2 Pita 1:4 - Tataroha Diana

⁴ Oto aena urine, e niie oto mo tohungei niinge paine e lae oto i diana nge e haiholotaꞌiniꞌi hunikie. Na aena aana mo olana mone, kie ko si toꞌo aana nanamanga huni tehisie taꞌena nga tolahai ola aaela aana walumalau, na kie sai lado oto peꞌie a God hunie kie ke toꞌo aana maurihe diana peꞌie.

2 Pita 1:4 ပူးပေါင်းရင်းမြစ်များ

Uusu-uusu A Pol Hurula'aa Hunie Mo Rom 9:4

Ikire oto mwala a God e lio hilisire kaꞌu, na e toolera oto mala mo kalena, na ikire noꞌone kire leesie oto manikuluhaꞌana. A God e neꞌisae mouteꞌi oto peꞌire aana mo heiholotaꞌinge, na e niie mo Haꞌatolanga a Mosis oto hunire, na e haiholotaꞌinie mo niinge diana hunire, na e haꞌa-uusulire aana tolaha ni palonga.

2 Korinit 1:20

aana a Jisas oto ko haꞌa-oaie ahutana mo heiholotaꞌinge a God hunikie mo iinoni. Oto loꞌu mola i tehulaꞌana a Kraes, ikie noꞌone kie sai haꞌamanikuluꞌaa God uuri, “Iau, ke urine oto mala o ko unuena.”

2 Korinit 3:18

Oto ahutaka mo iini kie lado peꞌie a Kraes, a God e taꞌaasie oto mei sala ngeena mwaanie maaka hunie kie ke haataꞌinie manikuluhaꞌana Aalaha mala iiro-iiro ko wana-wana i laona sato. Na oto tarau Liꞌoa Maaꞌi a Aalaha ko esu i lalo aaka huni oolisikie hunie kie ke urihana oto ingeie maraana, na kie ke haataꞌinie manikuluhaꞌana oto liutaa.

2 Korinit 6:17

Aena urinena a Aalaha e unue noꞌone uuri, Omu ke toliꞌaasie mo puꞌo, na omu ke iiꞌo aaopa oto mwaanire. Omu ke suꞌuri hele i sulie loꞌu nga mei ola e madaꞌa, aana omu kei iiꞌo oodotaꞌi urine nge ne kei ilenimwaꞌe peꞌiꞌomu. Aesaea 52:11

Kalesia 3:16

Na aapa hatarie hiiwalaimolinge e urine noꞌone, aana a God e unue mo heiholotaꞌinge ngeena hunie a Ebraham peꞌie a weuwana.Jenesis 13:15 Oto, omu ke loꞌo-loꞌongaꞌi kohi i sulie leune aena aana Uusu-uusu Maaꞌi e kaꞌa unue ike “peꞌie mo weuwana” hunie ke rongo mala mo iini hunge aana mo iini kire uure mwaanie komu a Ebraham, taꞌe e unue mola “peꞌie a weuwana.” Oto e rongo mala ko ere liutaa mola i sulie e taꞌa-taꞌa iinoni, na iinine oto a Kraes.

Kalesia 6:8

Mala uri iinoni ko hesie mola mo loꞌongaꞌinge aaela ingeie, nge kei soꞌokonie oto tolaha ni maenga. Taꞌe mala uri ko hesie tolaha ni Liꞌoa, nge kei soꞌokonie oto maurihe huu.

Epesas 4:13

Aana saena hunie kie ke neꞌie taꞌa-taꞌa iinoni aena aana kie mani hiiwalaimoli aana Kalena God, na kie mani sai diana aana. Na hunie kie ke neꞌi rato aana tolahana Kraes, na hunie kie ke haꞌa-ahue taꞌena nga tolaha nge kire kaꞌa sada ue i sulie tolahana.

Kolosi 3:10

na omu toolea oto loꞌu maurihe haalu. Na a Haꞌahola ko haꞌa-haꞌa-haaluꞌomu aani saenanaunge i sulie maraana, hunie nunune ke pai-peine i laona manatamiu.

Hibru 12:10

Mo aamaka mai welumalau ngeena, kire ko haꞌa-haꞌaloikie i sulie saeda hunie kele maholo mola oꞌoruꞌe. Taꞌe a God ko haꞌaloikie aani peꞌilaka oto toꞌohuu, hunie kie ke iiꞌo maaꞌi oto mala ingeie.

Hibru 9:15

A Kraes e mae honotana mo oorahaꞌaanga nge mwala e dau-deuꞌi aana maholo kire iiꞌo ue i melutana haiholotaꞌinge holaꞌinaꞌo ngeena. Na aana maenga, nge a Kraes e haꞌawalaimoliꞌaa haiholotaꞌinge haalu a God ngeena, uri hunie mwala nge a God e soire oto mai i saana, kire ke helesie nga taa e haiholotaꞌinie hunire. Na mei olana oto maurihe huu taꞌau i Lengi.

Jemes 1:27

Taꞌe asunge toꞌohuu aana soihaadaꞌinge nge a God Aamaka e saetoꞌo aana oto uri huni peꞌie mo reiꞌinge, na mo nao nge kire maitale, na huni kinetaꞌiniꞌo maraamu mwaanie tataꞌalanga aana walumalau.

2 Pita 1:1

Saediananga mwaanieu a Saemon Pita, koni-konihe na hurulaꞌaa a Jisas Kraes, huniꞌomu mo iini nge omu hiiwalaimoli noꞌone aana a Jisas Kraes mala iꞌemeelu. Ingeie oto a God na a Haꞌa-uuritaka, na aena aana e tohungei oodotaꞌi na ko sare dau diana mola hunie ahutaka, nge hiiwalaimolinge e niie mai huniꞌomu ngeena e sada mola peꞌie hiiwalaimolinge iꞌemeelu mo hurulaꞌaa.

2 Pita 3:13

Taꞌe a God e haiholotaꞌi oto hunikie uri kei esuie loꞌu aano huu haalu peꞌie salo haalu naka, na aana walumalau haalu ngeena, taꞌe ikie mo iinoni oodotaꞌi haꞌalaa kie kei iiꞌo i leune.

2 Pita 3:9

Ngaeta mwala kire ko loꞌo-loꞌongaꞌinie uri Aalaha ikie ko tohungei haꞌahiru huni haꞌa-oaie mo heiholotaꞌinge ingeie i sulie oolinge mai ingeie. Taꞌe kire kaꞌa lio saie ike loꞌongaꞌinge ingeie, aana a God ko maaꞌoohi mola hunie mwala kire ke oonisae na kire ke aaliꞌu loꞌu i saana mwaanie kire aiꞌaa aana leilada kei lae.

1 Jon 2:25

Aana a Kale e haiholotaꞌi huni niie maurihe huu hunikie.

1 Jon 3:2

Iau maeni malahuku, kie neꞌi mwela oto a God, na kie kaꞌa saie ue uri a God kei oolisikie loꞌu uri taa taꞌau i Lengi. Taꞌe kie saie taane oto uri maholo a Kraes kei ooli loꞌu mei, kie kei hei-oolisi mala ingeie, aana kie kei leesie tohungana manikuluhaꞌana.