2 Pita 1:7 - Tataroha Diana

⁷ na omu ke sapeie loꞌu manata-diananga hunie mo eesimiu aana hiiwalaimolinge, na omu ke heꞌi sapeie loꞌu noꞌone manata-diananga hunie ahutana mo iinoni.

2 Pita 1:7 ပူးပေါင်းရင်းမြစ်များ

Uusu-uusu A Pol Hurula'aa Hunie Mo Rom 12:10

Omu ke manata diana huniꞌomu heiliu oto mala mo mwaasine, na omu ke haꞌamaꞌu eemiu heiliu liutaa aana o haꞌamaꞌu eemu maraamu.

Kalesia 6:10

Aena urine, maholo kie ko leesie uri e malisine kie ke peꞌie nga iini, nge kie ke peꞌie oto. Na peꞌinge ikie ke lae oto liutaa hunie mo iini kie mani hiiwalaimoli aana Kraes.

Kolosi 3:14

Oto loꞌu sapeitana mo iinine, omu ke manata diana huniꞌomu heiliu. Aana manata-diananga oto mola nge e tohungei sai hele lokoꞌomu hunie iiꞌo-rurunge i sulie mo tala ngeena.

1 Tesalonaeka 3:12

Saemeelu uri a Aalaha ke da manata-diananga iꞌomu ngeena ke aꞌailaꞌa huniꞌomu heiliu na hunie taꞌena nga iinoni loꞌu, mala manata-diananga iꞌemeelu huniꞌomu e paine loꞌu liutaa.

1 Tesalonaeka 5:15

Omu ke lio talamiu mwaanie nga iini e heꞌi suꞌue loꞌu tataꞌalanga hunie nga iini. !Haꞌike! Taꞌe omu ke diana mola huniꞌomu heiliu taraureꞌi na noꞌone hunie ahutana mwala.

Hibru 13:1

Omu ke mana-manata diana huniꞌomu heiliu oto mala iꞌomu mo mwaasine toꞌohuu i lalo aana a Kraes.

1 Pita 1:22

Oto i tehulaꞌana omu tola i sulie mo wala toꞌohuu aana Tataroha Diana ngeena, omu da oto maurihaꞌamiu e rereꞌa mwaanie oorahaꞌaa eena, na omu sai manata diana oto hunie mo eesimiu maaꞌi. Aena urine, omu ke mana-manata diana oto huniꞌomu heiliu aana ahutana saemiu.

1 Pita 2:17

Na omu ke haꞌamaꞌu aana taꞌena nga iinoni, na oto liutaa omu ke mana-manata diana hunie mo eesimiu maaꞌi. Iau, mala nou unue kaꞌu, omu ke haꞌamaꞌu aana inemauri peine ni Rom, taꞌe omu ke haꞌamaꞌu aana a God oto liutaa.

1 Pita 3:8

Leu ooreta no ko unue mola uri omu ke mani toꞌo aana mola taꞌa-taꞌa mei sae, na omu ke aama-aamasiꞌomu heiliu. Omu ke mana-manata diana huniꞌomu heiliu mala mo mwaasine. Omu ke sae-saediana huniꞌomu heiliu, na omu ke haꞌamwai-mweiꞌaꞌomu maraamiu.

1 Jon 3:14

Kie manataꞌinie oto uri kie tahisie nanamanga aana maenga na uri kie toꞌo aana oto maurihe. Kie manataꞌinie leune aena aana kie manata diana hunie mo eesike. Taꞌe iini nge manata-diananga haꞌike aana, iini urine e iiꞌo susu ue i mamalutana maenga.

1 Jon 3:16

Na kie ko si lio saie tohungana manata-diananga aena aana a Kraes e toliꞌaasie mangona i tehulaꞌaka. Oto ikie noꞌone kie ke mwaꞌe-mwaꞌe ni mae huni peꞌie mo eesike.

1 Jon 4:21

Na a Kraes e niie haꞌatolanga hunikie uuri, “A tei ko manata diana hunie a God, ke manata diana noꞌone hunie aasine.”