2 Korinit 8:8 - Tataroha Diana

⁸ Maholo no ko ere urine, nou kaꞌa neꞌie ike nga haꞌatolanga huniꞌomu. Taꞌe no ko ere urine mola aana nou leesie uri ngaeta mo soihaadaꞌinge kire ko tohungei mwaꞌe-mwaꞌe huni peꞌi-peꞌi, na mala uri omu ke peꞌi-peꞌi noꞌone urine, nge e haataꞌinie uri manata-diananga iꞌomu nga ola toꞌohuu taane.

2 Korinit 8:8 ပူးပေါင်းရင်းမြစ်များ

Uusu-uusu A Pol Hurula'aa Hunie Mo Rom 12:9

Mwaanie omu lupweꞌi deu-deu aani manata-diananga, taꞌe omu ke manata diana toꞌohuu. Omu ke leledie aaelanga, na omu ke hele maꞌutaꞌa aana nga taa e diana.

1 Korinit 7:12

Oto huniꞌomu loꞌu mo iini nge omu haꞌaruru peꞌie iini i sinaha aana soihaadaꞌinge, a Aalaha e kaꞌa unue ike nga mei ola i sulie taungei haꞌarurunge iꞌomu ngeena. Oto ineu maraaku no ko unue huniꞌomu uuri. Mala nga mwane nge e hiiwalaimoli aana a Kraes ko toꞌo aana nga keni ni puꞌo, na a huꞌena e ilenimwaꞌe ni iiꞌo ruru mola peꞌie, a poro ngeena ke suꞌuri sikaa.

1 Korinit 7:25

Hoe. Omu dolosi noꞌone i sulie mo mwane na mo keni nge kire iiꞌo pupupu. A Aalaha e kaꞌa niie ike nga mei haꞌatolanga i sulire, taꞌe ne kei unue mola neꞌisaenga ineu maraaku. Na aena aana a Aalaha e aamasieu na e manata diana hunieu, oto e neꞌieu hunie nga iini nge omu sai norutoꞌo aana.

1 Korinit 7:6

Omu ke saie a God e kaꞌa unue ike omu ke mamalo haꞌawali mwaanie maꞌahunge tararuru huni aarea. !Haꞌike! Taꞌe neꞌisaenga diana ineu mola ni ngeena, mala saemiu huni lulu i sulie.

2 Korinit 6:6

Na melu haataꞌinie loꞌu uri iꞌemeelu mo koni-konihe a God aana iiꞌonga rereꞌa iꞌemeelu, na aana saenanaunge iꞌemeelu, na aana toli-rakonga iꞌemeelu, na aana saediananga iꞌemeelu hunie ahutana iinoni, na aana nanamanga a Liꞌoa Maaꞌi, na aana melu manata diana toꞌohuu hunie ahutana iinoni.

2 Korinit 8:10

Oto loꞌongaꞌinge ineu uri e lae oto i diana hunie omu ke haꞌamangoa oto nga taa nge omu aehotaa aana halisi e mango haona. Aana iꞌomu oto eetana nga mwala huni loꞌongaꞌinie leune, na iꞌomu oto noꞌone nge omu holaꞌi aehotaa niinge.

2 Korinit 8:24

Oto aena urinena, omu ke tohungei haataꞌinie oto manata-diananga iꞌomu aana e oolu mwane ngeena, hunie mo soihaadaꞌinge mai leu kire ke rongoa oto tolahamiu, na hunie kire ke saie oto uri e tohungei melisine oto melu ke toohaꞌiniꞌomu mala melu ko esuie ienini.

2 Korinit 9:2

Nou saie oto uri omu mwaꞌe-mwaꞌe huni peꞌire, oto nou lae peꞌi ere laheꞌomu i saana mwala mai aana poꞌo ni henue i Masedonia uuri, “Kira hiiwalaimoli hao i Korinit i laona poꞌo ni henue i Akaea, na oto ahutana kira hiiwalaimoli aana poꞌo ni henue ngeena, kire aehota dau aakau oto huni peꞌi aana halisi e mango haona.” Na mwaꞌe-mwaꞌenga iꞌomu e taꞌelaꞌinie saena mo iini hunge mai leu i Masedonia, oto kire ko meni sare nii oto noꞌone.

2 Korinit 9:7

Oto nga iini na e nii-nii oto i sulie saena, na mwaanie e nii mola aana kire ko deu rarahie, na ingeie e lalawa huni nii. Taꞌe ke nii oto aani mwaꞌe-mwaꞌenga, aana a God e manata diana hunie iini ko nii aani ilenimwaꞌenga.

Epesas 4:15

Taꞌe ikie, aana kie manata diana hunie mwala, kie ke ere mola aana walaimolinge. Urine kie ke paine mola peꞌie taꞌe-taꞌena nga tolaha diana, na kie ke lado toꞌohuu peꞌie a Kraes. Ingeie oto pwauke nge kie mani lado aana,

Epesas 6:24

Na no ko eitanaie a God noꞌone uri ke haataꞌinie hahuꞌana manata-diananga ingeie huniꞌomu, mo iini nge manata-diananga iꞌomu hunie Aalaha ikie a Jisas Kraes e kaꞌa sai mou-mou ike aana taꞌena nga maholo.

Hibru 10:24

Kie ke lae peꞌi loꞌo-loꞌongaꞌi i sulie nga mo tala uri taa kie sai haꞌa-aꞌailaꞌaa neꞌisaenga ikie hailiu eeni hunie kie ke mani haataꞌinie oto manata-diananga aani esunge diana.

1 Pita 1:22

Oto i tehulaꞌana omu tola i sulie mo wala toꞌohuu aana Tataroha Diana ngeena, omu da oto maurihaꞌamiu e rereꞌa mwaanie oorahaꞌaa eena, na omu sai manata diana oto hunie mo eesimiu maaꞌi. Aena urine, omu ke mana-manata diana oto huniꞌomu heiliu aana ahutana saemiu.