Ahutaka, kie mani toꞌo aana mo taungei niinge hai aaopaꞌi nge a God e niiꞌi hunikie i tehulaꞌana hahuꞌana manata-diananga ingeie hunikie. Oto kie ke mani esu aana mo niinge ngeena huni peꞌikie hailiu. Mala uri niinge a God ko lae oto huniꞌo hunie o ke tarohaꞌinie walana mala mo propet, nge o ke tarohaꞌinie oto ahutana mo wala nge o hiiwalaimoli uri a God e niiꞌi huniꞌo toꞌohuu.
2 Pita 1:20 - Tataroha Diana20 Na e tohungei roroꞌa oto liutaa hunie omu ke lio saie uri nga taꞌa-taꞌa mei wala nge mo propet kire uusue i laona Uusu-uusu Maaꞌi, e kaꞌa uusue ike i sulie nga mei neꞌisaenga ingeie mola maraana. အခန်းကိုကြည့်ပါ။ |
2 Pita 1:20
7 ပူးပေါင်းရင်းမြစ်များ
Oto no ko unue huniꞌomu uri omu ke asuie walu ola ienini, aana omu saie oto mo maholo uri taa ni ie. Kie hiiwalaimoli aana a Jisas e tewa oto, na e karaꞌinie oto maholo nge a God kei lae mai huni haꞌa-uurikie. Oto omu ke dau aakau hunie laenga mai a Kraes, na mwaanie omu iiꞌo mola mala mo iini kire ko maꞌa-maꞌahu ue.
Na kie saie taane noꞌone uri mo Haꞌatolanga ngeena kire kaꞌa iiꞌo ike huni haꞌa-oodohie mwala diana, taꞌe huni haꞌa-oodohie mo iini nge kire ko deu aaelasie mo Haꞌatolanga na kire ko deu roroꞌanga mola tarau. Haꞌatolanga oto ola huni haꞌa-oodohie mo iini nge kire sereꞌinie a God na kire iiꞌo mola peꞌie oorahaꞌaanga na kire ko ere mwakataꞌinie mola a God na taꞌena nga ola maaꞌi. Na Haꞌatolanga ola noꞌone huni haꞌa-oodohie mo iini ko horoꞌie mo aamada na mo nikada na taꞌena nga iinoni loꞌu.
Taꞌe-taꞌena nga ola i laona mo Uusu-uusu Maaꞌi, walana God ni ngeena. Na ingeie ni e unue hunie mwala ke uusu-uusu oto i sulie loꞌongaꞌinge ingeie maraana. Oto Uusu-uusu Maaꞌi e tohungei diana huni haꞌananaukie, na huni haataꞌinie mo oorahaꞌaanga ikie aaka, na huni haꞌa-oodohie tolahaka, na huni haꞌa-uusulikie aana mau-meuringe nge e oodo i maana God.
ကြော်ငြာတွေ