2 Korinit 7:2 - Tataroha Diana

² Omu ke haataꞌinie oto uri omu manata diana huniꞌemeelu, aana iꞌemeelu, melu kaꞌa dau aaelasie ike nga mei ola aana nga iini. Melu kaꞌa waelie ike nga iini, wa melu ke haꞌamweꞌu-mweꞌue nga iini. Ngaeta mo iini eemiu ko haꞌapeliꞌemeelu urine, taꞌe e kaꞌa toꞌohuu ike.

2 Korinit 7:2 ပူးပေါင်းရင်းမြစ်များ

Matiu 10:14

Na mala uri nga hanue kaꞌa tola koniꞌomu oto, wa kire ke rongo huniꞌomu, nge omu ke lae mwaanie hanuena, na omu ke tataaꞌinie mo wasa-wasa mwaanie aeꞌaemiu, domana uri nga haꞌapasunge hunire uri a God kei haꞌaloire.

Matiu 10:40

Oto a Jisas ko heꞌi teꞌuri loꞌu, “Nga iini ko tekuhiꞌomu nge ko tekuhieu eena. Na nga iini nge ko tekuhieu ko tekuhie noꞌone iini e uusungeꞌinieu mei.

Tataroha Diana I Sulie A Jisas Kraes Nge A Luk E Uusue 10:8

“Mala uri omu ko lae aana nga huilume na mwala ko tekuhiꞌomu, nge omu ke ngau-ngeu mola aana nga moi taa kire ko niiꞌi huniꞌomu.

Palonga 20:33

“Omu saie oto uri nou kaꞌa saehanalie ike nga mei toꞌoha wa nga kele mei ola aana toꞌolana nga iini aana taꞌena nga maholo.

Uusu-uusu A Pol Hurula'aa Hunie Mo Rom 16:18

Mwala urine, kire kaꞌa asu ike nana a Kraes Aalaha ikie, taꞌe kire ko lae mola i sulie mo heri-huninge aaela aana sape. Kire ko eero aani lahenga huni haꞌa-olaa mola saena mwala nge kire kaꞌa lio saie ike mo neꞌisaenga aaela ikire.

2 Korinit 1:12

Maeni eesiku, manataku e taha mola aana nou saie uri melu kaꞌa eeroa ike nga iini aana nga maholo, taꞌe melu ko lulu i sulie mola oodo-oodonga nge a God e saetoꞌo aana. Walu ola melu ko euꞌesuiꞌi e uure mola aana hahuꞌana manata-diananga a God, na melu kaꞌa asuie ike nga mei ola i sulie saenanaunge ni iinoni. Tolahameelu e diana oto urine tarau peꞌie ahutana mo iinoni, na oto liutaa maholo melu oꞌoꞌo peꞌiꞌomu.

2 Korinit 11:16

No ko sare heꞌi unue loꞌu mola uri omu ke suꞌuri loꞌongaꞌinie uri ineu nga pweu. Taꞌe mala uri nga iini eemiu ko loꞌongaꞌi takalo urine, nge saeku uri omu ke rongo hunieu mala omu ko rongo hunie mo pweu, na omu ke toliꞌaasieu hunie uri ne ke kele ere toohaꞌinieu.

2 Korinit 11:9

Oto aana maholo nou iiꞌo hao peꞌiꞌomu, nou kaꞌa loꞌohie ike nga mei ola aamiu. !Haꞌike! Taꞌe mo mwaasine aani hiiwalaimolinge nge kire oꞌoꞌo mai aana poꞌo ni henue i Masedonia ni kire lae hao i Korinit huni peꞌieu aana mei toꞌoha. Nou tohungei kinetaꞌinie tolahaku mwaanie nou da nga mei hiꞌelaa huniꞌomu aana taꞌena nga mei ola, na ne kei lae taraꞌasi oto mola urine.

2 Korinit 4:2

Melu ko tarohaꞌinie a Kraes mola aana mo tolahai ola diana, na melu toliꞌaasie oto taꞌena nga tolahai ola aaela huni tarohaꞌinie. Melu kaꞌa tarohaꞌinie ike a Kraes aana mo tolahai ola e kaꞌa malisi, wa aana mo tolahai ola mumuni, wa aana mo tolahai ola nge ko esuie masanga. Melu kaꞌa haꞌa-olaa ike nga mo iini aani eeronga, na melu kaꞌa sai huꞌisie ike walana God. !Haꞌike oto ooꞌoo! Taꞌe melu ko lae peꞌi unu tahangaꞌinie mola walaimolinge haliꞌite i maana God, hunie ahutana mwala kire ke lio saie uri melu ko ere toꞌohuu.

Pilipae 2:29

Aena urine, omu ke takuhie peꞌi ilenimwaꞌenga mala aasikaelu i lalo aana Kraes. Na omu ke haꞌamaꞌu noꞌone aana mo iini mala ingeie.

Kolosi 4:10

A Aristakas nge e iiꞌo peꞌieu mai i laona nume ni hoꞌo ie, ko niie noꞌone wau mei wala ni saediananga ingeie huniꞌomu. Na aasine a Banabas a Mak nge kirerue mani hute aana e ro mwaasine, a Banabas, a Mak, na ko niie noꞌone saediananga ingeie wau huniꞌomu. Oto mala nou unue kaꞌu oto huniꞌomu, mala uri a Mak ko liu i seemiu, omu ke tolakonie.

1 Tesalonaeka 2:10

Maholo melu oꞌoꞌo peꞌiꞌomu mo iini omu hiiwalaimoli, tolahameelu e diana, na e oodo, na e maaꞌi takoiꞌomu. Oto omu meni saie mola leune e toꞌohuu, na a God na e saie noꞌone urine.

Pilimon 1:12

Oto no ko uusungeꞌi eelihoꞌi oto wau aana i seemu ie, maꞌalana uri nou tohungei sae paine taane haahie.

Pilimon 1:17

Mala uri o ko manata diana toꞌohuu hunieu mala ineu nga malahumu diana, nge o ke tola konie noꞌone a Onesimas mala o sai tola konieu.

2 Jon 1:10

Mala uri nga haꞌa-uusuli ko hule i seemiu na haꞌa-uusulinge ingeie ko lae aaopa mwaanie haꞌa-uusulinge a Kraes ienini, nge omu ke suꞌuri tola konie i nume iꞌomu, na hule aana omu ke suꞌuri unue loꞌu nga mei wala ni saediananga hunie.