2 Korinit 8:3 - Tataroha Diana

³ Ineu maraaku nou sai ere haꞌawalaimoliꞌaa uri kire kaꞌa nii ike mola hule aana leu e malisine kire ke niie, taꞌe kire tohungei liue oto leune, aana niinge ikire e paine loꞌu liutaa aana nga taa taꞌena nga iini ke loꞌongaꞌinie kire sai niie. Na kire asuie oto urine mola i sulie hari-huninge ikire maraada.

2 Korinit 8:3 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Mak E Uusue 14:8

A keni ngeena e asuie tohungei mei ola diana hunieu, aana e huie rumu wau-wesu haahie sapeku oto lalai loosie maholo kire kei heitolingeꞌinieu ni ngeena.

Palonga 11:29

Oto ahutana kira hiiwalaimoli kire si meni neꞌisae tararuru huni peꞌie soihaadaꞌinge aana poꞌo ni henue i Jiudia i sulie e nite nga iini aada e sai uusungeꞌinie.

Uusu-uusu A Pol Hurula'aa Hunie Mo Rom 10:2

Nou saie uri ikire mo Jiu ko eriꞌapasie toꞌohuu huni lulu i sulie a God, taꞌe kire kaꞌa hahuꞌei saie ike tohungei tala.

1 Korinit 16:2

Ahutana mo Dinge Maaꞌi, omu ke mani niie niinge ngeena, nga iini na e nii-nii mola i sulie tari-olanga ingeie, na omu ke mani loo-loohaꞌinie mola i suli maholo, mwaanie omu loꞌo-loꞌohie loꞌu nga mo niinge aana maholo ne kei lae mai seemiu.

1 Korinit 9:17

Na mala uri ineu maraaku ne ke lio hilisie mei esunge ienini, haꞌalaa waaiteku kei lae oto hunieu. Taꞌe aena aana nou kaꞌa lio hilisie ike, nge no ko esuie mola nga taa a God e dau rarahieu hunie.

Kalesia 4:15

Aana maholona, omu ko ile-ilenimwaꞌe mola ni esuie taꞌena nga mei ola hunieu, hule aana omu ko karaꞌi aakanie mola maamiu hunie omu ke niiꞌi hunieu mala uri ke peꞌieu. ?Taꞌe nga taa nge e rau aana ilenimwaꞌenga i matolakaelu ngeena?

Pilipae 2:13

Aena aana a God ni ko esu i lalo aamiu urine, huni haꞌamwaꞌe-mwaꞌeꞌomu, na hunie omu ke sai tola i sulie tolahana maraana.

Kolosi 4:13

Nou lio saie oto uri ko esu oto hiitoꞌo urine huni peꞌiꞌomu na huni peꞌie mwala aana mo huilume karaꞌiniꞌomu i Leodisia na i Hierapolis.

1 Tesalonaeka 2:8

Na aena aana melu tohungei manata diana huniꞌomu, melu ko ilenimwaꞌe mola huni peꞌiꞌomu, kaꞌa ike mola aani unulana Tataroha Diana a God huniꞌomu, taꞌe noꞌone aani toliꞌaasilana maurihaꞌameelu i tehulaꞌamiu.

Pilimon 1:14

Taꞌe nou kaꞌa sare da ike leune na nou kaꞌa holaꞌi ere peꞌiꞌo, mwaanie uri o saꞌa ilenimwaꞌe ike haahie. Aana nou kaꞌa sare dau rarahiꞌo ike huni esuie mei ola diana urine, taꞌe saeku hunie iꞌoe mola maraamu o ke neꞌisae ni esuie.

1 Pita 4:11

Taꞌena nga iini eemiu nge a God e niie oto nanamanga nana huni laeliwala, nge ke laeliwala oto mola i sulie mo wala nge a God e niiꞌi mei hunie. Na taꞌena nga iini eemiu nge a God e niie nanamanga huni peꞌie mwala, nge ke peꞌie mwala oto toꞌohuu aana nanamanga nge a God e niie hunie. Oto i tehulaꞌana mo esunge diana urine, mwala e sai paalahea God aana satana Jisas Kraes. Na ingeie oto e toꞌo aana ahutana manikuluꞌanga na sakanga oto di, oto di. Iau, ke urine oto.

1 Pita 5:2

Oto no ko sare haꞌananauꞌomu uri omu ke lio i suli diana aana mo iinoni nge a God e neꞌire i laona nimemiu huni lio i suli diana aada mala kakali sipu ko lio i sulie amaa ni sipu ingeie. Oto omu ke lio i suli diana aana soihaadaꞌinge a God oto aani mwaꞌe-mwaꞌenga mala e saetoꞌo aana omu ke asuie. E kaꞌa diana ike uri omu ke asu mola mala omu ko esu uei waaite. !Haꞌike! Omu ke asu oto aena aana omu tohungei mwaꞌe-mwaꞌe toꞌohuu huni peꞌire.