2 Korinit 9:7 - Tataroha Diana

⁷ Oto nga iini na e nii-nii oto i sulie saena, na mwaanie e nii mola aana kire ko deu rarahie, na ingeie e lalawa huni nii. Taꞌe ke nii oto aani mwaꞌe-mwaꞌenga, aana a God e manata diana hunie iini ko nii aani ilenimwaꞌenga.

2 Korinit 9:7 ပူးပေါင်းရင်းမြစ်များ

Palonga 20:35

Aana ahutana asunge ineu, nou haataꞌinie oto huniꞌomu uri kolu ke asu aꞌailaꞌa tarau hunie kolu ke peꞌie mo iini nge kire mamaelaꞌa. Na kolu ke aamasitoꞌo aana mei wala a Jisas Aalaha ikie aana e teꞌuri, ‘Iini nge ko nii-nii, haꞌadianaꞌalana kei peine loꞌu liutaa aana mo iini ko hele aana mo niinge.’ ”

Uusu-uusu A Pol Hurula'aa Hunie Mo Rom 12:8

Mala uri niinge a God ko lae oto huniꞌo huni ere haꞌasusue saena mwala, nge o ke asu diana oto urine. Na mala uri niinge a God ko lae oto huniꞌo huni peꞌie mwala aani niilana mo ola hunire, nge o ke nii mwaakule oto hiitoꞌo hunire. Na mala uri niinge a God ko lae oto huniꞌo huni naꞌona mwala, nge o ke asu peꞌi lio i sulinge waaꞌiniꞌini oto toꞌohuu. Na mala uri niinge a God ko lae oto huniꞌo huni hei-hei-aamasi, nge o ke aama-aamasie mwala oto peꞌie ilenimwaꞌenga.

2 Korinit 8:12

Mala uri omu ko mwaꞌe-mwaꞌe toꞌohuu huni niie nga mei ola, nge a God kei tohungei ilenimwaꞌe haahie leune. Na mwaanie omu tolahiꞌe mala uri niinge e kaꞌa paine ike, aana e kaꞌa unue ike uri kie ke niie mo ola kie kaꞌa toꞌo aani ike.

Pilimon 1:14

Taꞌe nou kaꞌa sare da ike leune na nou kaꞌa holaꞌi ere peꞌiꞌo, mwaanie uri o saꞌa ilenimwaꞌe ike haahie. Aana nou kaꞌa sare dau rarahiꞌo ike huni esuie mei ola diana urine, taꞌe saeku hunie iꞌoe mola maraamu o ke neꞌisae ni esuie.

Jemes 5:9

Omu ke suꞌuri upwesiꞌomu heiliu, maeni eesiku, mwaanie a God e leiꞌomu. Na leinge e karaꞌinie oto kei lae mai.

1 Pita 4:9

Na mala uri nga iini e hiiwalaimoli ko saetoꞌo aana nga mei ngeulaa wa nga leu ni iiꞌo, nge omu ke tolakonie aana mo nume iꞌomu peꞌi ilenimwaꞌenga.