2 Korinit 7:13 - Tataroha Diana

¹³ Oto aena leune e rau urine, nge melu ko tohungei ilenimwaꞌe oto liutaa haahiꞌomu. Na loꞌu sapeitana ilenimwaꞌenga iꞌemeelu haahiꞌomu, melu ko tohungei saemango noꞌone liutaa huni leesie a Taetas ko ilenimwaꞌe aana omu meni haꞌasaedianaꞌaa oto liutaa.

2 Korinit 7:13 ပူးပေါင်းရင်းမြစ်များ

Uusu-uusu A Pol Hurula'aa Hunie Mo Rom 12:15

Omu ke ilenimwaꞌe peꞌie mo iini ko ilenimwaꞌe, na omu ke saehuu peꞌie mo iini ko saehuu.

Uusu-uusu A Pol Hurula'aa Hunie Mo Rom 15:32

Oto aana ko urine na mala uri a God ko saetoꞌo aana oto, nge ne ke lae wau i seemiu peꞌie ilenimwaꞌenga oto paine, na ne ke mamalo diana wau peꞌiꞌomu.

1 Korinit 12:26

Mala uri nga taꞌa-taꞌa sasarai ola aana sape ko sapesalu, nge ahutana mo sasarai ola ko meni sapesalu tararuru oto peꞌie. Na mala uri nga taꞌa-taꞌa sasarai ola haꞌamanikuluꞌalana ko lae, nge ahutana mo sasarai ola ko meni ilenimwaꞌe tararuru oto noꞌone peꞌie.

1 Korinit 16:13

Omu ke lio talamiu na omu ke hiiwalaimoli ngaingedi. Omu ke suꞌuri meꞌu, taꞌe omu ke uure maꞌutaꞌa.

1 Korinit 16:18

Kire tohungei haꞌasaedianaꞌaau oto mala kire haꞌasaedianaꞌaꞌomu keꞌu holaꞌinaꞌo. Aena urine omu ke haꞌamaꞌu aana mwala urine.

2 Korinit 2:13

Taꞌe nou tohungei tolahiꞌe mola aena aana nou kaꞌa rongoa ike nga mei wala i suliꞌomu aana nou kaꞌa oodoie ike aasikaelu a Taetas hunie ke haꞌarongoau. Oto nou ere ni saediananga mola peꞌie mwala i leune, nge nou si toliꞌaasire, na nou aatoholo mai hunie poꞌo ni henue i Masedonia aana nou heitalea nga mei wala diana i suliꞌomu.

2 Korinit 2:3

Ineu nou kaꞌa ere ike mola i sulie ilenimwaꞌenga ineu maraaku, taꞌe ilenimwaꞌenga ineu e uure mola aana ilenimwaꞌenga iꞌomu, aana kolu sai ilenimwaꞌe mola tararuru. Aena urinena, nge nou holaꞌi uusu-uusu mola hao huni ere aamiu haahie mo ola omu deu aaelasiꞌi, hunie uri maholo ne kei hule loꞌu hao i seemiu, na mo ola ngeena kire oodo oto. Iau, nou esuie mola urine mwaanie uri mo iini hunie omu ke da ne ke ilenimwaꞌe, omu si da loꞌu mola ne ke saehuu.

2 Korinit 7:14

Na mo ola nou ere toohaꞌiniꞌomu eeni i saana Taetas, nou kaꞌa masa ike aani, aana ahutana walu ola nge nou unu-unuꞌi i suliꞌomu kire mani toꞌohuu mango, mala ahutana walu ola nge nou unu-unuꞌi huniꞌomu kire mani toꞌohuu mango noꞌone.

2 Korinit 7:15

Oto maholo ienini, a Taetas noꞌone e tohungei neꞌisae paine aamiu aana ko loꞌongaꞌi i sulie uri omu meni lio i suli diana aana, na omu meꞌuteꞌinie peꞌi haꞌamaꞌunge aana, hule aana omu meni mwaꞌe-mwaꞌe ni tola i sulie walana.

2 Korinit 7:6

Taꞌe maꞌalana e urine, a God iini e sai peꞌie mo iini kire ko saehuu, e da hunie melu ke ilenimwaꞌe loꞌu maholo e uusungeꞌinie mai a Taetas i saameelu.

Pilipae 2:28

Aena urine no ko tohungei sare uusungeꞌinie oto wau a Epaprodaetas i seemiu, hunie omu ke ilenimwaꞌe loꞌu aana omu kei leesie, na hunie ineu ne ke suꞌuri tolahiꞌe aana.

2 Timoti 1:16

Taꞌe a Onesiporas e kaꞌa toliꞌaasieu ike, na e tohungei peꞌi-peꞌieu tarau na e kaꞌa masa ike honosieu maꞌalana nou oꞌoꞌo i nume ni hoꞌo. Aena urine nge no ko aarea a Aalaha ke haꞌadianaꞌaa uluhe ingeie.

Pilimon 1:20

Malahuku diana, aana kure mani lado peꞌie a Kraes, kaꞌu no ko eitanaiꞌo aana satana a Aalaha uri o ke peꞌieu urine hunie o ke haꞌamamaloa saeku.

Pilimon 1:7

Malahuku diana, manata-diananga iꞌoe hunie mwala a God e da kire ko tohungei hii diana, na aena mei olana o da ineu noꞌone, no ko tohungei ilenimwaꞌe na saeku e susu.

1 Pita 3:8

Leu ooreta no ko unue mola uri omu ke mani toꞌo aana mola taꞌa-taꞌa mei sae, na omu ke aama-aamasiꞌomu heiliu. Omu ke mana-manata diana huniꞌomu heiliu mala mo mwaasine. Omu ke sae-saediana huniꞌomu heiliu, na omu ke haꞌamwai-mweiꞌaꞌomu maraamiu.