2 Korinit 8:18 - Tataroha Diana

¹⁸ Na melu ko uusungeꞌinie ngaeta aasikaelu loꞌu oto noꞌone hao peꞌie a Taetas. Ahutana mwala aana ahutana mo soihaadaꞌinge hailiu kire haꞌamaꞌu aana aasikaelu ienini haahie asunge ingeie aani tarohaꞌinilana Tataroha Diana.

2 Korinit 8:18 ပူးပေါင်းရင်းမြစ်များ

Uusu-uusu A Pol Hurula'aa Hunie Mo Rom 16:4

Na kirerue karaꞌi mae aana kirerue lauhieu. Oto no ko tohungei paalaherarue oto hiitoꞌo, na kaꞌa ike mola taꞌe ineu haliꞌite, taꞌe ahutana oto mo soihaadaꞌinge aana mo Aapoloa Aaopa noꞌone kire ko sare paalaherarue.

1 Korinit 16:3

Oto maholo no ko lae mai hule i seemiu, na ni omu lio hilisie nga mo mwane huni toolea niinge iꞌomu taꞌau hunie i Jerusalem. Ineu ne ke si uusungeꞌinire taꞌau peꞌie mei toꞌoha ngeena, na ne ke uusue nga uusu-uusu huni haataꞌinie uri ikire mo mwane diana.

1 Korinit 4:17

Aena leune mone no ko uusungeꞌinie wau a Timoti i seemiu. Ingeie domana oto a kaleku toꞌohuu na ko esu diana nana Aalaha paine ikie. Ingeie ke si haꞌananauꞌomu loꞌu aana mo haꞌatolanga nge nou lae peꞌi laeliwala aani i sulie mo soihaadaꞌinge aana taꞌena nga leu no ko lae-lae aana.

1 Korinit 7:17

Oto ahutaka, kie ke mani saie uri mei meuringe nge nga iini e toꞌo aana maholo a God e soie mai i saana, mei niinge a Aalaha ni ngeena. Oto aena urine omu ke suꞌuri sare toliꞌaasie loꞌu, taꞌe omu ke ilenimwaꞌe mola haahie. Na haꞌatolanga nge no ko lae peꞌi haꞌarongoa ahutana mo soihaadaꞌinge aana ni otona.

2 Korinit 12:18

Nou eitanaie a Taetas uri hunie ke lae hao i maatoliꞌomu, na nou uusungeꞌinie noꞌone hao peꞌie ngaeta aasikaelu aana hiiwalaimolinge. ?Haꞌalaa omu loꞌongaꞌinie uri kirerue a Taetas kire eeroꞌomu aana maholona? !Haꞌike oto ooꞌoo! Na ineu, nou peꞌiꞌomu mola mala ingeie, aana iꞌemereꞌi a Taetas mere mani toꞌo aana mola e taꞌa-taꞌa mei sae takoiꞌomu, na tolahamereꞌi e sada mola huniꞌomu.

2 Korinit 2:12

Maholo nou hule wau aana huilume i Troas huni laeliwala aana Tataroha Diana i sulie a Kraes, nou deu oodoie uri a Aalaha e tahanie oto maa talana asunge ngeena hunie ke lae diana i leune.

2 Korinit 8:19

Na loꞌu sapeitana leune, mo soihaadaꞌinge kire lio hilisie a porona huni lae peꞌiꞌemeelu aana melu ko toolea niinge ni saediananga ngeena hunire kira hiiwalaimoli i Jerusalem. Melu ko toolea niinge ngeena huni haꞌamanikuluꞌaa Aalaha ikie, na huni haataꞌinie uri kie neꞌisae mouteꞌi toꞌohuu huni peꞌie kira hiiwalaimoli.