2 Korinit 8:23 - Tataroha Diana

²³ Omu saie mola uri a Taetas, ingeie a oaku ni ngeena na ko esu tararuru peꞌieu hunie peꞌilemiu. Na ngaeta ro aasikaelu nge kirerue ko lae-lae peꞌie, ikirerue oto e ro hurulaꞌaa mo soihaadaꞌinge ni ngeena, na asunge ikirerue ko haꞌamanikuluꞌaa satana Kraes.

2 Korinit 8:23 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 5:10

A Jemes na a Jon, e ro kalena Sebedi, e ro oana a Saemon na kirerue ko tohungei pangataꞌi noꞌone. Oto a Jisas ko teꞌuri hunie a Saemon, “Mwaanie o maꞌu-meꞌu. Uure siꞌiri pwau weu, o kei neꞌi iinoni wee-weesi oto hunie mo iinoni.”

Tataroha Diana I Sulie A Jisas Kraes Nge A Luk E Uusue 5:7

Oto kire soie mo oada aana ngaeta iiola huni lae mai peꞌire. Mo oada kire lae mai saada, kire ko si haꞌahonue ahutana e ro iiola aani iiꞌe, hule aana kire ko karaꞌi dodo oto.

Tataroha Diana I Sulie A Jisas Kraes Nge A Jon E Uusue 13:16

No ko unue toꞌohuu oto huniꞌomu uri nga koni-konihe e kaꞌa paine ike loꞌu liutaa aana Aalaha ingeie, wa hurulaꞌaa ke liutaa aana iini e uusungeꞌinie.

1 Korinit 11:7

Taꞌe e kaꞌa diana ike hunie mwane ke haꞌa-apaa iihune pwaune, aana mwane ingeie oto nunune a God na manikuluhaꞌana a God. Taꞌe huꞌe nge manikuluhaꞌana poro ingeie.

2 Korinit 12:18

Nou eitanaie a Taetas uri hunie ke lae hao i maatoliꞌomu, na nou uusungeꞌinie noꞌone hao peꞌie ngaeta aasikaelu aana hiiwalaimolinge. ?Haꞌalaa omu loꞌongaꞌinie uri kirerue a Taetas kire eeroꞌomu aana maholona? !Haꞌike oto ooꞌoo! Na ineu, nou peꞌiꞌomu mola mala ingeie, aana iꞌemereꞌi a Taetas mere mani toꞌo aana mola e taꞌa-taꞌa mei sae takoiꞌomu, na tolahamereꞌi e sada mola huniꞌomu.

2 Korinit 7:6

Taꞌe maꞌalana e urine, a God iini e sai peꞌie mo iini kire ko saehuu, e da hunie melu ke ilenimwaꞌe loꞌu maholo e uusungeꞌinie mai a Taetas i saameelu.

2 Korinit 8:16

Melu ko paalahea God oto liutaa haahie e niie mei neꞌisaenga ngeena hunie a Taetas huni peꞌilemiu oto mala iꞌemeelu noꞌone, melu ko peꞌiꞌomu.

2 Korinit 8:18

Na melu ko uusungeꞌinie ngaeta aasikaelu loꞌu oto noꞌone hao peꞌie a Taetas. Ahutana mwala aana ahutana mo soihaadaꞌinge hailiu kire haꞌamaꞌu aana aasikaelu ienini haahie asunge ingeie aani tarohaꞌinilana Tataroha Diana.

2 Korinit 8:19

Na loꞌu sapeitana leune, mo soihaadaꞌinge kire lio hilisie a porona huni lae peꞌiꞌemeelu aana melu ko toolea niinge ni saediananga ngeena hunire kira hiiwalaimoli i Jerusalem. Melu ko toolea niinge ngeena huni haꞌamanikuluꞌaa Aalaha ikie, na huni haataꞌinie uri kie neꞌisae mouteꞌi toꞌohuu huni peꞌie kira hiiwalaimoli.

2 Korinit 8:22

Na melu ko uusungeꞌinie ngaeta aasikaelu loꞌu noꞌone hao peꞌirerue. Aana mo maholo oto hunge oolune nga aasikaelu ienini e haataꞌinie huniꞌemeelu uri e mwaꞌe-mwaꞌe toꞌohuu huni peꞌi-peꞌi aana taꞌena nga ola. Na oto ienini ko si mwaꞌe-mwaꞌe loꞌu liutaa huni peꞌi, aena aana e norutoꞌo oto aamiu uri iꞌomu noꞌone omu ke nii-nii peꞌi saediananga.

2 Korinit 8:6

Oto aena aana a Taetas e da omu aehotaa tolahai niinge, nge melu eitanaie hunie ke ooli loꞌu i seemiu huni ere haꞌasusuꞌomu hunie omu ke haꞌamangoa mo niinge iꞌomu.

Pilipae 2:25

Na nou loꞌongaꞌinie oto uri e malisine ne ke holaꞌi uusungeꞌinie oto wau a oaku Epaprodaetas. Aana ingeie oto mwane aasikaelu nge omu uusungeꞌinie mai huni peꞌieu, na mere asu tararuru oto nana God mala e ro ramo i laona oohotaa.

Pilipae 4:3

Na iꞌoe a oaku toꞌohuu, nou saetoꞌo aana uri o ke peꞌie e ro keitaꞌaa ngeena. Aana kirerue tohungei peꞌi diana aaku huni tarohaꞌinie Tataroha Diana, peꞌie a Klemen na mo iini loꞌu weu nge iidumilana satada e lae oto i laona uusu-uusu ni meurihe huu.

Kolosi 1:7

Omu rongoa walu ola ngeena mwaanie a Epapras, iini melu tohungei manata diana hunie mala ngaeta koni-konihe a Kraes peꞌiꞌemeelu. Ingeie ngaeta mwane ni nou-norue na ko esu loko-loko peꞌiꞌemeelu tarau huniꞌomu.

1 Tesalonaeka 2:2

Omu saie taane uri i naꞌona melu lae mai seemiu i Tesalonaeka, mwala e tohungei teungeꞌiniꞌemeelu na kire ere aaelasiꞌemeelu oto hiitoꞌo wau i Pilipae. Taꞌe maꞌalana mwala hunge kire sare uure honosiꞌemeelu, a God ikie e peꞌi diana aameelu taane mola huni aatopuri aana maꞌunge na huni haꞌarongoꞌomu aana Tataroha Diana a God.

2 Timoti 4:10

A Dimas e toliꞌaasieu aana ko tohungei saetoꞌo aana mo ola aana walumalau ie, na e lae oto aana huilume i Tesalonaeka. A Kresens e lae huni esu nana God aana poꞌo ni henue i Kalesia, na a Taetas e lae urine noꞌone hunie poꞌo ni henue i Dalmesia.

Taetas 1:4

Oto no ko uusu-uusu weu huniꞌo, mwela maaꞌi ineu, na o saie oto uri o neꞌi tohungei kaleku toꞌohuu aana hiiwalaimolinge ikure e mani sada. No ko aarea a God Aamaka na a Jisas Kraes a Haꞌa-uuritaka uri hahuꞌana manata-diananga na hanuelamanga ke iiꞌo peꞌiꞌo.

Pilimon 1:17

Mala uri o ko manata diana toꞌohuu hunieu mala ineu nga malahumu diana, nge o ke tola konie noꞌone a Onesimas mala o sai tola konieu.

Pilimon 1:24

Na mo mwane loꞌu nge kire ko meni esu noꞌone peꞌieu, a Mak, na a Aristakas, na a Demas, na a Luk, kire ko meni niie noꞌone saediananga ikire huniꞌomu.

3 Jon 1:8

Oto ikie, mo iini kie ko hiiwalaimoli aana a Jisas, leu i sapeka oto hunie kie ke peꞌie mo mwane urine, uri hunie kie ke mani esu tararuru peꞌire, hunie mwala hunge ke manataꞌinie walaimolinge.