2 Korinit 6:6 - Tataroha Diana

⁶ Na melu haataꞌinie loꞌu uri iꞌemeelu mo koni-konihe a God aana iiꞌonga rereꞌa iꞌemeelu, na aana saenanaunge iꞌemeelu, na aana toli-rakonga iꞌemeelu, na aana saediananga iꞌemeelu hunie ahutana iinoni, na aana nanamanga a Liꞌoa Maaꞌi, na aana melu manata diana toꞌohuu hunie ahutana iinoni.

2 Korinit 6:6 ပူးပေါင်းရင်းမြစ်များ

Uusu-uusu A Pol Hurula'aa Hunie Mo Rom 12:9

Mwaanie omu lupweꞌi deu-deu aani manata-diananga, taꞌe omu ke manata diana toꞌohuu. Omu ke leledie aaelanga, na omu ke hele maꞌutaꞌa aana nga taa e diana.

Uusu-uusu A Pol Hurula'aa Hunie Mo Rom 15:19

Oto mwala kire hiiwalaimoli aana i sulie nou esuie mo huꞌi-huꞌite peꞌie nanamanga aana Liꞌoa Maaꞌi mala mo tolimaa aana nanamanga a God. Oto ahutana mo henue uure i Jerusalem lai hule oto aana taitelihe aana poꞌo ni henue i Ilirikam, nou lae peꞌi tarohaꞌinie oto Tataroha Diana i sulie a Jisas Kraes oto aani.

1 Korinit 12:8

Aana e taꞌa-taꞌa Liꞌoa Maaꞌi ngeena mola ni ko niie nanamanga hunie ngaeta mwala huni unu tahangaꞌinie mo wala ni saenanaunge, na ko niie noꞌone hunie ngaeta mwala tolaha ni sai-olanga.

1 Korinit 13:4

Iinoni e manata diana hunie mwala e toli rako na ko esuie mei sae malumu hunie iinoni. E aasa kei heotaꞌi, wa kei toohaꞌi, wa ke ere paine i sulie maraana.

1 Korinit 2:16

Na e toꞌohuu oto aana Uusu-uusu Maaꞌi e unue uuri, ?A tei ni e manataꞌinie mo neꞌisaenga i manatana Aalaha hunie ke haꞌa-uusulie loꞌu? Aesaea 40:13 Taꞌe ikie, kie saie a God aana kie toꞌo aana mo neꞌisaenga a Kraes.

1 Korinit 2:4

Oto nou saie uri laeliwalanga ineu na mei wala nge nou tarohaꞌinie huniꞌomu e kaꞌa lae ike aana mo wala diana i sulie saenanaunge mo iinoni. !Haꞌike! Taꞌe e lae mola peꞌie nanamanga aana Liꞌoa Maaꞌi a God.

2 Korinit 1:23

Oto ne ke unue oodoiꞌomu aana e ue kaꞌu nou kaꞌa ooli ike mai i seemiu mala nou unue. A God e saie mola manataku, na e saie taane uri nga taa no ko unue e toꞌohuu. Nou kaꞌa lae ike ue hao i Korinit, i sulie nou kaꞌa sare ere aamiu loꞌu na urine kei aasa loꞌu huniꞌomu.

2 Korinit 11:11

?Oto e ue? ?Uri omu loꞌongaꞌinie uri no ko ere urine aena aana nou kaꞌa manata diana ike huniꞌomu? !Haꞌike! A God e saie taane uri nou tohungei manata diana huniꞌomu.

2 Korinit 11:4

No ko maarara urine aena aana omu ko toliꞌaasie mola mwala ko lae mai huni ere i sulie ngaeta Jisas nge e aaopa mola mwaanie iini nge iꞌemeelu melu tarohaꞌinie kaꞌu huniꞌomu oto waite. Na omu ko ilenimwaꞌe mola peꞌie ngaeta taungei liꞌoa na ngaeta taungei tataroha diana nge kire tohungei aaopa oto hiitoꞌo mwaanie Liꞌoa Maaꞌi na Tataroha Diana a Jisas nge melu toolea mai huniꞌomu.

2 Korinit 11:6

Ohe nou kaꞌa sai haꞌalaunie ike walaku mala ikire, taꞌe ineu nou tohungei saenanau oto liutaa aada aana Tataroha Diana, na no ko haataꞌi diana aana leune huniꞌomu tarau aana ahutana mo esunge ineu i matolamiu.

2 Korinit 12:15

Oto no ko tohungei ilenimwaꞌe mola huni niie ahutana mo ola nou toꞌo aani namiu, hule oto aana ineu maraaku, huni peꞌiꞌomu huni hele aana maurihe huu. ?Oto aana ineu no ko manata diana liutaa huniꞌomu urine, uri iꞌomu, omu kei manata aaela mola hunieu?

2 Korinit 13:10

Oto aena urinena maholo nou kaꞌa iiꞌo ue peꞌiꞌomu taꞌe no ko uusue oto hao uusu-uusu ienini, hunie maholo ne kei hule hao ne ke suꞌuri ere raramaa huniꞌomu aana nanamanga nge a Aalaha e niie hunieu. Aana nanamanga ngeena niilana e lae hunieu uri hunie ne ke peꞌie hiiwalaimolinge iꞌomu ke maꞌutaꞌa loꞌu hiitoꞌo, na e kaꞌa ola ike huni waeliꞌomu.

2 Korinit 2:10

Oto ie aana nou leesie uri omu sai tola i sulie walaku toꞌohuu, oto mala uri omu ko saeꞌaasie nga mei aaelanga nga iini e dau huꞌisiꞌomu aana, nge ineu e urine noꞌone. Na mala iinonine e dau huꞌisie noꞌone mei olana hunieu, nge ineu noꞌone ne ke saeꞌaasie mei olana hunie. A Kraes e saie oto uri no ko deu-deu urine, aana saeku mola hunie ne ke peꞌiꞌomu.

2 Korinit 2:4

Maholo nou uusue eetana nga uusu-uusu ngeena, saeku e tohungei makaka oto, na nou uusu-uusu oto mola peꞌie saehuunge na peꞌie ngaranga. Ineu nou tohungei saehuu haahie nga taa nou uusue kaꞌu huniꞌomu, taꞌe nou kaꞌa ere aamiu ike urine hunie omu ke saehuu loꞌu, taꞌe saeku hunie omu ke lio saie uri nou manata diana oto liutaa hunie ahutemiu mango.

2 Korinit 3:3

Oto mauringe haalu iꞌomu ngeena domana uusu-uusu huni haataꞌinie asunge iꞌemeelu e toꞌohuu. Na e matapwa taane mola uri a Kraes ni e uusue uusu-uusu ngeena, aana a Kraes e kaꞌa uusue ike aani inki wa aani baero, taꞌe aana Liꞌoa Maaꞌi nge e uure mwaanie a God Mau-meuriꞌe. Na a Kraes e kaꞌa uusue ike mola i lengine mo rerepatai heu mala mo Haꞌatolanga nge a God e niiꞌi hunie a Mosis oto waite, taꞌe e uusue oto i laona saemiu.

2 Korinit 4:6

Aana haꞌaholanga a God e unue uuri, !Raa-raa kei raangie rodohono! Jenesis 1:3 Na ingeie noꞌone nge e sinelie saemeelu aana raa-raa ingeie, hunie melu ke lio saie uri mwala e sai leesie manikuluhaꞌana God aana a Jisas Kraes.

2 Korinit 7:2

Omu ke haataꞌinie oto uri omu manata diana huniꞌemeelu, aana iꞌemeelu, melu kaꞌa dau aaelasie ike nga mei ola aana nga iini. Melu kaꞌa waelie ike nga iini, wa melu ke haꞌamweꞌu-mweꞌue nga iini. Ngaeta mo iini eemiu ko haꞌapeliꞌemeelu urine, taꞌe e kaꞌa toꞌohuu ike.

Kalesia 3:2

Taꞌa-taꞌa mei ola mola nou saetoꞌo aana omu ke unue oodoieu. ?Ohe omu hele aana Liꞌoa Maaꞌi a God aani lulu i sulilana mo Haꞌatolanga a Mosis, wa aani rongolana Tataroha Diana peꞌi hiiwalaimolinge aana?

Kalesia 3:5

?Uri a God e niie Liꞌoa huniꞌomu na ko esuie mo huꞌi-huꞌite i matolamiu aena aana omu tola i sulie mo Haꞌatolanga a Mosis, wa aena aana omu rongoa Tataroha Diana na omu hiiwalaimoli aana?

Kalesia 5:22

Taꞌe hue-huei ola aana Liꞌoa Maaꞌi nge manata-diananga, na ilenimwaꞌenga, na hanuelamanga, na saemamae, na aamasinge, na diananga. A Liꞌoa Maaꞌi ko da kie ke neꞌi iinoni nou-norue,

Epesas 3:4

Na mala uri omu kei saai kohie loꞌu uusu-uusu ienini, nge omu kei lio saie mola uri nou sai diana aana mei oalaꞌinge a Kraes nge e oꞌoꞌo mumuni kaꞌu waite.

Epesas 4:2

Omu ke haꞌamwai-mweiꞌaꞌomu tarau, na omu ke toli rako peꞌie mwala. Omu ke saemamae mola, na omu ke haataꞌinie manata-diananga iꞌomu huniꞌomu heiliu aani saeꞌaasilana nga moi taa kire dau huꞌisiꞌomu eeni.

Epesas 4:32

Taꞌe omu ke toꞌo aana mei saemamae na omu ke aamasiꞌomu heiliu, na omu ke saeꞌaasi hunie taꞌena nga iinoni mala a God ko sae-saeꞌaasi huniꞌomu i tehulaꞌana a Kraes.

Kolosi 1:27

E asuie leune hunie iꞌomu mo Aapoloa Aaopa, omu ke manataꞌinie uri a Kraes e sai iiꞌo oto i lalo aamiu, na ko haꞌawalaimoliꞌaa huniꞌomu uri iꞌomu noꞌone omu sai iiꞌo peꞌie i laona manikuluhaꞌana. Mei saehaahinge a God nge e iiꞌo mumuni keꞌu ni otona, na e tohungei diana hunikie na e lio manikuluꞌe.

Kolosi 2:3

Na taꞌe a Kraes mola ni e sai tahanie saeka hunie kie ke lio saie ahutana mo saenanaunge a God nge kire oꞌoꞌo mumuni keꞌu ngeena.

Kolosi 3:12

Iꞌomu, a God e lio hilisiꞌomu hunie omu ke neꞌi iinoni maaꞌi ingeie nge e tohungei manata diana huniꞌomu. Oto aena urine, iꞌomu noꞌone omu ke haataꞌinie aamasinge hunie mo iinoni, na omu ke saemamae hunie mwala, na omu ke haꞌamwai-mweiꞌaꞌomu, na omu ke toli rako peꞌie mwala, na omu ke suꞌuri sae-saewasu oto lau-leu peꞌie mwala.

1 Tesalonaeka 2:10

Maholo melu oꞌoꞌo peꞌiꞌomu mo iini omu hiiwalaimoli, tolahameelu e diana, na e oodo, na e maaꞌi takoiꞌomu. Oto omu meni saie mola leune e toꞌohuu, na a God na e saie noꞌone urine.

1 Timoti 4:12

O ke suꞌuri toliꞌaasie nga iini hunie ke loꞌongaꞌinie uri walamu e kaꞌa hiꞌe ike aana o saanau mola. Taꞌe o ke iiꞌo diana oto liutaa hunie kira hiiwalaimoli ke leesie walamu, na asunge iꞌoe, na manata-diananga iꞌoe, na hiiwalaimolinge iꞌoe, na iiꞌonga rereꞌa iꞌoe, hunie kire ke haimaaniꞌo.

1 Timoti 5:2

E urine loꞌu aana mo huꞌe, aena aana ikire oto mo nikemu. Mo keni haalu ikire oto mo eesimu keni, oto aena urinena o ke takuhire tarau aana tolahai iinoni diana.

2 Timoti 3:10

Taꞌe iꞌoe, kaleku, o saie oto mo haꞌa-uusulinge ineu na iiꞌolaku e uri taa, na nga moi taa no ko sare asuiꞌi. O lio saie kaꞌu oto hiiwalaimolinge ineu, na toli-rakonga ineu, na manata-diananga ineu hunie ahutana mwala, na toli-susuleꞌinge ineu aana maholo e aasa oto hiitoꞌo.

2 Timoti 4:2

uri o ke lae taraꞌasi oto peꞌie tarohaꞌinilana walana God. O ke laeliwala hunie mwala oto tarau, maꞌalana mwala kaꞌa sare rongo huniꞌo. O ke haꞌa-oodohie tolahada maholo kire ko lae takalo, na o ke haataꞌinie mo oorahaꞌaa ikire hunire hunie kire ke aaliꞌu mwaaniꞌi, na o ke ere haꞌasusure noꞌone. Walu ola ngeena o ke asuiꞌi peꞌi toli-rakonga, na peꞌi haꞌananaunge diana.

Taetas 2:7

Na iꞌoe, Taetas, o ke haataꞌinie noꞌone mei meu-meuringe diana aani esuilana mo ola diana hunie kire ke haimaaniꞌo. Mwaanie o eero-eero aana maholo o ko haꞌa-uusuli, taꞌe o ke haꞌa-uusuli peꞌie saenanaunge hunie mwala ke haꞌamaꞌu noꞌone aamu.

Jemes 3:17

Taꞌe saenanaunge nge e lae mai mwaanie a God e uuri. E rereꞌa, na e honu aana hanuelamanga, na e mamae, na e sai tola i suli, na e sai hei-aamasi, na ko peꞌi. Saenanaunge urine e kaꞌa sai lupweꞌi deu-deu na e kaꞌa sai rara ike haahie nga iini.

1 Pita 1:12

Oto a God e haataꞌinie hunie mo propet uri mei wala toꞌohuu nge kire ko lae peꞌi tarohaꞌinie ngeena, e kaꞌa mei ola ike mola huni peꞌire maraada, taꞌe mei ola oto huni peꞌilemiu aana ni ngeena. Na Liꞌoa Maaꞌi nge a God e uusungeꞌinie mai, e niie oto nanamanga hunie ngaeta mwala siꞌiri, uri hunie kire ke tarohaꞌinie Tataroha Diana ngeena huniꞌomu. Na aana walu ola ngeena e tohungei diana na e manikuluꞌe oto liutaa, nge hule aana mo ensel taꞌau i Lengi na ikire noꞌone kire ko sare sai diana aana Tataroha Diana ngeena.

1 Pita 1:22

Oto i tehulaꞌana omu tola i sulie mo wala toꞌohuu aana Tataroha Diana ngeena, omu da oto maurihaꞌamiu e rereꞌa mwaanie oorahaꞌaa eena, na omu sai manata diana oto hunie mo eesimiu maaꞌi. Aena urine, omu ke mana-manata diana oto huniꞌomu heiliu aana ahutana saemiu.

1 Jon 3:18

Maeni mwela ineu, kie ke suꞌuri mana-manata diana mola aani wawa wa aani wala, taꞌe manata-diananga toꞌohuu nge ko haataꞌi aana nga taa kie ko esuie.