2 Korinit 7:7 - Tataroha Diana

⁷ Melu kaꞌa ilenimwaꞌe ike mola hahaiteli haahie a Taetas e hule, taꞌe melu ilenimwaꞌe oto noꞌone haahie mei tataroha e unue uri iꞌomu, omu haꞌasaedianaꞌaa noꞌone. E unue oodoiꞌemeelu uri omu ko tohungei sare leesieu loꞌu, na uri omu ko saehuu oto hiitoꞌo haahie nga taa e rau ngeena, na omu ko sare uure mola aana aapa ineu siꞌiri ienini. Oto ineu na no ko tohungei ilenimwaꞌe hiitoꞌo noꞌone.

2 Korinit 7:7 ပူးပေါင်းရင်းမြစ်များ

Matiu 26:75

Aana maholona nge a Pita ko si aamasitoꞌo aana mo wala a Jisas e unu-unuꞌi hunie uuri, “I naꞌona kue kei ngara i rodo siꞌirini, o kei taateingeꞌinieu haꞌa-oolu uri o kaꞌa manataꞌinieu ike.” Oto a Pita e iisitaa i sinaha, ko si ngara uulo-uulo.

Matiu 5:4

Deidehie mo iini nge kire iiꞌo ni saehuu, aena aana a God kei haꞌadodoa taane saeda.

Tataroha Diana I Sulie A Jisas Kraes Nge A Luk E Uusue 22:44

Na aena aana sapesalunge e paine hiitoꞌo, a Jisas ko si aarea God loꞌu liutaa. Na ko madaraꞌa oto hiitoꞌo hule aana mo uudu-uuduhe ni madaraꞌanga kire lio oto mala mo uudu-uuduhe ni epu.

Palonga 11:23

Na maholo e lai hule wau i Antiok ko si tohungei ilenimwaꞌe aana e leesie uri a God e haꞌadianaꞌara oto. Na ko si tohungei deu rarahire uri kire ke lulu i sulie oto Aalaha ikie toꞌohuu taraureꞌi.

Uusu-uusu A Pol Hurula'aa Hunie Mo Rom 1:12

Nou tohungei sare leesiꞌomu hunie kolu ke mani ere haꞌasusukolu heiliu aana hiiwalaimolinge ikolu.

1 Korinit 5:2

!Haꞌike eena! ?E ue ni omu ko toohaꞌiniꞌomu haahie? E malisine omu ke saehuu i sulie, na hunie omu ke neꞌie mwane ngeena i sinaha mwaanie soihaadaꞌinge.

2 Korinit 1:4

Ingeie oto ko haꞌadodoa saemeelu i suli maholo melu ko lae oodoie mo aasanga, uri hunie iꞌemeelu noꞌone melu ke haꞌadodoa saena mo iini kire ko lae oodoie noꞌone mo aasanga, na melu ke asu urine aana taꞌa-taꞌa mei peꞌinge nge a God e haꞌadodoa saemeelu aana.

2 Korinit 2:9

Maholo nou uusue uusu-uusu ngeena huniꞌomu oto i naꞌo, nou kaꞌa loꞌongaꞌinie mola haꞌa-oodohilana a mwaena, taꞌe nou sare manataꞌinie noꞌone uri ohe omu kei mwaꞌe-mwaꞌe taane huni tola i sulie walu ola no ko unu-unuꞌi huniꞌomu, wa haꞌike.

2 Korinit 5:2

Taꞌe aana iiꞌonga mei sape ienini mai aano i leu, kie ko iiꞌo mola peꞌie ngaranga, aana kie ko heri hunie oto liutaa uri kie ke toꞌo aana oto mei sape haalu uure i Lengi na hunie ke aaluhikie oto.

2 Korinit 7:6

Taꞌe maꞌalana e urine, a God iini e sai peꞌie mo iini kire ko saehuu, e da hunie melu ke ilenimwaꞌe loꞌu maholo e uusungeꞌinie mai a Taetas i saameelu.

2 Korinit 7:8

Waite nou saehuu keꞌu aana nou saie uri uusu-uusu ineu holaꞌinaꞌo e da omu saehuu. Taꞌe maꞌalana uusu-uusune e da kaꞌu omu saehuu, taꞌe siꞌiri nou kaꞌa saehuu loꞌu aana uri nou uusu-uusu urine huniꞌomu, aana saehuunge iꞌomu ngeena mei ola mola hunie kele maholo oꞌoruꞌe.

2 Korinit 8:16

Melu ko paalahea God oto liutaa haahie e niie mei neꞌisaenga ngeena hunie a Taetas huni peꞌilemiu oto mala iꞌemeelu noꞌone, melu ko peꞌiꞌomu.

Pilipae 1:20

Nou tohungei neꞌisae paine taane aana uri ne ke aꞌailaꞌa huni haꞌamanikuluꞌaa a Kraes aana ahutana mo ola no ko deu-deuꞌi. Aana saeku uri ne ke lae taraꞌasi mola oto mala no ko euꞌesuie tarau, mwaanie uri nou masa i maana a Kraes aana taꞌena nga maholo. Saeku ke urine maꞌalana uri ne ke mauri keꞌu wa ne ke mae loꞌu.

Kolosi 2:5

Aana maꞌalana nou kaꞌa iiꞌo ike peꞌiꞌomu aani sape, taꞌe ineu taane peꞌiꞌomu aani liꞌoa, na no ko ilenimwaꞌe huni leesie iiꞌolamiu e diana na hiiwalaimolinge iꞌomu e aꞌailaꞌa taane aana a Kraes.

1 Tesalonaeka 3:6

Taꞌe oto ie a Timoti e uure wau i seemiu na e hule aalihoꞌi oto loꞌu mei saameelu peꞌie mei tataroha e diana i sulie hiiwalaimolinge na manata-diananga iꞌomu uri e susu oto ue. E unue oodoiꞌemeelu uri omu sai aamasitoꞌo aameelu noꞌone aana ilenimwaꞌenga mala iꞌemeelu noꞌone, melu ko loꞌongaꞌiniꞌomu na melu ko sasare leesiꞌomu.

1 Tesalonaeka 3:8

Tolahiꞌanga e wae-waeliꞌemeelu keꞌu, taꞌe ie melu meuri loꞌu mola aana melu rongoa oto uri omu ko uure maꞌutaꞌa taane peꞌie hiiwalaimolinge iꞌomu aana Aalaha.

Hibru 2:1

Aena urinena, kie ke tohungei hele maꞌutaꞌa oto aana nga taa nge haꞌananaulaka e lae kaꞌu oto aana, mwaanie kie lae aaopa mola mwaanie walaimolinge ngeena.

Jemes 5:17

Mala a Elaeja, ingeie ngaeta mwane noꞌone mola mala ikolu. Ingeie e aarengaꞌi susuleꞌi hunie ke suꞌuri nemo, oto e kaꞌa nemo ike hunie oolu helisi na e oono waro-waro.

2 Jon 1:4

No ko tohungei ilenimwaꞌe oto liutaa aana nou si lio saie uri ngaeta mo iini aana mo kalemu kire ko lulu i sulie tolahai walaimolinge oto mala a Mamaꞌa e unue hunikie aana haꞌatolanga ingeie.

Jiud 1:3

Maeni malahuku, nou tohungei saetoꞌo aana uri ne ke uusu-uusu oto huniꞌomu i sulie mei haꞌa-uuringe nge kolu meni toꞌo aana. Nou sare ere haꞌasusuꞌomu loꞌu uri hunie omu ke uure aꞌailaꞌa peꞌie mei wala toꞌohuu nge kie mani hiiwalaimoli oto aana. A God e niie oto mei wala ngeena hautaꞌai hunikie, ahutana mo iinoni ingeie, na e saꞌa roroꞌa oolisie ike oto ooꞌoo.