heiliu.

Pilipae 3:19

Mwala urine, haꞌamangolada mola i laona dunge ni haꞌamotaahinge, aana kire ko paloa mola mo heri-huninge ni sape mala god ikire. Kire ko talei alea mola haahie mo ola ni masanga, na saeda e honu mola aana walu ola ni welumalau.

Kolosi 2:18

Na mwaanie omu toitoliꞌaasie nga iini ke haꞌapweuꞌomu aana mei wala uuri, “Omu saꞌa hele waaite ike taꞌau i Lengi, aena aana omu kaꞌa haꞌaletehie sapemiu peꞌi tola i sulilana mo haꞌatolanga e aasa.” Mo iinoni urine ko unue noꞌone uri kire leesie mo maꞌahu-polenga nge ko haataꞌinie uri e diana hunie mwala ke palo-paloa mo ensel. Taꞌe omu ke suꞌuri rongo hunire. Kire ko lupweꞌi haꞌamwai-mweiꞌara maraada i maana mwala, taꞌe kire ko toohaꞌinire mola aana mo neꞌisaenga ni welumalau nge hule aana kire kaꞌa toꞌohuu ike.

Kolosi 2:8

Omu ke lio talamiu noꞌone mwaanie nga iini e haꞌatakaloꞌomu aana mo haꞌa-uusulinge eero-eero na mo loꞌongaꞌinge ni iinoni mola. Aana maꞌalana mo loꞌongaꞌinge mala ngeena ke rongo ni saenanau oto uri taa, taꞌe kire kaꞌa uure ike mai mwaanie a Kraes, taꞌe mo ola mola aana nanamanga ni welumalau.

1 Timoti 5:8

Mala nga mwane e kaꞌa lio i sulie mo tekihana, liutaa oto mo iini aana uluhe ni iinoni ingeie, nge ko taateingeꞌinie hiiwalaimolinge ingeie ni ngeena, na leune e aaela loꞌu liutaa aana nga taa mo puꞌo kire ko esuie aana kire kaꞌa kele hiiwalaimoli ike aana a God.

2 Timoti 4:3

O ke asu urine, aena aana maholo kei lae ue mai nge mwala e saꞌa sare rongo ike hunie mo haꞌa-uusulinge toꞌohuu, na kire kei lae mola i sulie saeda maraada. Kire kei loꞌohi haꞌa-uusuli taꞌewau mola hunie uri kire ke sai rongoa haꞌa-uusulinge nge kire ko sasare rongoa.

Taetas 1:11

Oto o ke uure honosie mo haꞌa-uusuli eero-eero urine mwaanie kire waelie hiiwalaimolinge ngaeta mo iini na mo uluhe ni iinoni ikire. Kire ko lae peꞌi haꞌa-uusulie mwala mola aana mo haꞌa-uusulinge tataꞌala ikire mola hunie kire ke toꞌo-toꞌo.

Taetas 3:10

Mala nga iini ko da oopanga hunie mwala, nge o ke haꞌa-oodohie mola. Taꞌe mala uri o ko haꞌa-oodohie oto haꞌarue na e kaꞌa sare rongo huniꞌo, nge o ke aatopuri mola aana.

Hibru 10:29

?Aana e aaela urine hunie iini ko mwaka mola aana Haꞌatolanga a Mosis, haꞌalaa nga taa nge kei reu aana nga iini nge ko mwaka aana Kalena God? !Mei haꞌaloinge oto paine loꞌu liutaa kei hite aana iinoni urine! Kire ko ere aaelasie a Kraes, iini nge ko haꞌawalaimoliꞌaa haiholotaꞌinge a God, na e haꞌamaaꞌie oto iinoni ngeena hunie ke neꞌi iinoni maaꞌi a God. Taꞌe iinoni ngeena mola e loꞌongaꞌinie uri apune a Kraes mei ola mwaakule mola, na ko ere aaelasie noꞌone a Liꞌoa Maaꞌi, iini nge e haataꞌinie hahuꞌana manata-diananga a God hunikie.

1 Pita 1:8

Nou saie taane uri omu kaꞌa leesie ike a Kraes, taꞌe omu tohungei manata diana mola hunie. Na maꞌalana omu kaꞌa sai leesie ue aana maholo ienini, taꞌe omu ko lae peꞌi hiiwalaimoli mola aana peꞌi ilenimwaꞌenga paine oto liutaa. Ilenimwaꞌenga iꞌomu e lae oto i peine liutaa na e manikuluꞌe, na hule aana nga mo wala kire kaꞌa adona ike haataꞌinilana ilenimwaꞌenga paine iꞌomu ngeena.

2 Pita 2:3

Na aena aana mo haꞌa-uusuli eero-eero ngeena kire ko heri hunie mone mola toꞌoha, oto kire kei da taꞌena nga haꞌa-uusulinge eero-eero mola huni weꞌinie mola mo toꞌoha iꞌomu. Taꞌe a God e kaꞌa sai maꞌahu ike, oto e leesie mola mo tolahai ola aaela ikire, na kei haro haꞌaloire taane. E pwani leie oto mo tolahai ola urine, na leilada e iiꞌo aakau oto loosire uure mai waite.

1 Jon 2:26

No ko uusue mo wala ienini huniꞌomu huni haꞌapasuliꞌomu mwaanie mo iini nge kire ko sare haꞌatakaloꞌomu.

1 Jon 4:1

Maeni malahuku, omu ke suꞌuri hiiwalaimoli aana ahutana mo propet nge kire ko unue uri kire ko ere oolitana a God, aana mo propet eero-eero hunge kire ko lae hailiu i laona walumalau, na mo liꞌoa eero-eero mola nge aada. Oto omu ke holaꞌi oohongie kaꞌu mo propet ngeena, hunie omu ke lio saie uri kire uure taane aana God toꞌohuu wa haꞌike.

Jiud 1:18

Aana kire unue huniꞌomu uuri, “Aana mo dinge ooreta, mwala kei haꞌamwasi mola aana walu ola maaꞌi, na hiiwalaimolinge ikire kei lae takalo mola i sulie mo neꞌisaenga aaela ikire maraada.”

Jiud 1:4

No ko ere urine, aena aana ngaeta mwala aaela kire ko sili mumuni mola mai i matolamiu. Mwala ngeena kire sereꞌi deu i sulie walana a God, oto kire oolisie mei wala i sulie manata-diananga ingeie hunikie. Kire ko unue uri aena aana a God e tohungei manata diana hunikie, nge e saꞌa haꞌaloikie ike na kie sai deu taꞌewau mola mala saeka. Oto urine kire ko heitohea taꞌa-taꞌa Poro Paine na Aalaha ikie, a Jisas Kraes. Mo propet kire uusu-uusu i sulie mwala ngeena oto mai waite, na kire unue uri leilada kei lae.

Haataꞌinge 13:14

A God e toliꞌaasie hunie ke asuie mo huꞌi-huꞌite aana maholo e iiꞌo peꞌie ola loo-looꞌa holaꞌinaꞌo ngeena, na aena aana mo huꞌi-huꞌite ngeena, nge e haꞌapweue ahutana mwala ni welumalau. Ruana nga ola loo-looꞌa ngeena e unue uri mwala ke asuie nga nunui ola huni haꞌapainaꞌaa iini holaꞌinaꞌo, iini nge e malakaꞌa kaꞌu taꞌe e kaꞌa maesie ike.

Haataꞌinge 2:13

“Nou saie taane uri omu iiꞌo aana leu nge naunekume a Pwelu Eero-eero e iiꞌo aana, taꞌe maꞌalana e urine omu hele paipesi toꞌohuu aana sataku. I Pegamam nge leu kire horo maesie a Antipas aana, iini e tohungei sai houleꞌinieu. Taꞌe maꞌalana aana maholo aaela urine, na omu kaꞌa toliꞌaasie ike hiiwalaimolinge iꞌomu eeku i matolana mwala aana hanue a Pwelu Eero-eero ngeena.

Haataꞌinge 2:9

“Nou saie taane mo aasanga iꞌomu na uri omu meitale. Taꞌe omu tohungei toꞌo-toꞌo taane aana hiiwalaimolinge. Nou saie taane mwala ko ere aaelasiꞌomu aana kire unue uri ikire oto mo iini a God e saetoꞌo aada. Taꞌe haꞌike. Ikire, kire ko haꞌapainaꞌaa mola a Satan ni ngeena.

Haataꞌinge 3:8

“Nou saie taane nga taa omu esuie na nou saie taane mola uri maꞌalana iꞌomu nga mo mwane paine haꞌike, taꞌe omu hele i sulie mo haꞌa-uusulinge ineu, na omu kaꞌa taateingeꞌinieu. Aena urine nou tahanie oto maa talamiu nge nga iini e saꞌa honoa ike loꞌu.

Haataꞌinge 5:9

na kire suluꞌie kana haalu nana a Kalei Sipu uuri, “Iꞌoe nge o adona o ke toolea uusu-uusu hio-hio na o ke taꞌaasie mo hui edi aana, aena aana horoꞌilemu e lae kaꞌu oto, na aana apumu o toolea mai mo iinoni takoie a God mwaanie taꞌena nga komu na taꞌena nga erenga na taꞌena nga aapoloa na taꞌena nga mala-malau.

Haataꞌinge 6:10

Oto mo maurihaꞌai ola ngeena kire ko soi aana mei wala paine uuri, “Hahuꞌana Aalaha iꞌemi, iꞌoe o maaꞌi na o toꞌohuu. ?Maholo uri taa nge o ke si leie mo iinoni hai aano na o kei suꞌue mei epu iꞌemi?”