2 Korinit 8:10 - Tataroha Diana

¹⁰ Oto loꞌongaꞌinge ineu uri e lae oto i diana hunie omu ke haꞌamangoa oto nga taa nge omu aehotaa aana halisi e mango haona. Aana iꞌomu oto eetana nga mwala huni loꞌongaꞌinie leune, na iꞌomu oto noꞌone nge omu holaꞌi aehotaa niinge.

2 Korinit 8:10 ပူးပေါင်းရင်းမြစ်များ

Matiu 10:42

Omu ke saie mola uri maꞌalana nga iini ko niie mola nga mei wei wawai ana nga taꞌa-taꞌa kele iini aana mo iini ko lulu i sulieu, aena aana uri ingeie pwaarongoisuli ineu, na kei hele waaite oto.”

Tataroha Diana I Sulie A Jisas Kraes Nge A Jon E Uusue 11:50

Omu kaꞌa lio saie ike uri e lae otoi diana hunie nga taꞌa-taꞌa iini ke mae mola honotana mwala mwaanie uri ahutana mwala ko meni mae.”

Tataroha Diana I Sulie A Jisas Kraes Nge A Jon E Uusue 16:7

Taꞌe no ko unue oto huniꞌomu, e lae otoi diana huniꞌomu uri ne ke lae oto. Aana mala uri nou kaꞌa lae oto, nge iini huni peꞌiꞌomu e saꞌa lae ike mai i seemiu. Taꞌe mala no ko lae oto ie, nge ne ke si uusungeꞌinie mai i seemiu.

Tataroha Diana I Sulie A Jisas Kraes Nge A Jon E Uusue 18:14

Na a Kaiapas oto iini e haꞌananaue mo naꞌohai mwane mo Jiu uri e lae otoi diana liutaa hunie nga taꞌa-taꞌa iinoni mola ke mae honotana ahutana mwala.

1 Korinit 10:23

Ngaeta mwala ko unu-unue uuri, “Nga mei ola e kaꞌa aapu ike hunieu.” Taꞌe no ko unue uri ngaeta mo ola kire saꞌa da ike nga mei ola diana. Na ngaeta mo ola kire saꞌa peꞌie ike mo iinoni.

1 Korinit 16:2

Ahutana mo Dinge Maaꞌi, omu ke mani niie niinge ngeena, nga iini na e nii-nii mola i sulie tari-olanga ingeie, na omu ke mani loo-loohaꞌinie mola i suli maholo, mwaanie omu loꞌo-loꞌohie loꞌu nga mo niinge aana maholo ne kei lae mai seemiu.

1 Korinit 6:12

Oto loꞌu, maeni eesiku, nga mo iini eemiu kire unue uuri, “Nga mei ola e kaꞌa aapu ike hunieu.” Iau, leune e toꞌohuu. Taꞌe ngaeta mo ola kire saꞌa da ike nga mei diananga huniꞌo. Na maꞌalana nou iiꞌo luhetaꞌi huni esuie taꞌena nga mei ola, taꞌe nou saꞌa toliꞌaasie ike nga mei ola urine ke aalaha haahieu.

1 Korinit 7:25

Hoe. Omu dolosi noꞌone i sulie mo mwane na mo keni nge kire iiꞌo pupupu. A Aalaha e kaꞌa niie ike nga mei haꞌatolanga i sulire, taꞌe ne kei unue mola neꞌisaenga ineu maraaku. Na aena aana a Aalaha e aamasieu na e manata diana hunieu, oto e neꞌieu hunie nga iini nge omu sai norutoꞌo aana.

1 Korinit 7:40

Taꞌe mala uri a huꞌe ngeena ko iiꞌo mwaakule mola urine, nge ke si tohungei ilenimwaꞌe loꞌu eena. Neꞌisaenga ineu otona, na nou hiiwalaimoli uri Liꞌoa Maaꞌi a God noꞌone ko neꞌisae urine.

2 Korinit 12:1

Nou saie mola uri e kaꞌa diana ike huni ere toohaꞌinieu, aana mei ola mwaakule mola ni ngeena, taꞌe aana omu ko deu rarahieu, nge ne ke ere toohaꞌinieu loꞌu haahie mo ola e waꞌaraa hunieu aana a Aalaha e haataꞌiniꞌi oto aaku.

2 Korinit 8:6

Oto aena aana a Taetas e da omu aehotaa tolahai niinge, nge melu eitanaie hunie ke ooli loꞌu i seemiu huni ere haꞌasusuꞌomu hunie omu ke haꞌamangoa mo niinge iꞌomu.

2 Korinit 8:8

Maholo no ko ere urine, nou kaꞌa neꞌie ike nga haꞌatolanga huniꞌomu. Taꞌe no ko ere urine mola aana nou leesie uri ngaeta mo soihaadaꞌinge kire ko tohungei mwaꞌe-mwaꞌe huni peꞌi-peꞌi, na mala uri omu ke peꞌi-peꞌi noꞌone urine, nge e haataꞌinie uri manata-diananga iꞌomu nga ola toꞌohuu taane.

2 Korinit 9:2

Nou saie oto uri omu mwaꞌe-mwaꞌe huni peꞌire, oto nou lae peꞌi ere laheꞌomu i saana mwala mai aana poꞌo ni henue i Masedonia uuri, “Kira hiiwalaimoli hao i Korinit i laona poꞌo ni henue i Akaea, na oto ahutana kira hiiwalaimoli aana poꞌo ni henue ngeena, kire aehota dau aakau oto huni peꞌi aana halisi e mango haona.” Na mwaꞌe-mwaꞌenga iꞌomu e taꞌelaꞌinie saena mo iini hunge mai leu i Masedonia, oto kire ko meni sare nii oto noꞌone.

Pilipae 4:17

Nou kaꞌa unue ike leune mola uri hunie omu ke nii huni peꞌieu tarau, taꞌe saeku mola uri waaite nge a God kei niie huniꞌomu ke paine.

Hibru 13:16

Na mwaanie omu pupulongosie peꞌilana ngaeta mwala aani esunge diana nada, aena aana mo uunu-olanga urine noꞌone nge saena God ko lae otoi mamango haahiꞌi.