2 Korinit 9:10 - Tataroha Diana

¹⁰ A God oto iini e sai da mo litei ola kie ko hesiꞌi ke aahu diana hunie maholo ni soꞌokoninge kie ke toꞌo ngaulaa huni ngeuꞌi, na kie ke toꞌo aana mo litei ola loꞌu huni hesiꞌi. Oto urine, maholo omu ko nii peꞌi saediananga, nge a God ke si haꞌahungeꞌaa nga taa omu toꞌo aana, hunie uri omu sai nii oto loꞌu liutaa hunie kira maitale.

2 Korinit 9:10 ပူးပေါင်းရင်းမြစ်များ

Matiu 6:1

Oto a Jisas ko heꞌi teꞌuri loꞌu, “Omu ke lio talamiu, mwaanie omu deu-deu haadaꞌi aana nga moi taa diana aana oodo-oodonga iꞌomu i maana mwala uri hunie kire ke leesiꞌi mola. Aena aana omu kei teꞌurine, omu saꞌa roroꞌa hele aana ike nga waaite mwaanie Aamamiu i Lengi.

2 Korinit 9:12

Aana mei esunge diana nge omu ko esuie ngeena e kaꞌa lae ike mola huni haꞌa-adoa mo iinoni a God aana mo ola kire maitale aani, taꞌe kei da noꞌone uri mo iini hunge kei paalahea God.

2 Korinit 9:6

Omu ke sai diana aana uri nga iini nge ko hesie mola tootaꞌi kele litei ola, kei soꞌokonie noꞌone mola tootaꞌi kele hue-huei ola mwaaniꞌi. Na nga iini ko hesie mo litei ola hunge nge kei soꞌokonie mo hue-huei ola hunge noꞌone mwaaniꞌi.

Kalesia 3:5

?Uri a God e niie Liꞌoa huniꞌomu na ko esuie mo huꞌi-huꞌite i matolamiu aena aana omu tola i sulie mo Haꞌatolanga a Mosis, wa aena aana omu rongoa Tataroha Diana na omu hiiwalaimoli aana?

Epesas 5:9

aena aana tolahana raa-raa nge e sai da taꞌena nga ola ke lae diana, na ke oodo, na ke toꞌohuu.

Pilipae 1:11

Oto omu ke si honu aana hue-huana oodotaꞌinge nge a Jisas Kraes maraana haꞌalaa ko niie, aani esuilana mo ola diana hunie mwala ke haꞌamanikuluꞌaa God peꞌi paalahelana haahiꞌi.

Pilipae 4:17

Nou kaꞌa unue ike leune mola uri hunie omu ke nii huni peꞌieu tarau, taꞌe saeku mola uri waaite nge a God kei niie huniꞌomu ke paine.

1 Tesalonaeka 3:12

Saemeelu uri a Aalaha ke da manata-diananga iꞌomu ngeena ke aꞌailaꞌa huniꞌomu heiliu na hunie taꞌena nga iinoni loꞌu, mala manata-diananga iꞌemeelu huniꞌomu e paine loꞌu liutaa.

1 Tesalonaeka 4:10

Na e toꞌohuu oto, aana omu manata diana kaꞌu oto hunie mo iini kire hiiwalaimoli nge kire iiꞌo tatangasie mo henue wau i laona poꞌo ni henue i Masedonia. Oto melu ko ere haꞌasusuꞌomu loꞌu maeni eesiku maaꞌi, uri hunie omu ke lio susulie tolahai ola ngeena loꞌu liutaa.